Google Search မှာ ဂိမ်းတွေ ကစားမယ်

Google Search မှာ ရှာဖွေမှုများ အပြင် အခြား အရာများကိုလည်း ပြုလုပ်နိုင်ပါတယ်။ အဲဒီအထဲမှာ ဂိမ်းများ ကစားခြင်းလည်း ပါဝင်ပါတယ်။ Microsoft Windows မှာ အောင်မြင်ခဲ့တဲ့ Solitaire နဲ့ Pac Man Game များကိုတောင် ကစားနိုင်ပါတယ်။

Solitaire

Google Search Box မှှှာ Solitaire လို့ ရိုက်ထည့်လိုက်တာနဲ့ ဖဲဂိမ်းကို ကစားနိုင်မှာ ဖြစ်ပါတယ်။ သင့် ကွန်ပြူတာမှာ ကစားခဲ့တဲ့ Windows Solitaire Game ရဲ့ Full Version ကို Google မှာ ကစားနိုင်မှာပါ။ စမတ်ဖုန်းမှာလည်း Google Search ကနေ အဲဒီ ဂိမ်းကို ကစားနိုင်ပါတယ်။ အင်စတော လုပ်စရာလည်း မလိုပါဘူး။ လူတစ်ဦးထဲသာ ကစားရတဲ့ ဂိမ်း ဖြစ်ပါတယ်။

Tic-Tac-Toe

Google Search Box မှာ Tic-Tac-Toe လို့ ရိုက်ပြီး အန်းတားကို နှိပ်ရင် သူငယ်ချင်း နှစ်ယောက် ကစားနိုင်တဲ့ Tic-Tac-Toe Game ကို ပြသပေးမှာ ဖြစ်ပါတယ်။ ကြက်ခြေခတ်သုံးခု သို့မဟုတ် စက်ဝိုင်း သုံးခု တစ်တန်းထဲဖြစ်အောင် ကစားရမှာ ဖြစ်ပါတယ်။

Pac-Man

Pac-Man လို့ Google မှာ ရိုက်ထည့်ပြီး အန်းတားကို နှိပ်ရင် ငယ်ငယ်တုန်းက စွဲလမ်းစွာ ကစားခဲ့ရတဲ့ Pac-Man ကို ကစားနိုင်မှာ ဖြစ်ပါတယ်။ Google က Pac-Man ရဲ့ ဒီဇိုင်းအချို့ကို မွမ်းမံထားပါတယ်။ အဝါရောင် Pac-Man ဟာ သရဲများကို ရှောင်ရှား၍ Dots များအားလုံးကို စားရမယ့် ဂိမ်း ဖြစ်ပါတယ်။

Snake

မြွေဂိမ်းကိုတော့ Google Doodle Snake Page ကနေ ကစားရမှာ ဖြစ်ပါတယ်။ ၂၀၁၃ ခုနှစ်မှ တရုတ်နှစ်သစ်ကူးဟာ မြွေနှစ်ဖြစ်ခဲ့ပြီး အဲဒါကို ကြိုဆိုတဲ့ အနေဖြင့် Google က မြွေဂိမ်းကို ဖန်တီးပေးခဲ့တာ ဖြစ်ပါတယ်။ Arrow Keys များကို အသုံးပြု၍ မြွေကို ရွေ့လျား ကစားရမှာ ဖြစ်ပြီး လမ်းပေါ်မှ အရာများကို စားရမှာ ဖြစ်ပါတယ်။ ဒါပေမယ့် ဂရုတစိုက် စားရမှာ ဖြစ်ပြီး အချို့အစာများက မြွေကို ပိုမို ရှည်လျားစေပြီး အချို့က နှေးကွေးစေပါတယ်။ ဒိုင်းနမိုက်လို အရာများကို ရှောင်ကြဉ်ပါ။

Atari Breakout

Atari Breakout လို့ Google Search မှာ ရိုက်ထည့်လိုက်ရင် အုတ်ခဲများကို ဘောလုံးဖြင့် ဖျက်ဆီးရတဲ့ ဂိမ်းကို ကစားနိုင်မှာဖြစ်ပါတယ်။ ဘောလုံးကို စကရင်အောက်သို့ မပြုတ်ကျအောင် တုတ်ချောင်းဖြင့် အောက်ကနေ လိုက်ခံပေးရမှာ ဖြစ်ပါတယ်။

Spooky Cat

ဒီဂိမ်းကို ကစားဖို့ Spooky Cat Doodle Page ကို သွားပါ။ သူ့ကို စမတ်ဖုန်းကနေ ကစားရင် ပိုမို ကောင်းမွန်ပါတယ်။ မိုမို အမည်ရ ကြောင် ဇာတ်ကောင် အဖြစ် ကစားရမှာ ဖြစ်ပြီး သူ့ ကျောင်းမှ လျှို့ဝှက်ချက်များကို သရဲများ မခိုးယူနိုင်အောင် ကာကွယ်ပေးရမှာ ဖြစ်ပါတယ်။ သရဲများရဲ့ ဦးခေါင်းအပေါ်မှ ပုံသဏ္ဍာန်ကို စကရင်မှာ ရေးဆွဲပေးခြင်းဖြင့် သူတို့ကို သတ်ရမှာ ဖြစ်ပါတယ်။ Level ငါးခုသာ ရှိတဲ့အတွက် ခဏလေးနဲ့ အောင်မြင်နိုင်ပါတယ်။ မိုမို အတွက် အသက် ငါးခု ရရှိပါတယ်။

ref : makeuseof

unicode

Google Search မှာ ဂိမ်းတွေ ကစားမယ်

%d bloggers like this: