ဆယ်လ်ဖီဘုရင်လို့တင်စားရတဲ့ Oppo F7 နဲ့ F7 Youth စမတ်ဖုန်းများ

Selife မှာဆို ဘုရင်လို့တင်စားရတဲ့ Oppo F7 နဲ့ F7 Youth စမတ်ဖုန်းတွေကတော့ ထွက်ရှိလာခဲ့ပါပြီ။

2280x 1080 resolution နဲ့ ၆.၂၃လက်မရှိတဲ့ Oppo F7 လေးမှာတော့ Full HD+ Super Full screen ကိုအသုံးပြုထားပါတယ်။ ထိပ်ဖက်မှာ notch လေးပါဝင်ပြီး display ကလည်း 19:9 ratio ဖြစ်တဲ့အတွက် ရုပ်ရှင်ခရေဇီတွေ၊ ဂိမ်းသမားတွေအတွက် စိတ်တိုင်းကျစေမယ့် screen size ပါပဲ။ App တစ်ခုနဲ့တခုကြား ပြောင်းသုံးချင်တဲ့အခါမှာလည်းအဆင်ပြေအောင် Multitasking mode ကို gesture သုံးလို့ရအောင် ဖန်တီးပေးထားပါတယ်။ RAM 4GB, Storage 64GB ဖြစ်ပြီး MediaTek Helio P60 Octacore processor ကိုအသုံးပြုထားတဲ့အတွက် နေ့စဉ်သုံးအတွက်ကတော့ တော်တော်လေးအဆင်ပြေတဲ့ processor လို့ပြောလို့ရပါတယ်။ software ကိုလည်း ColorOS 5.0 သုံးလိုက်တဲ့အတွက် processor ရဲ့စွမ်းရည်နဲ့ပေါင်းလိုက်ရင် အရင်နှစ်က F5 တွေထက် စွမ်းဆောင်ရည် ၈၀%လောက်တောင် မြင့်သွားပါတယ်။

ဆယ်လ်ဖီဘုရင်လို့သမုတ်ကြတဲ့ F7 မှာတော့ HDR sensor နဲ့ ရုပ်ထွက်ကောင်းမွန်စေတဲ့ 25MP ဆယ်လ်ဖီကင်မရာတွေကိုအသုံးပြုထားပါတယ်။ low-light မှာဓာတ်ပုံရိုက်ကူးတဲ့အခါမှာလည်း noise တွေကို လျှော့ချပေးနိုင်လားပြီး အလင်းအမှောင်ကိုလည်း စိတ်ကြိုက်ချိန်ညှိလို့ရနိုင်မှာဖြစ်ပါတယ်။ အသက်အရွယ်၊ အသားအရောင်၊ ကျားမခွဲခြားနိုင်တဲ့ effect တွေပါဝင်တဲ့ AI Beauty 2.0 နဲ့ HDR effect တွေက ပြီးပြည့်စုံတဲ့ဆယ်လ်ဖီဓာတ်ပုံတစ်ပုံကို ရရှိစေမှာပါ။  Selfie ရိုက်တဲ့အချိန်မှာ vivid mode သုံးပြီး အရောင်အသွေးစုံလင်တောက်ပတဲ့ ဆယ်လ်ဖီပုံတွေရိုက်ကူးနိုင်သလို AR sticker တွေလည်းထည့်သွင်းပေးထားတဲ့အတွက် ချစ်စရာကောင်းတဲ့ဆယ်လ်ဖီပုံလေးတွေ ရရှိနိုင်ပါလိမ့်မယ်။

ဖုန်းရဲ့အရောင်တွေအနေနဲ့ကတော့ Solar Red, Moonlight Silver အပြင် ကျောဘက်မှာ diamond ပုံအကွက်လေးတွေနဲ့ Diaomond Black ဗားရှင်းပါထွက်ရှိလာမှာဖြစ်ပါတယ်။ ဈေးနှုန်းကတော့ F7 အတွက် မြန်မာကျပ်ငွေ ၃၈၉၀၀၀ ပဲကျသင့်မှာဖြစ်ပါတယ်။

Image may contain: phone and screen

နောက်တစ်လုံးကတော့ F7 Youth ပါ။ သူ့မှာတော့ 6.0 inch ရှိတဲ့ Full HD+ display ကိုသုံးထားပြီး screen-to-body ratio က 84.4% တောင်ရှိပါတယ်။ သူလည်း ဂိမ်းဆော့ ရုပ်ရှင်ကြည့်တတ်တဲ့သူတွေအတွက် စိတ်တိုင်းကျစေမယ့်ဖုန်းတစ်လုံးပါ။ ဘက်ထရီအားကုန်မှုဆိုတာကလည်း processor နဲ့ဆိုင်သေးတာမို့ 12nm MTK P60 နဲ့ဆို 3410mAh ဘက်ထရီပမာဏက တစ်ရက်တာကိုကောင်းကောင်းကြီးအသုံးခံပါတယ်။ သူ့မှာလည်း F7 လို AR Sticker တွေနဲ့စိတ်ကြိုက်ဆယ်လ်ဖီရိုက်ကူးနိုင်မှာပါ။ F7 Youth လေးရဲ့ဈေးနှုန်းကတော့ မြန်မာနိုင်ငံမှာ ၃၁၉၀၀၀ ကျပ်နဲ့ဝယ်ယူနိုင်ပြီဖြစ်ပါတယ်။

Image may contain: phone

ခြုံပြောရရင် ဆယ်လ်ဖီဘုရင်ဆိုတဲ့အတိုင်း ဒီဖုန်း၂လုံးလုံးမှာ အကောင်းဆုံးဆယ်လ်အတွေ့အကြုံတွေကိုရရှိအောင် အသားပေးထားတာတွေ့ရပါတယ်။ display တွေ ဒီဇိုင်းတွေကလည်း ဒီခေတ်နဲ့အညီလိုက်ပြောင်းလဲထားပေးပြီးတော့ ဈေးလည်းအဆင်ပြေတဲ့ထဲမှာပါတဲ့အတွက် ဆယ်လ်ဖီချစ်မြတ်နိုးသူတွေအတွက် ရွေးချယ်သင့်တဲ့ဖုန်းတစ်လုံးဖြစ်လာခဲ့ပါပြီ။

%d bloggers like this: