Redmi 6 Pro ကို တရားဝင် မိတ်ဆက်လိုက်တဲ့ Xiaomi

Xiaomi အနေနဲ့ Redmi 6 Pro ကို ပြီးခဲ့တဲ့ တနင်္ဂနွေနေ့ ညနေပိုင်းက တရုတ်နိုင်ငံမှာ မိတ်ဆက်ခဲ့တာ ဖြစ်ပါတယ်။ Redmi 6 Pro နဲ့အတူ Mi Pad 4 tablet ကိုလည်း မိတ်ဆက်ခဲ့ပါသေးတယ်။

Redmi 6 Pro ဟာ Android 8.1 Oreo ကို Customize ပြုလုပ်ထားတဲ့ MIUI 9 နဲ့ပွဲထွက်ခဲ့တဲ့ စမတ်ဖုန်း ဖြစ်ပါတယ်။ ၅.၈၄ လက်မ မျက်နှာပြင် အကျယ်ရှိ Full-HD+ Display အမျိူးအစားကို အသုံးပြုထားပြီး Resolution ကတော့ 1080 x 2280 pixels ရှိပါမယ်။ Snapdragon 625 SoC ကိုအသုံးပြုထားပြီး Adreno 506 GPU ပါဝင်မှာ ဖြစ်ပါတယ်။ RAM အနေနဲ့ 3GB ပါဝင်ပြီး Storage ကတော့ 32GB ပါဝင်မှာ ဖြစ်ပါတယ်။ RAM 4GB ပါဝင်တဲ့ မော်ဒယ်ကိုတော့ Storage 32GB နဲ့ 64GB ဆိုပြီး ၂မျိူး ထုတ်လုပ်ထားပါတယ်။ MicroSD 256GB ထိ ထပ်စိုက်နိုင်မှာ ဖြစ်ပါတယ်။

12MP (f/2.2 Aperture) + 5MP (f/2.2 Aperture) Camera တွေကို နောက်ကျောဘက်မှာ ဒေါင်လိုက် တပ်ဆင်ထားပြီး ရှေ့ဘက်မျက်နှာပြင်မှာတော့ A.I. Portrait ရိုက်ကူးနိုင်မယ့် 5MP Camera ကို တပ်ဆင်ထားပါတယ်။ လုံခြုံရေးစနစ်အတွက် Fingerprint Sensor ကို နောက်ကျောဘက်မှာ ထည့်သွင်းပေးထားပါတယ်။ ဘက်ထရီ သိုလှောင်မှု ပမာဏ 4000mAh ပါဝင်ပြီး အလေးချိန်ကတော့ 178grams ရှိမှာပါ။

Redmi 6 Pro ကို တရုတ်နိုင်ငံမှာ ရောင်းချသွားမယ့် ဈေးနှုန်းကတော့ RAM 3GB/ ROM 32GB မော်ဒယ်အတွက် တရုတ်ငွေ ၉၉၉ ယွမ် (မြန်မာငွေ ၂ သိန်း ဝန်းကျင်) , RAM 4GB/ ROM 32GB မော်ဒယ်အတွက် တရုတ်ငွေ ၁၁၉၉ ယွမ် (မြန်မာငွေ ၂သိန်းခွဲ ဝန်းကျင်) နဲ့ RAM 4GB/ ROM 64GB မော်ဒယ်အတွက် တရုတ်ငွေ ၁၂၉၉ ယွမ် (မြန်မာငွေ ၂၇၅,၀၀၀ ဝန်းကျင်) ကျသင့်မှာ ဖြစ်ပါတယ်။ အရောင်တွေ အနေနဲ့ Black, Blue, Gold, Pink, နဲ့ Red ဆိုပြီး အရောင် ၄မျိူး ရွေးချယ် ဝယ်ယူနိုင်မှာ ဖြစ်ပြီး ကျွန်တော်တို့ မြန်မာနိုင်ငံ အပါအဝင် ကမ္ဘာအနှံ့အပြားကို ဖြန့်ချီသွားမယ့် နေ့ရက်တွေကိုတော့ အတိအကျ မသိရသေးပါဘူး။

Ref:gadgets.ndtv

Redmi 6 Pro ကို တရားဝင် မိတ်ဆက်လိုက်တဲ့ Xiaomi

%d bloggers like this: