အိမ်မှာစိတ်တိုင်းကျဘီယာချက်သောက်လို့ရနိုင်မယ့် PicoBrew ဘီယာချက်စက်

သူငယ်ချင်းတွေစုကြမယ် သောက်ကြမယ် စားကြမယ်လို့စဉ်းစားလိုက်တိုင်း ဘယ်ဆိုင်သွားသောက်ရမလဲဆိုတာက အဓိကကွိုင်ပါ။ ကိုယ့်အိမ်ကိုယ့်ယာလို စိတ်တိုင်းကျကဲနိုင်သောက်နိုင်တဲ့နေရာမျိုးဆိုတာတော်တော့်ကိုရှားပါတယ်။ ဒီတော့ အိမ်မှာတင် ကိုယ့်ဘာသာဘီယာချက်ပြီး လူကြိုက်သလောက်စု ကြိုက်သလောက်သောက် ကြိုက်သလိုကဲလို့ရနိုင်ရင် ဘယ်လောက်တောင် ကောင်းလိမ့်မလဲ?

ဒီအတွက် ကိုယ်တိုင်အိမ်မှာဘီယာချက်နိုင်မယ့် ဘီယာချက်စက်လေးတစ်လုံးနဲ့ မိတ်ဆက်လိုက်ချင်ပါတယ်။ သူ့ရဲ့နာမည်လေးကတော့ PICO BREW ပါ။

ဘီယာအမျိုးအစားပေါင်းများစွာကို အိမ်မှာတင်ဖန်တီးနိုင်မှာဖြစ်ပြီး မတူညီတဲ့ဘီယာအရသာတွေခံစားနိုင်ဖို့အတွက်ကတော့ အွန်လိုင်းမှာ ပေါင်းစပ်ချိန်ပြီးသား pack တွေကို Brewie, PicoBrew စတဲ့ဝဘ်ဆိုဒ်တွေမှာဝယ်ယူလို့ရနိုင်ပါတယ်။

သူ့ရဲ့အလုပ်လုပ်ပုံကလည်း ရိုးရှင်းပါတယ်။ တစ်ခါတည်းစပ်ထားပြီးသား ပါဝင်ပစ္စည်းအထုပ်ကို စက်ထဲကိုထည့်လိုက်တာနဲ့ ဘီယာချက်လို့ရပါပြီ။ အခါးပမာဏကိုလည်း အနည်းအများချိန်ညှိလို့ရနိုင်ပြီး တစ်ဂါလံလောက် ချက်နိုင်တဲ့အတွက် ၄လီတာလောက်နီးနီး အေးဆေးသောက်နိုင်ပါတယ်။ ပါဝင်ပစ္စည်းထည့်တဲ့ခွက်ကလည်း အလွယ်တကူထုတ်လို့ရပြီး ဆေးလို့လည်းလွယ်ပါတယ်။ နောက်ထပ် water tank တစ်ခုကတော့ ရေထည့်ဖို့၊ အချဉ်ဖောက်ဖို့ ဘီယာထည့်ဖို့စည်အနေနဲ့ မျိုးစုံသုံးလို့ရပါတယ်။

PicoBrew ရဲ့ အလေးချိန်ကတော့ ၃၁.၅ ပေါင်ပဲရှိပြီး သယ်လို့တော့ အဆင်ပြေတဲ့အရွယ်အစားပါ။ ဈေးနှုန်းကတော့ ဒေါ်လာ ၃၅၀ ဝန်းကျင်လောက်ပါပဲ။ ingredient pack တွေကတော့ သက်သက်မှာဝယ်ရမှာပါ။ ဒါဆိုရင်တော့ ကိုယ်ကြိုက်တဲ့ဘီယာအမျိုးအစားကိုရွေးပြီး pack တွေဝယ်၊ ထည့် ခလုတ်တစ်ချက်နှိပ်ရုံနဲ့ ကိုယ်တိုင်အိမ်မှာချက်ပြီးသောက်နိုင်ပါပြီ။

ကဲ….ဒီတော့ TGIF အတွက်ပဲဖြစ်ဖြစ် မွေးနေ့ပွဲဘာပွဲညာပွဲရှိလို့ပဲဖြစ်ဖြစ် သူငယ်ချင်းတွေနဲ့ခရီးတူတူသွားတဲ့အခါမှာပဲဖြစ်ဖြစ် ကိုယ့်စိတ်ကြိုက်အရသာအတိုင်း သောက်လို့ရနိုင်အောင် Pico Brew လေးကစောင့်မျှော်နေပါပြီ 😉

Ref: DigitalTrend, TheKegTap

%d bloggers like this: