Galaxy Note 9 ရဲ့ ကင်မရာဟာ Galaxy S9 Plus ထက် ပိုကောင်းမည်

ပေါက်ကြားထွက်ပေါ်လာတဲ့သတင်းတစ်ခုအရ Galaxy Note 9 ရဲ့ ကင်မရာဟာ Galaxy S9 Plus ထက်တောင် ပိုကောင်းမယ်လို့ သိရပါတယ်။ Bloomberg က Samsung ဟာ Galaxy Note 9 ရဲ့ ကင်မရာ အစိတ်အပိုင်းများကို ဆန်းသစ်ထားမယ်လို့ ပြောပါတယ်။ ယခင်နှစ်က Galaxy Note 8 မှာ ဆမ်ဆောင်းဟာ အနောက်ကင်မရာနှစ်လုံး စနစ်ကို စတင် ထည့်သွင်းထားပါတယ်။ ယခုနှစ် အစောပိုင်းမှာ မိတ်ဆက်ခဲ့တဲ့ Galaxy S9 Plus မှာလည်း အနောက်ကင်မရာ နှစ်လုံး ထည့်သွင်းပေးခဲ့ပါတယ်။

Galaxy Note 9 ကို သြဂုတ်လ ၉ ရက်နေ့မှာ မိတ်ဆက်မယ်လို့ သတင်းထွက်နေပါတယ်။ ယခင်ကတော့ အဲဒီ ဖုန်းမှာ Qualcomm Snapdragon 845 Chipset ထည့်သွင်းထားမယ်လို့ သိရပါတယ်။ နောက်ပိုင်း သတင်းအချက်အလက်များ အရတော့ သူ့မှာ ဆမ်ဆောင်း ကိုယ်တိုင် ဖန်တီးထားတဲ့ Exynos 9810 CPU ထည့်သွင်းထားမယ်လို့ သိရပါတယ်။ RAM ကတော့ 6GB ပါမယ်လို့ သိရပါတယ်။

ဆမ်ဆောင်းက Galaxy Note 9 မှာ Bixby Version 2.0 ပါမယ်လို့ ကြေညာထားပါတယ်။ ဗားရှင်းအသစ်ဟာ လူတွေမေးတဲ့မေးခွန်းများကို ပိုမိုနားလည်လာပြီး လျှင်မြန်စွာ အဖြေများ ပြောပြနိုင်လာမှာ ဖြစ်ပါတယ်။ ဆူညံတဲ့ ပတ်ဝန်းကျင်မှာတောင် သခင်ရဲ့ အသံကို နားလည်ပါတယ်။ သူဟာ Version 1.0 ထက် လုပ်ဆောင်ချက်များ ပိုမို ပါဝင်လာမှာပါ။

ဆမ်ဆောင်းဟာ AI ဌာနအတွက် ဝန်ထမ်း ၁၀၀၀ ကိုလည်း တိုးချဲ့ခန့်အပ်ဖို့ စီစဉ်ထားပါတယ်။ ဒါ့အပြင် ကမ္ဘာအဝန်းမှာ AI Centers အသစ်များကိုလည်း ဖွင့်လှစ်မှာ ဖြစ်ပါတယ်။ ယခုနှစ်မှာ ဆမ်ဆောင်းရဲ့ Device ပေါင်း ၁၄ သန်းမှာ Bixby ကို ထည့်သွင်းပေးဖို့ စီစဉ်ထားပါတယ်။ ၂၀၂၀ ခုနှစ်မှာ ဆမ်ဆောင်း Devices အားလုံးဟာ စမတ်နေအိမ် အတွက် အသုံးပြုလာနိုင်မှာပါ။

Note 9 မှာ Note 8 ရဲ့ မျက်နှာပြင် အရွယ်အစားထက် အနည်းငယ် ပိုမို ကြီးမားတဲ့ ၆.၄ လက်မ အရွယ် မျက်နှာပြင်ကို ထည့်သွင်းထားမယ်လို့ သတင်းထွက်နေပါတယ်။ Aspect Ratio ကတော့ တူညီမယ်လို့ သိရပါတယ်။ မျက်နှာပြင် အရွယ်အစား အပိုင်းမှာ Note 9 နဲ့ S9+ တို့ဟာ မတိမ်းမယိမ်း ဖြစ်လာပါတယ်။ Note 9 မှာ Note 8 ရဲ့ 3300mAh Battery ထက် ပိုမိုကြီးမားတဲ့ 3850mAh or 4000mAh Battery များ ပါလာနိုင်ပါတယ်။

Apple က နည်းပညာအခက်အခဲကြောင့် iPhone X မှာ လက်လျှော့ခဲ့ရတဲ့ မျက်နှာပြင်အောက် လက်ဗွေရာအာရုံခံ ကိရိယာ မြှပ်နှံတဲ့ နည်းပညာကို Samsung Galaxy Note 9 မှာ ပါမယ်လို့ KGI Securities ရဲ့ ခွဲခြမ်းစိတ်ဖြာသူ Ming-Chi Kuo က ယခင်က တွက်ဆထားပါတယ်။ အဲဒီအတွက် Galaxy Note 9 ပိုင်ရှင်များဟာ လက်ဗွေရာကို မျက်နှာပြင်ပေါ်တင်လိုက်တာနဲ့ စမတ်ဖုန်းကို Unlock ပြုလုပ်နိုင်မှာ ဖြစ်ပါတယ်။

Ref : androidheadlines

unicode

Galaxy Note 9 ရဲ့ ကင်မရာဟာ Galaxy S9 Plus ထက် ပိုကောင်းမည်

%d bloggers like this: