Gaming Laptop တွေကို မြန်မာနိုင်ငံမှာ တရားဝင် မိတ်ဆက်လိုက်တဲ့ ASUS

ASUS Myanmar အနေနဲ့ TUF Gaming Laptop, ROG Gaming Laptop တွေကို ပြီးခဲ့တဲ့ ၂၁ရက်နေ့က ရန်ကုန်မြို့မှာ တရားဝင် မိတ်ဆက်ခဲ့တာ ဖြစ်ပါတယ်။ TUF Series က Entry Level Gaming Laptop အမျိူးအစားဖြစ်ပြီး ROG Strix ကတော့ Essential Gaming Laptop အမျိူးအစား ဖြစ်ပါတယ်။

ASUS Gaming Laptop တွေက Intel ရဲ့ 8th Gen H Hexa Core processor တွေကို အသုံးပြုထားတဲ့အတွက် ယခင် 7th Gen H Quad Core processor တွေထက် Performance အပိုင်းမှာ 23% အထိ ပိုမိုကောင်းမွန်လာမှာ ဖြစ်ပါတယ်။ Storage အပိုင်းမှာလည်း 7200 RPM HDD အစား Firecuda SSH HDD ကို အသုံးပြုထားတဲ့အတွက် Benchmark Scores များအရ Boost အပိုင်းမှာ ၇ဆ နဲ့ Game Loading အပိုင်းမှာ ၂.၂၅ဆ အထိ ပိုမို မြန်ဆန်လာတာကို တွေ့ရပါတယ်။ ဒါ့အပြင် RAM အတွက် DDR4 2666MHz ထည့်သွင်းပေးထားတဲ့ကြောင့် DDR4 2400MHz တွေထက် Memory Performance မှာ 11% အထိ ပိုမို ကောင်းမွန်လာမှာပါ။ Fan နဲ့အတူ Anti-Dust Thermal tunnel ပါဝင်တဲ့အတွက် Laptop ထဲရှိ အညစ်အကြေးများကို စုတ်ယူပေးသွားမှာ ဖြစ်ပါတယ်။ 802.11ac wave 2 ကို တပ်ဆင်ထားတဲ့အတွက် 802.11n ထက် ၁၂ဆ အထိ ပိုမိုမြန်မာဆန်လာမှာ ဖြစ်ပါတယ်။

TUG Gaming Laptop တွေရဲ့ ဒီဇိုင်းပိုင်းအတွက် Premium Steel နဲ့ Red Matter ဆိုပြီး ၂မျိူး ထုတ်လုပ်ထားပါတယ်။ Core i7-8750H Processor 2.2 GHz, NVIDIA GeForce GTX 1050, Graphic Memory GDDR5 4GB, FHD 1920 x1080 60Hz, RAM 8GB, Storage 1TB ပါဝင်တဲ့ FX504GD-E4074T မော်ဒယ်ကို ကန်ဒေါ်လာ ၁၀၅၉ ဒေါ်လာနဲ့ Core i5-8300H Processor 2.3 GHz ပါဝင်တဲ့ FX504GD-E4381T မော်ဒယ်ကိုတော့ ကန်ဒေါ်လာ ၉၅၉ ဒေါ်လာနဲ့ ရောင်းချသွားမယ်လို့ သိရပါတယ်။

ROG Strix Gaming Laptop တွေမှာတော့ SCAR Edition နဲ့ Hero Edition ဆိုပြီး ၂မျိူး ရွေးချယ် ဝယ်ယူနိုင်မှာပါ။ E-sports Gamer များအတွက် ရည်ရွယ်ပြီး ထုတ်လုပ်ထားတဲ့ Gaming Laptop အမျိူးအစားများ ဖြစ်ပါတယ်။ Core i7-8750H Processor 2.2GHz, NVIDIA GeForce GTX 1060, Graphic Memory GDDR5 6GB, FHD 1920 x1080 120Hz, RAM 16GB, Storage 1TB ပါဝင်တဲ့ GL703GM-EE163T (SCAR Edition) မော်ဒယ်ကို ကန်ဒေါ်လာ ၁၆၅၉ ဒေါ်လာ နဲ့ Core i7-8750H Processor 2.2GHz, NIVIDIA GeForce GTX 1050 Ti, Graphic Memory GDDR5 4GB, FHD 1920 x 1080 120Hz, RAM 8GB, Storage 1TB ပါဝင်တဲ့ GL503GE-EN221T (Hero Edition) မော်ဒယ်ကို ကန်ဒေါ်လာ ၁၂၄၉ ဒေါ်လာနဲ့ ရောင်းချသွားမယ်လို့ သိရပါတယ်။

Gaming Laptop တွေကို မြန်မာနိုင်ငံမှာ တရားဝင် မိတ်ဆက်လိုက်တဲ့ ASUS

%d bloggers like this: