Xiaomi ရဲ့ စီအီးအိုက Mi 8 ကင်မရာနဲ့ ရိုက်ကူးထားတဲ့ ဓါတ်ပုံများကို ပြသ

Xiaomi Mi 8 နဲ့ Mi 8 SE တို့ကို မိတ်ဆက်ဖို့ နာရီပိုင်းသာ လိုပါတော့တယ်။ အခုတော့ ရှောင်မီရဲ့ စီအီးအို ဖြစ်သူ လီဂျွန်က Mi 8 ကင်မရာနဲ့ ရိုက်ကူးထားတဲ့ ဓါတ်ပုံ ၃ ပုံကို ပြသလိုက်ပါတယ်။ ဓါတ်ပုံများဟာ နေ့ဘက် နေရောင်ခြည် ကောင်းစွာ ရရှိတဲ့ အချိန်နဲ့ အလင်းရောင် နည်းပါးတဲ့ ညနေ အချိန်များမှာ ရိုက်ကူးထားခြင်း ဖြစ်ပါတယ်။ အဲဒီ ဓါတ်ပုံများကို အောက်မှာ ကြည့်ပါ။

ဓါတ်ပုံများမှာ ပါတဲ့ အဆောက်အဦးဟာ တရုတ်နိုင်ငံ ရှန်ဇန်မှာ ရှိတဲ့ Ping An Financial Center ဖြစ်ပါတယ်။ ဓါတ်ပုံများကို Compression ပြုလုပ်ထားပေမယ့် အရည်အသွေး အလွန်မြင့်မားနေတာကို တွေ့ရပါတယ်။ Mi 8 မှာ AI စွမ်းရည်ပါတဲ့ အနောက်ကင်မရာ နှစ်လုံး ပါလာမှာ ဖြစ်ပြီး 20MP နဲ့ 16MP များ ဖြစ်မယ်လို့ သတင်းထွက်နေပါတယ်။

Mi 8 ရဲ့ ပေါက်ကြား သတင်း အချက်အလက်များကို ပြန်လည် ဖော်ပြပေးလိုက်ပါတယ်။ Xiaomi Mi 8 မှာ ၆.၀၁ လက်မ မျက်နှာပြင် တပ်ဆင်ထားမှာ ဖြစ်ပြီး မျက်နှာပြင်ရဲ့ အထက်မှာ Width ကျယ်တဲ့ Notch ပါရှိမှာ ဖြစ်ပါတယ်။ သူ့မှာ ရှောင်မီ ကိုယ်တိုင် ဖန်တီးထားတဲ့ မျက်နှာဖြင့် ဖုန်းကို Unlock လုပ်တဲ့ 3D Sensors များ ပါလာမှာ ဖြစ်ပါတယ်။ Qualcomm Snapdragon 845 Chipset ပါလာမှာ သေချာသလောက်ရှိပါတယ်။

သူ့ကို မော်ဒယ် နှစ်မျိုးထုတ်လုပ်ပေးထားမှာ ဖြစ်ပါတယ်။ 6GB RAM/64GB Storage ကို ၄၄၀ ဒေါ်လာနဲ့ စွမ်းရည်မြင့် 8GB RAM/128GB Storage ကို ၅၀၀ ဒေါ်လာဖြင့် ရောင်းချမယ်လို့ သတင်းထွက်နေပါတယ်။ အဲဒီ ဖုန်းရဲ့ အနောက်ကင်မရာ နှစ်လုံးကိုလည်း ဉာဏ်ရည်တု နည်းပညာက ထောက်ကူပေးမှာ ဖြစ်ပြီး Scenes ပေါင်း ၂၀၀ ကျော်ကို ခွဲခြမ်းစိတ်ဖြာနိုင်ပါတယ်။ သူ့မှာ မတူညီတဲ့ Portrait Mode ၁၂ မျိုးလည်း ပါလာမှာပါ။ သူ့မှာ Quick Charge 4.0+ လည်း ပါလာမယ်လို့ Qualcomm က အတည်ပြုထားပါတယ်။

Ref : gsmarena

unicode

Xiaomi ရဲ့ စီအီးအိုက Mi 8 ကင်မရာနဲ့ ရိုက်ကူးထားတဲ့ ဓါတ်ပုံများကို ပြသ

%d bloggers like this: