Huawei က 4G ပါတဲ့ Watch 2 (2018) ကို ကြေညာ

Huawei က Watch 2 (2018) ကို ကြေညာလိုက်ပါတယ်။ သူ့မှာ nanoSIM နဲ့ eSIM စွမ်းရည်များ ပါတဲ့အတွက် 4G ကွန်ယက်ကို ချိတ်ဆက်နိုင်ပါတယ်။ သူ့မှာ ၁.၂ လက်မ 390×390 OLED Screen တပ်ဆင်ထား ပြီး Gorilla Glass ဖြင့် ကာကွယ်ထားပါတယ်။ ၅၇ ဂရမ် အလေးချိန်ရှိပြီး အရွယ်အစား အပြည့်အစုံမှာ 45 x 48.9 x 12.6 mm ဖြစ်ပါတယ်။ IP68 စံနှုန်း ရေစိုခံနိုင်ပါတယ်။

သူ့မှာ Snapdragon 2100 Chipset ထည့်သွင်းထားပါတယ်။ 768MB RAM , 4GB Storage များ ထည့်သွင်းထားပါတယ်။ NFC ဆက်သွယ်မှု ပါပြီး Huawei Pay , Ali Pay , WeChat စတဲ့ ငွေပေးချေမှု စနစ်များကို အသုံးပြုနိုင်ပါတယ်။ eSIM ထည့်သွင်းထားရင် ဖုန်းပြောခြင်း၊ အင်တာနက် သုံးခြင်းများကို ပြုလုပ်နိုင်ပါတယ်။ အွန်လိုင်းကနေ သီချင်းများလည်း နားဆင်နိုင်ပါတယ်။

GPS ပါတဲ့အတွက် ပြေးခြင်း၊ လမ်းလျှောက်ခြင်းများလို ကိုယ်လက်လှုပ်ရှားမှုများကို တိုင်းတာပေးနိုင်ပါတယ်။ နှလုံးခုန်နှုန်းကို တိုင်းတာပေးတဲ့ စွမ်းရည်လည်း ထည့်သွင်းထားပါတယ်။ အိပ်စက်မှု အခြေအနေများကိုပါ တွက်ချက်ပေးပါတယ်။ ဘက်ထရီသက်တမ်းဟာ ၁ ရက်ခွဲ အသုံးခံပါတယ်။ 4G ကို အသုံးပြုရင်တော့ ၁ ရက်လောက် အသုံးခံပါတယ်။ မိနစ် ၁၀၀ အတွင်းမှာ ၀ ကနေ ၁၀၀ ရာခိုင်နှုန်း အားဖြည့်ပေးနိုင်ပါတယ်။

သူ့ကို တရုတ်မှာ Vmall.com ကနေ ယွမ် ၂၀၀၀ ဖြင့် ရောင်းချပေးနေပါတယ်။ ၃၁၀ ဒေါ်လာ ဝန်းကျင် ကျသင့်မှာ ဖြစ်ပါတယ်။ အနက်၊ လိမ္မောရောင်များ ထုတ်လုပ်ပေးထားပါတယ်။ Bluetooth Version ကိုတော့ ၂၄၀ ဒေါ်လာ သတ်မှတ်ထားပြီး အညိုနဲ့ အနက်ရောင်များ ရွေးချယ်နိုင်ပါတယ်။

Ref : gsmarena

unicode

Huawei က 4G ပါတဲ့ Watch 2 (2018) ကို ကြေညာ

%d bloggers like this: