Samsung Galaxy S10 မှာ မျက်နှာပြင်အောက် လက်ဗွေရာ ကိရိယာ ပါမည်

Samsung Galaxy S10 ကို မြင်ရဖို့ အစောကြီးလိုပါသေးတယ်။ ဒါပေမယ့် သူ့ကို ဆမ်ဆောင်းက စတင် ဖန်တီးဖု့ိ ပြင်ဆင်နေပါပြီ။ အခု တောင်ကိုရီးယားက ထွက်လာတဲ့သတင်းအရ သူ့မှာ မျက်နှာပြင်အောက် လက်ဗွေရာ ကိရိယာပါလာမယ်လို့ သိရပါတယ်။ စကရင် အရွယ်အစား နှစ်မျိုးကို ရွေးချယ်နိုင်မှာ ဖြစ်ပြီး လာမယ့်နှစ်မှာ ရောင်းချမှာပါ။

လက်ရှိ ဂလက်ဆီ ဖုန်းများမှာ ထည့်သွင်းထားတဲ့ မျက်လုံး အာရုံခံ နည်းပညာတော့ မပါတော့ဘူးလို့ သိရပါတယ်။ အဲဒီအစား လက်ဗွေရာနဲ့ သုံးဖက်မြင် မျက်နှာ အာရုံခံ နည်းပညာများ ထည့်သွင်းပေးမှာ ဖြစ်ပါတယ်။ Apple iPhone X မှာလို မျက်နှာအာရုံခံ နည်းပညာဖြစ်ပါတယ်။ ဆမ်ဆောင်းက အဲဒီ Biometric နည်းပညာများကို ဖန်တီးနေတာ ကြာပြီ ဖြစ်ပါတယ်။

စကရင် အရွယ်အစားများ အနေနဲ့ ၅.၈ လက်မနဲ့ ၆.၃ လက်မတို့ကို ထုတ်လုပ်ပေးထားမှာ ဖြစ်ပါတယ်။ Galaxy S10 နဲ့ Galaxy S10 Plus များမှာ အသီးသီး ထည့်သွင်းပေးထားမှာ ဖြစ်ပါတယ်။ Galaxy S9 နဲ့ Galaxy S9 Plus များမှာတော့ ၅.၈ လက်မနဲ့ ၆.၂ လက်မ မျက်နှာပြင်များ ထည့်သွင်းပေးထားကြတာ ဖြစ်ပါတယ်။

Galaxy S10 Series များကို မြင်ရဖို့ လများစွာ လိုသေးပေမယ့် သူတို့ရဲ့ သတင်းအချက်အလက်များဟာ သိပ်မကြာခင်ကလည်း ပေါက်ကြားထွက်ပေါ်ခဲ့ဖူးပါတယ်။ အဲဒီသတင်းများထဲမှ တစ်ခုက ဖုန်း အသစ်များမှာ အနောက်ကင်မရာ သုံးလုံး ထည့်သွင်းထားမယ်လို့ ဖြစ်ပါတယ်။ ဒါဟာ ဟွာဝေးရဲ့ အနောက်ကင်မရာ သုံးလုံးတပ် ဖုန်းများကို ယှဉ်ပြိုင်ဖို့ ဖြစ်ပါတယ်။

Ref : techradar

unicode

Samsung Galaxy S10 မှာ မျက်နှာပြင်အောက် လက်ဗွေရာ ကိရိယာ ပါမည်

%d bloggers like this: