ဓါတ်ပုံဖြင့် လှည့်စားခံလိုက်ရတဲ့ OnePlus 6 ရဲ့ Face Unlock

Apple က iPhone X မှာ Face ID ကို ထည့်သွင်းပေးလိုက်ပြီးနောက်မှာတော့ Android Phone ထုတ်လုပ်သူများကလည်း Face Unlock ကို ပြန်လည် အသက်သွင်းလာကြပါတယ်။ ဒါပေမယ့် iPhone X မှာလို စွမ်းရည်မြင့်တဲ့ ကင်မရာ အစိတ်အပိုင်းများကို Android Phone များမှာ ထည့်သွင်းထားခြင်း မရှိဘဲ Selfie Camera ကိုသာ အားကိုးထားပါတယ်။ အဲဒီအတွက် လုံခြုံရေး အပိုင်းမှာ Android Phone များရဲ့ Face Unlock ဟာ iPhone X ရဲ့ Face ID ကို မယှဉ်နိုင်ပါဘူး။

အခုတော့ @rik က OnePlus 6 ရဲ့ Face Unlock ကို ဓါတ်ပုံတစ်ပုံနဲ့ ကျော်ဖြတ်ပြလိုက်ပါတယ်။ အဖြူ၊ အမည်း ဓါတ်ပုံနဲ့တောင် ဒီလို ပြုလုပ်နိုင်တာကို တွေ့ရပါတယ်။ အဲဒီအတွက် OnePlus 6 ပိုင်ရှင်များဟာ ဖုန်းရဲ့ လုံခြုံရေးအတွက် Face Unlock အစား လက်ဗွေရာ အာရုံခံ ကိရိယာကိုသာ အားကိုးသင့်ပါတယ်။

iPhone X ရဲ့ Face ID ဟာ နေကာမျက်မှန် အများစုနဲ့ အလုပ်လုပ်တယ်လို့ ကုမ္ပဏီရဲ့ ဆော့ဖ်ဝဲ အင်ဂျင်နီယာချုပ်ဖြစ်သူ Craig Federighi က ပြောခဲ့ဖူးပါတယ်။ သူက “ နေကာမျက်မှန် အများစုဟာ Face ID က သင့် မျက်လုံးကို မြင်ရစေတဲ့ IR Light ကို ဖြတ်သန်းစေပါတယ်။ “ လို့ ရှင်းပြပါတယ်။

Apple က စက်တင်ဘာလ ၁၂ ရက်နေ့မှာ Face ID ကို မိတ်ဆက်စဉ်မှာ iPhone X ပိုင်ရှင်ဟာ ဦးထုပ်၊ ပါဝါ မျက်မှန်နဲ့ အခြား အရာဝတ္ထုများ ဆင်မြန်းထားခြင်း၊ မိတ်ကပ်လိမ်းခြယ်ထားခြင်း၊ မုတ်ဆိတ်မွှေးများ ပေါက်လာခြင်းများ ပြုလုပ်ထားရင်တောင် Face ID က မှတ်မိတယ်လို့ ပြောခဲ့ပါတယ်။ နေကာမျက်မှန်ကိုတော့ အဲဒီအချိန်က ပြောကြားခြင်း မရှိခဲ့ပါဘူး။

Ref : gsmarena

unicode

ဓါတ်ပုံဖြင့် လှည့်စားခံလိုက်ရတဲ့ OnePlus 6 ရဲ့ Face Unlock

%d bloggers like this: