MacBook, MacBook Pro တွေရဲ့ ကီးဘုတ်ပြဿနာကို ဖြေရှင်းပေးမယ့် Apple ရဲ့ Warranty အစီအစဉ်သစ်

Apple announces new warranty program for faulty MacBook and MacBook Pro keyboards

ဒီနေ့မှာတော့ Apple က ထုတ်ထားတဲ့ MacBook တွေ MacBook Pro လပ်တော့ပ်တွေမှာ ကီးဘုတ်အမှားအယွင်းတွေဖြစ်နေတဲ့အကြောင်း Apple ကိုယ်တိုင်တရားဝင်ဖော်ပြသွားခဲ့ပါတယ်။

အမှားအယွင်းဖြစ်နေတဲ့ ကီးခလုတ်တွေကြောင့် MacBook ပိုင်ရှင်အများစုအနေနဲ့ ကောင်းကောင်းအလုပ်လုပ်လို့မရကြောင်း ပြဿနာတွေကိုကြားခဲ့ရပေမယ့် Apple ဆီက ဘာသတင်းမှထွက်မလာခဲ့ပါဘူး။ ခုတော့ ဒါကကီးတွေရဲ့ပြဿနာတစ်ခုဖြစ်ကြောင်း Apple ကိုယ်တိုင်ဖော်ပြလိုက်ပြီး ဒီလိုပြဿနာတက်နေတဲ့လပ်တော့ပ်တိုင်းကိုလည်း ပြင်ဆင်ပေးမယ့် ဝန်ဆောင်မှုအစီအစဉ်သစ်တစ်ခု တိုးချဲ့လိုက်ပါပြီ။

Image result for Apple announces new warranty program for faulty MacBook and MacBook Pro keyboards

Apple ရဲ့ Service Page မှာဖော်ပြထားတဲ့အတိုင်း ဒီဝန်ဆောင်မှုမှာ အကျုံးဝင်မယ့် ပြဿနာတွေကတော့…

– အက္ခရာတွေ စာလုံးတွေ ထပ်ခါထပ်ခါတောက်လျှောက်ပေါ်နေခြင်း

– အက္ခရာတွေ စာလုံးတွေ လုံးဝပေါ်မလာခြင်း

– ကီးတစ်ခုနဲ့တစ်ခုကပ်နေခြင်း (တစ်လုံးရိုက်ရင် နောက်တစ်လုံးပါကပ်ပေါ်လာခြင်း) စတဲ့ပြဿနာတွေ အကုန်အကျုံးဝင်ပါတယ်။

အကျုံးဝင်တဲ့လပ်တော့ပ်တွေကတော့ ၂၀၁၅ ကနေ နောက်ပိုင်းထုတ်ထားတဲ့ MacBook တွေ(Retina, 12-inch) နဲ့ တခြား ၂၀၁၆ မှာထုတ်သမျှတွေ၊ 13-inch, 15-inch MacBook Pro အသစ်တွေ အကုန်အကျုံးဝင်ပါတယ်။

ဒီအစီအစဉ်မှာပါဝင်ချင်တယ်ဆိုရင်တော့ Apple Authorized ဖြစ်ထားတဲ့ Service Provider တွေဆီ၊ Apple Retail Store တွေဆီနဲ့ Apple Repair Center ဆီ လပ်တော့ပ်တွေပေးပို့ပြီးတော့ပဲဖြစ်ဖြစ် ဒီဝန်ဆောင်မှုကိုရယူနိုင်ပါတယ်။

Ref: TheNextWeb

 

%d bloggers like this: