iOS Device များကို အလွန်လျှင်မြန်သွားစေမယ့် iOS 12 Public Beta ထွက်ရှိ

Apple က iPhone , iPad များအတွက် iOS 12 Public Beta ကို ဖြန့်ချီပေးလိုက်ပါတယ်။ သူ့ရဲ့ အဓိက လုပ်ဆောင်ချက်တစ်ခုက အိုင်ဖုန်း၊ တက်ဘလက် အဟောင်းများကို ပိုမို မြန်ဆန်စေတာ ဖြစ်တယ်လို့ Apple က ပြောပါတယ်။ ဥပမာအားဖြင့် iPhone 6 Plus ဟာ Apps များကို ဖွင့်တဲ့အခါမှာ ၄၀ ရာခိုင်နှုန်း၊ ကင်မရာ App ကို ဖွင့်တဲ့အခါမှာ ၇၀ ရာခိုင်နှုန်းနဲ့ ကီးဘုတ်ကို သုံးတဲ့အခါမှာ ၅၀ ရာခိုင်နှုန်း ပိုမို မြန်ဆန်လာပါတယ်။

Grouped Notifications , Group FaceTime နဲ့ Multiplayer Gaming များအတွက် ARKit 2 များဟာလည်း ပိုမို ကောင်းမွန်လာပါတယ်။ Memoji ဟာလည်း iOS 12 Public Beta ရဲ့ တစ်စိတ်တစ်ပိုင်း အနေနဲ့ ပါလာတယ်လို့ ကုမ္ပဏီက ပြောပါတယ်။ သူတို့ကို FaceTime နဲ့ Group FaceTime များမှာ အသုံးပြုနိုင်ပါတယ်။

Measure App အသစ်လည်း ပါလာပါတယ်။ Apple News, Stocks , Voice Memos , CarPlay များကိုလည်း ဆန်းသစ်ထားပါတယ်။ iPads များမှာလည်း iPhone X လို Gesture Controls များကို အသုံးပြုနိုင်ပါပြီ။

iOS 12 Public Beta မှာ Feature တိုင်းတော့ မပါလာသေးပါဘူး။ App များအတွက် ပရိုဂရမ် ရေးဆွဲနိုင်တဲ့ Siri Shortcuts ကိုတော့ စောင့်မျှော်ရဦးမှာ ဖြစ်ပါတယ်။ နောက်ပိုင်းထုတ် Beta Update သို့မဟုတ် ဖိုင်နယ်ဗားရှင်းမှာ ပါလာမှာပါ။

ref : techradar

unicode

iOS Device များကို အလွန်လျှင်မြန်သွားစေမယ့် iOS 12 Public Beta ထွက်ရှိ

%d bloggers like this: