3D Face Unlock , မျက်နှာပြင်အောက် လက်ဗွေရာ ကိရိယာများ ပါတဲ့ Xiaomi Mi 8 ကို ကြေညာပြီ

ရှောင်မီက ၈ နှစ်ပြည့်အထူးထုတ်ဖုန်း Mi 8 ကို တရားဝင် ကြေညာလိုက်ပါပြီ။ သူ့မှာ Snapdragon 845 ထည့်သွင်းထားပါတယ်။ သူ့မှာ Notch ပါရှိပြီး ခလုတ်တစ်ချက်နှိပ်ရုံနဲ့ Notch ကို ဖျောက်ပေးတဲ့စွမ်းရည်လည်း ပါပါတယ်။ Notch မှာ 3D Face Unlock အတွက် အမှောင်ထဲမှာတောင် အလုပ်လုပ်တဲ့ အနီအောက် ရောင်ခြည် ကင်မရာကို တပ်ဆင်ထားပါတယ်။

Mi 8 ရဲ့ Explorer Edition ကိုလည်း ထုတ်လုပ်ပေးထားပြီး မျက်နှာပြင်အောက် လက်ဗွေရာ အာရုံခံ ကိရိယာ တပ်ဆင်ထားပါတယ်။ ဒါ့အပြင် ဖောက်ထွင်းမြင်ရတဲ့ အနောက် ကာဗာ ထည့်သွင်းထားတဲ့အတွက် ဖုန်းရဲ့ အတွင်းပိုင်း အစိတ်အပိုင်းများကို မြင်ရပါတယ်။ ရှောင်မီရဲ့ စီအီးအို လီဂျွန်က ပွဲမှာ သူ့ကို မိတ် ဆက်ခဲ့ပြီး အနောက်ဘက်မှာ 12MP+12MP Camera နှစ်လုံး တပ်ဆင်ထားတယ်လို့ ပြောပါတယ်။ ကင်မရာများမှာ ဉာဏ်ရည်တု နည်းပညာ ထည့်သွင်းထားပြီး ရှုခင်း ၂၀၀ ကျော်ကို ပိုမို လှပစွာ ရိုက်ကူးပေးနိုင်တဲ့ စွမ်းရည်ပါလာပါတယ်။ အလင်းရောင်နည်းပါးတဲ့ အခြေအနေများမှာလည်း လှပတဲ့ ဓါတ်ပုံများ ဖမ်းယူပေးနိုင်တဲ့ 4 in 1 Pixel Binning နည်းပညာထည့်သွင်းထားပါတယ်။

DxOMark ရဲ့ ကင်မရာ စစ်ဆေးမှုရလဒ်မှာ သူဟာ ၉၉ မှတ်တောင်ရရှိထားတယ်လို့ စီအီးအိုက ဂုဏ်ယူစွာ ပြောပါတယ်။ ဒါဟာ Mi Mix 2 နဲ iPhone X ရဲ့ ၉၇ မှတ်ထက်များပြားနေတာပါ။ သူ့မှာ iPhone X မှာလို ဉာဏ်ရည်တု နည်းပညာက ထောက်ပံ့တဲ့ Portrait စွမ်းရည်လည်း ပါလာပါတယ်။ အရှေ့ဘက်မှာ 20MP Camera ထည့်သွင်းထားပြီး AI Portrait Selfies နဲ့ AI Beautify များ ပါပါတယ်။ မျက်နှာကို အာရုံခံတဲ့ ကင်မရာကို သီးခြား တပ်ဆင်ထားပြီး ဓါတ်ပုံရိုက်ဖို့အတွက် သူ့ကို မသုံးပါဘူး။

သူ့မှာ ၆.၂၁ လက်မ AMOLED Display တပ်ဆင်ထားပြီး မျက်နှာပြင် အချိုးမှာ 18.7:9 ဖြစ်ပါတယ်။ Full HD+ (2248×1080 ) အရည်အသွေး ဖြစ်ပါတယ်။ Dual GPS ထည့်သွင်းထားတဲ့အတွက် တည်နေရာ လမ်းညွှန်မှုများဟာ အလွန် တိကျလာမှာပါ။ 6/64GB Version ကို ၄၂၀ ဒေါ်လာ နဲ့ 6/128GB Version ကို ၅၁၅ ဒေါ်လာ ဝန်းကျင် သတ်မှတ်ထားပါတယ်။ ဇွန်လ ၅ ရက်နေ့မှာ တရုတ်တွင် စတင် ရောင်းချမှာပါ။ Explorer Edition မှာ 8GB/128GB ထည့်သွင်းထားပြီး ဒေါ်လာ ၆၀၀ ဝန်းကျင် ကျသင့်မှာပကါ။

Ref : gsmarena

unicode

3D Face Unlock , မျက်နှာပြင်အောက် လက်ဗွေရာ ကိရိယာများ ပါတဲ့ Xiaomi Mi 8 ကို ကြေညာပြီ

%d bloggers like this: