OnePlus 6 အတွက် OxygenOS 5.1.8 Update မှာ ဘက်ထရီအား ပိုစားတဲ့ ပြဿနာ ပါဝင်လာ

OnePlus ကုမ္ပဏီအနေနဲ့ ပြီးခဲ့တဲ့ မေလတုန်းက မိတ်ဆက်ခဲ့တဲ့ OnePlus 6 အတွက် Oxygen OS Update ကို မကြာသေးမီက ထုတ်ပေးခဲ့ပါတယ်။ အသစ်ထွက်ရှိလာတဲ့ OxygenOS 5.1.8 မှာ ဘက်ထရီအား ပိုကုန်စေတဲ့ Bug ပါဝင်လာတယ်လို့ သိရပါတယ်။ OS Update လုပ်ပြီးသွားတဲ့ OnePlus 6 ပိုင်ရှင်များအနေနဲ့ ဒီလိုမျိူး ပြဿနာကို ကြုံတွေ့နိုင်တဲ့ အလားအလာ များစွာ ရှိပါတယ်။ ဒါပေမယ့်လည်း ဘက်ထရီ ပြဿနာက OS Update လုပ်တဲ့ လူတိုင်းမှာ မဖြစ်ဘူးလို့ သိရပါတယ်။

OxygenOS 5.1.8 နဲ့ ပတ်သတ်ပြီး OnePlus forum မှာ OnePlus 6 ပိုင်ရှင်တော်တော်များများ ပြောဆိုနေကြတဲ့ စကားများက “OS Update လုပ်ပြီးသွားတဲ့အခါမှာ ဖုန်းဘက်ထရီဟာ အရင်ကထက် ပိုစားလာပါတယ်” တချိူ့ OnePlus 6 ပိုင်ရှင်များကတော့ “OS Update လုပ်ပြီးသွားလည်း ထူးထူးခြားခြား ပြောင်းလဲလာတာမျိူးတွေ မရှိပါဘူး၊ ဘက်ထရီအား ပိုစားတာမျိူးလည်း မကြုံတွေ့ရပါဘူး” လို့ ပြောဆိုနေကြပါတယ်။


OnePlus ကုမ္ပဏီကတော့ ဘက်ထရီ ပြဿနာနဲ့ ပတ်သတ်ပြီး ပြန်လည် တုန့်ပြန်ခြင်း မရှိသေးပါဘူး။ တကယ်လို့ ဘက်ထရီ ပြဿနာက OS Update ကြောင့် ဖြစ်တာမှန်ရင်တော့ နောက်ထပ် Oxygen OS Update ကို မကြာခင် မြင်တွေ့ရနိုင်ပါတယ်။ OnePlus 6 ပိုင်ရှင်များအနေနဲ့ Oxygen OS 5.1.8 ကို Update မလုပ်ရသေးဘူး ဆိုရင်တော့ OnePlus ဘက်မှ ဘက်ထရီ ပြဿနာအတွက် ဖြေရှင်းချက် ထုတ်ပေးတဲ့ အချိန်အထိ စောင့်ဆိုင်းဖို့ လိုအပ်ပါလိမ့်မယ်။

Ref:phonearena

OnePlus 6 အတွက် OxygenOS 5.1.8 Update မှာ ဘက်ထရီအား ပိုစားတဲ့ ပြဿနာ ပါဝင်လာ

%d bloggers like this: