DxOMark ရဲ့ ကင်မရာ စမ်းသပ်မှုမှာ Samsung Galaxy S9+ ထက်သာသွားတဲ့ Xiaomi Mi 8

DxOMark က အသစ်ထွက်လာတဲ့ Xiaomi Mi 8 ရဲ့ ကင်မရာကို စမ်းသပ်မှုများ ပြုလုပ်လိုက်ပါတယ်။ ရုပ်သေ ဓါတ်ပုံ ရိုက်ကူးမှု အပိုင်းမှာ Mi 8 ဟာ ၁၀၅ မှတ်နဲ့ ဗီဒီယို ရိုက်ကူးမှု အပိုင်းမှာ ၈၈ မှတ်ရရှိသွားပါတယ်။ ကဏ္ဍအားလုံးအတွက် ရမှတ်ကတော့ ၉၉ ဖြစ်ပါတယ်။ အဲဒီအတွက် အကောင်းဆုံး ကင်မရာပါတဲ့ စမတ်ဖုန်း စာရင်းမှာ Mi 8 ဟာ Samsung Galaxy S9+ နဲ့အတူ နံပါတ် ၄ နေရာမှာ ရယူထားပါတယ်။ ဓါတ်ပုံ ရိုက်ကူးမှု ရလဒ်မှာ Mi 8 ဟာ Galaxy S9+ ထက်များနေပြီး ဗီဒီယို ရိုက်ကူးမှု ရလဒ်မှာတော့ Galaxy S9+ က Mi 8 ထက် အသာရနေပါတယ်။

Mi 8 ဟာ တန်ဖိုးသင့်ပြီး အကောင်းဆုံး ကင်မရာကို လိုချင်သူများအတွက်တော့ ရွေးချယ်စရာ ဖြစ်ပါတယ်။ သူ့မှာ 12MP Main Sensor ထည့်သွင်းထားပြီး OIS, Dual Pixel PDAF နည်းပညာများ ပါပါတယ်။ အပိုကင်မရာကတော့ 12MP ဖြစ်ပြီး 2x Optical Zoom နဲ့ Dual Pixel PDAF များကို ထောက်ပံ့ပါတယ်။ DxOMark က 2x Optical Zoom ဟာ အလွန် ကောင်းမွန်ပေမယ့် အခြား ပြိုင်ဖက် ဖုန်းများရဲ့ Telephoto Lens များလောက် မကောင်းဘူးလို့ သုံးသပ်ထားပါတယ်။

Mi 8 ဟာ အလင်းရောင် နည်းပါးတဲ့ အခြေအနေများ အပါအဝင် ရှုခင်းများစွာအတွက် အလွန် ကောင်းမွန်တဲ့ ဓါတ်ပုံများကို ဖမ်းယူပေးနိုင်ပါတယ်။ Exposure နဲ့ White Balance များကလည်း တိကျပါတယ်။ Autofocus Speed ကလည်း မြန်လွန်းပါတယ်။ ဒါပေမယ့် ရုပ်သေဓါတ်ပုံများ ရိုက်ကူးရာမှာ အားနည်းချက်က အလင်းရောင်ရတဲ့ နေ့ဘက်မှာတောင် အသေးစိတ်ကျမှု အနည်းငယ် အားနည်းပါတယ်။ ဒါ့အပြင် Autofocus ကလည်း သိပ်ပြီး မတည်ငြိမ်ပါဘူး။ အားလုံးကို ခြုံကြည့်ရင်တော့ ပေးရတဲ့ ဈေးထက်တန်တဲ့ အလန်းဆုံး ကင်မရာပါတဲ့ ဖုန်း ဖြစ်ပါတယ်။

Ref : gsmarena

unicode

DxOMark ရဲ့ ကင်မရာ စမ်းသပ်မှုမှာ Samsung Galaxy S9+ ထက်သာသွားတဲ့ Xiaomi Mi 8

%d bloggers like this: