ဖေ့စ်ဘွတ်ခ်သုံးတဲ့ကြာချိန်ကို ကိုယ်တိုင်ကန့်သတ်နိုင်တဲ့ “Your Time on Facebook” Feature

အချိန်ကိုကောင်းကောင်းအသုံးချနိုင်ဖို့ Feature တစ်ခု ဖေ့စ်ဘွတ်ခ်ဆီရောက်လာပြီထင်ပါတယ်။ ဖေ့စ်ဘွတ်ခ်သုံးတဲ့ကြာချိန်ကို User တွေဆီ ပြပေးမယ့် Feature သစ်တစ်ခုကို အင်ဂျင်နီယာတစ်ယောက်ဖြစ်တဲ့ Jane Manchun Wong က  သတိပြုမိခဲ့ပြီး TechCrunch ကနေ သတင်းကိုပထမဆုံးဖော်ပြပေးထားပါတယ်။

(Jane Manchun Wong’s Twitter Link)

    “Your Time On Facebook” လို့နာမည်ပေးထားပြီး Apple တို့ Google တို့က User တွေအနေနဲ့ သူတို့ဖုန်းတွေကွန်ပျူတာတွေကို အချိန်ဘယ်လောက်လောက်သုံးမိနေတယ်ဆိုတာ ပြပေးတဲ့ပုံစံအတိုင်း သွားထားပါတယ်။ လက်ရှိပုံစံမှာတော့ ဒီ Feature က ရက်သတ္တပတ်တစ်ပတ်အတွင်း တစ်ရက်ချင်းစီမှာ ဖေ့စ်ဘွတ်ခ်ကို ဘယ်နှစ်နှာရီသုံးခဲ့လဲဆိုတာပြပေးမှာဖြစ်ပြီး တစ်ရက်ကိုပျမ်းမျှဘယ်နှစ်နာရီလောက်သုံးတယ် ဆိုတာပါ ဖော်ပြပေးထားမှာပါ။ နောက်ပြီး နေ့စဉ်ဖေ့စ်ဘွတ်ခ်အသုံးပြုချိန်ဘယ်လောက်ဆိုတာကို ကိုယ်တိုင်ရွေးချယ်သတ်မှတ်နိုင်တဲ့အပြင် ဖေ့စ်ဘွတ်ခ် Notification ေတွကိုလည်း ပြောင်းလဲစီမံနိုင်တဲ့ လင့်ခ်တစ်ခုပေးထားပါသေးတယ်။

Embedded

Facebook ကတော့ ဒီ Feature ဟာ စမ်းသပ်ဆဲအဆင့်မှာရှိနေတယ်လို့ အတည်ပြုထားပြီး ဘယ်အချိန်မှာထွက်လာမလဲ User တွေအားလုံးအတွက်ထွက်လာနိုင်ပါ့မလားဆိုတာတွေအတွက်တော့ ဘာသဲလွန်စမှမပေးခဲ့ပါဘူး။

Source: TheVerge, Ref: TechCrunch

%d bloggers like this: