iPhone 8 နဲ့ iPhone 8 Plus တို့အတွက် အသုံးဝင် Feature (၆) ခု

Apple က iPhone 8 နဲ့ iPhone 8 Plus တို့ကို ရောင်းချပေးလိုက်ပါပြီ။ Apple ရဲ့ iPhone အသစ်များကို ပိုင်ဆိုင်ထားသူများအတွက် အကောင်းဆုံး အသုံးချနိုင်မယ့် Tips & Tricks (၅) ခုကို ဖော်ပြပေးလိုက်ပါတယ်။

True Tone ကို On/Off လုပ်ခြင်း။

iPad Pro မှာ မိတ်ဆက်ခဲ့တဲ့ True Tone မျက်နှာပြင် နည်းပညာကို iPhone အသစ်များမှာ ထည့်သွင်းပေးလိုက်ပါတယ်။ သူက ပတ်ဝန်းကျင်မှ အလင်းရောင် အခြေအနေအပေါ် မူတည်၍ ဖုန်းမှာ သင့်တော်တဲ့ အရောင်များကို ထုတ်လုပ်ပေးနိုင်ပါတယ်။ True Tone ကို On or Off ပြုလုပ်ဖို့အတွက် Settings> Display and Brightness ထဲသွားပါ။ True Tone ကို အဲဒီမှာ On or Off လုပ်နိုင်ပါတယ်။ နောက်တစ်နည်းကတော့ Control Center ကို ဖွင့်ပြီး Brightness Slider ကို ဖိထားပါ။ ဒါဆိုရင် True Tone ကို On or Off ပြုလုပ်နိုင်မှာ ဖြစ်ပါတယ်။

ဓါတ်ပုံများမှာ Portrait Lighting ထည့်သွင်းနည်း။

iPhone 8 Plus မှာ Portrait Mode ရဲ့ စွမ်းဆောင်ချက် အသစ်တစ်ခု ဖြစ်တဲ့ Portrait Lighting ကို ထည့်သွင်းပေးထားပါတယ်။ သူ့မှာ Natural Light, Studio Light, Contour Light, Stage Light, Stage Light Mono စတဲ့ အလင်းရောင် Effects ၅ ခုပါပါတယ်။ Portrait Lighting ဟာ Filter မဟုတ်ဘဲ အနောက်ကင်မရာ ၂ လုံးရဲ့ အကူအညီဖြင့် မျက်နှာ သို့မဟုတ် အရာဝတ္ထုအပေါ် ကျရောက်နေတဲ့ အလင်းရောင်များကို အချိန်နဲ့တစ်ပြေးညီ ခွဲခြမ်းစိတ်ဖြာခြင်း ဖြစ်တယ်လို့ Apple က ပြောပါတယ်။ Portrait Mode က အရာဝတ္ထုနဲ့ နောက်ခံကို ခွဲထုတ်ပေးအောင် အသေးစိတ်ကျတဲ့ ဒေတာများကို ကောက်ယူနိုင်ပါတယ်။ ဉာဏ်ရည်တု နည်းပညာ သို့မဟုတ် Machine Learning က Portrait Lighting ကို ဖန်တီးပေးပါတယ်။

အဲဒီ Effects များကို အသုံးပြုဖို့ Camera App ကနေ Swipe လုပ်၍ Portrait ကို ရွေးချယ်ပါ။ ရိုက်ကူးမယ့် အရာဝတ္ထုကို ချိန်ရွယ်ပါ။ ပြီးရင်အောက်ခြေမှ Portrait Lighting Effects ကို ရွေးချယ်ပြီး ဓါတ်ပုံရိုက်ပါ။

Portrait Lighting Effect ကို ဓါတ်ပုံရိုက်ကူးပြီးမှ ပြောင်းလို့ရပါတယ်။ ဒါပေမယ့် ဓါတ်ပုံဟာ Portrait Mode ဖြင့် ရိုက်ကူးထားတဲ့ ဓါတ်ပုံ ဖြစ်ရပါမယ်။ Effects ထည့်သွင်းဖို့အတွက် Photos App ကို ဖွင့်ပါ။ Portrait Photo ကို ရွေးချယ်ပြီး Edit ပြုလုပ်ဖို့ Slider Icon ကို နှိပ်ပါ။ Editing Tools များရဲ့ အထက်မှာ စက်ဝိုင်းပုံသဏ္ဍာန် Portrait Lighting Effects Dial ရှိပါတယ်။ Dial ကို လှည့်၍ နှစ်သက်တဲ့ Effect ကို ရွေးချယ်ပြီး အောက်ခြေမှ Done ကို နှိပ်ပါ။

မြင့်မားတဲ့ Resolution ဖြင့် ဗီဒီယိုများ ရိုက်ကူးနည်း။

iPhone 8 နဲ့ iPhone 8 Plus တို့ဟာ ဗီဒီယို အရည်အသွေး အပိုင်းမှာ တိုးတက်လာပါတယ်။ ဖုန်းနှစ်လုံးစလုံးဟာ တစ်စက္ကန့်လျှင် ၆၀ ဖရိမ်နှုန်းဖြင့် 4K နဲ့ တစ်စက္ကန့်လျှင် ၂၄၀ ဖရိမ်နှုန်းဖြင့် Full HD အနှေးဗီဒီယိုများကို ဖမ်းယူပေးနိုင်ပါတယ်။ မြင့်မားတဲ့ Resolution ဖြင့် ဗီဒီယိုများ ရိုက်ကူးဖို့အတွက် Settings> Camera> Record Video ထဲသွားပြီး Resolution ကို ရွေးချယ်ပါ။ အနှေးဗီဒီယိုများအတွက် သီးခြား Settings ကို Record Slo-mo ထဲမှာ ချိန်ညှိနိုင်ပါတယ်။

QR Code ကို Scan လုပ်ဖို့ အခြား App များကို မလိုတော့ပါဘူး။ အပေါ်မှ ကင်မရာ Settings ထဲမှာပဲ Scan QR Codes မှာ On ပေးနိုင်ပါတယ်။

Auto-Brightness ကို အသုံးပြုနည်း။

iOS 10 နဲ့ အရှေ့ပိုင်းမှာ Auto Brightness ကို Settings> Display & Brightness ထဲမှာ အသုံးပြုရပါတယ်။ iOS 11 မှာတော့ Auto Brightness ကို Accessibility ကဏ္ဍမှာ ထည့်သွင်းထားပါတယ်။ Settings> Accessibility > Display Accommodations ထဲသွားပြီး Auto-Brightness ကို On လုပ်ပါ။

Emergency SOS ကို Enable လုပ်နည်း။

Emergency SOS ကို သင့် iPhone မှာ အလိုအလျှောက် Activate လုပ်ပေးထားပါတယ်။ သူ့မှာ Auto Call အမည်ရ စွမ်းဆောင်ချက် အပိုပါပါတယ်။ သူက ပါဝါခလုတ်ကို ၅ ကြိမ်နှိပ်ရင် အရေးပေါ် ဖုန်းနံပါတ်များကို ခေါ်နိုင်မယ့် Option ကို ပြသပေးပါတယ်။ ဒီစွမ်းဆောင်ချက်ကို သုံးဖို့ Settings> Emergency SOS ထဲသွားပြီး Auto Call မှာ On ပေးပါ။

iPhone အဟောင်းမှ ဒေတာများကို ကူးပြောင်းခြင်း။

သင့် iPhone အဟောင်းကို iOS 11 ကို အဆင့်မြှင့်လိုက်ရင် ဖုန်းအဟောင်းမှ ဒေတာများကို ဖုန်းအသစ်သို့ လျှင်မြန်စွာ ကူးပြောင်းနိုင်တဲ့ Quick Setup စွမ်းဆောင်ချက်ကို သုံးနိုင်ပါတယ်။ ဖုန်းအဟောင်းမှ ကင်မရာကို ဖုန်းအသစ်ကို ချိန်ရွယ်ပါ။ ဒါဆိုရင် ဖုန်း ၂ လုံးဟာ ဆက်သွယ်ကြမှာပါ။ ဖုန်းအသစ်မှာ ဖုန်းအဟောင်းရဲ့ Passcode ကို ထည့်ပေးတာနဲ့ ဒေတာများကို လျှင်မြန်စွာ ကူးပြောင်းပေးမှာပါ။ အဲဒီအတွက် ဖုန်းအသစ်မှာ Passwords များ ရိုက်ထည့်ခြင်း၊ Apple IDs ကို Setup လုပ်ခြင်းများ ပြုလုပ်စရာ မလိုတော့ပါဘူး။

ref : digitaltrends

unicode

iPhone 8 နဲ့ iPhone 8 Plus တို့အတွက် အသုံးဝင် Feature (၅) ခု

%d bloggers like this: