မြစ်ထဲမှာ နှစ်ပတ်ကြာ နစ်မြုပ်နေတဲ့ iPhone X ဟာ အကောင်းအတိုင်း ရှိနေ

Apple ဟာ iPhone 7 / 7 Plus က စပြီး ရေစိုခံစွမ်းရည်ကို ထည့်သွင်းပေးခဲ့ပါတယ်။ iPhone X မှာလည်း အဲဒီစွမ်းရည်ပါလာပါတယ်။ IP67 စံနှုန်း ဖြစ်ပါတယ်။ iPhone X ဟာ နှစ်ပတ်ကြာ မြစ်ထဲမှာ ပျောက်ဆုံးနေပေမယ့် အကောင်းအတိုင်း ရှိနေသေးတယ်ဆိုတဲ့ သတင်းတစ်ပုဒ် ထွက်ပေါ်လာပါတယ်။

Man+River YouTube Channel ကို တည်ထောင်ထားတဲ့ Dallas ဟာ မြစ်ထဲမှာ ရေငုပ်ပြီး ပျောက်ဆုံးနေတဲ့ ပစ္စည်းများကို ရှာဖွေတဲ့ လူဖြစ်ပါတယ်။ သူဟာ ပစ္စည်းများကို ပိုင်ရှင်များထံ ပြန်လည် ပေးအပ်ပါတယ်။ သူ့ရဲ့ YouTube Channel မှာ ဗီဒီယို အသစ်တစ်ခုကို လွှင့်တင်ထားပါတယ်။

ဗီဒီယိုမှာ သူဟာ လက်စွပ်၊ နေကာမျက်မှန်နဲ့ iPhone X တစ်လုံးကို မြစ်ထဲမှာ တွေ့ရှိခဲ့တာကို ပြသထားပါတယ်။ သူဟာ အိုင်ဖုန်းကို ပါဝါပြန်ဖွင့်တဲ့ အခါမှာ အကောင်းအတိုင်း ရှိနေသေးတာကို တွေ့ခဲ့ရပါတယ်။ (သူဟာ ဖုန်းကို ဖွင့်ပြီးတော့ အခြောက်ခံလိုက်ပါသေးတယ်။ )သူဟာ ဖုန်းပိုင်ရှင် Alyssa ထံ ဖုန်းကို ပေးအပ်ခဲ့ပါတယ်။

သူမဟာ ကလေးမွေးဖွားပြီးတာ သိပ်မကြာသေးဘဲ သူ့ရင်သွေးရဲ့ ဓါတ်ပုံများဟာ iPhone X ထဲမှာ ရှိနေသေးတဲ့အတွက် အလွန်ပျော်ရွှင်ခဲ့ရပါတယ်။ အဲဒီ ပုံများကို သူမဟာ Backup လည်း မလုပ်ထားမိပါဘူး။ သူမရဲ့ အိုင်ဖုန်းဟာ မြစ်ထဲကျသွားတာ နှစ်ပတ်လောက် ရှိနေပါပြီ။ ဖုန်း မှာ ရေစိုခံ Case ကိုလည်း မတပ်ထားပါဘူး။

နည်းပညာပိုင်းအရ IP67 ဟာ ရေနက် ၁ မီတာမှာ ၃၀ မိနစ်သာ ရေစိုခံပါတယ်။ သူမရဲ့ ဖုန်းဟာ နှစ်ပတ်တောင် ရေစိုခံခဲ့တာ ဖြစ်တဲ့အတွက် iPhone X ဟာ အံ့မခန်းပါလို့ ပြောရမှာပါ။

Ref : 9to5mac

unicode

မြစ်ထဲမှာ နှစ်ပတ်ကြာ နစ်မြုပ်နေတဲ့ iPhone X ဟာ အကောင်းအတိုင်း ရှိနေ

%d bloggers like this: