နောက်ထွက်မယ့် iPhone မှာ နားကြပ်အပေါက် ပါဝင်လာဖို့မရှိ

2EEE588E00000578-0-image-a-3_1448897563910

Apple ဟာ နောက်ထပ် iPhone မျိုးဆက်အသစ်မှာ နားကြပ်အပေါက်ကို ဖြုတ်ပစ်သွားဖို့ရှိပြီး ကြိုးမဲ့အားသွင်းနည်းစနစ်ကို ထည့်သွင်းပေးသွားဖို့ရှိတယ်လို့သိရပါတယ်။

နားကြပ်အပေါက်ကိုဖြုတ်ပစ်လိုက်တာကြောင့် လာမယ့် iPhone 7 ဟာ ပိုမိုပါးလျသွားဖွယ်ရှိနေပါတယ်။

“ Apple ဟာ သူတို့နဲ့ကာလကြာရှည်လက်တွလြာတဲ့ အသံပိုင်းဆိုင်ရာချစ်ပ်ပြားထုတ်လုပ်မှုကုမ္ပဏီ Cirrus Logic နဲ့ အတူလက်တွဲကာ ယခု iPhone တွေရဲ့အားသွင်းပေါက် Lightning port နဲ့အလုပ်လုပ်နိုင်မယ့် အသံပိုင်းဆိုင်ရာချစ်ပ်ပြားတစ်မျိုးကို iPhone မှာ ထည့်သွင်းသွားဖို့ရှိတယ်လို့ကျွန်တော်တို့ရဲ့ ခိုင်မာတဲ့ သတင်းရင်းမြစ်တွေအရ သိရပါတယ်” လို့ Fast Company ဝက်ဘ်ဆိုဒ်မှာ ဖော်ပြထားပါတယ်။

Apple ဟာ ဒီ Lightning အားသွင်းအပေါက်မှာ တပ်နိုင်မယ့် Beats တံဆိပ် နားကြပ်တစ်မျိုးကိုလည်း ဖန်တီးလုပ်ဆောင်နေတယ်လို့ယူဆရပြီး အဆိုပါနားကြပ်မှာ အသံဆူညံမှုဖယ်ရှားပေးတဲ့နည်းပညာပါ ပါဝင်လာနိုင်ပါတယ်။

ဒါပေမယ့် ယခုလက်ရှိ ၃.၅ မီလီမီတာနားကြပ်တွေနဲ့လည်း နားထောင်နိုင်အောင်အတွက် adapter တစ်မျိုးကိုပါ လာမယ့် iPhone မှာ ထည့်သွင်းပေးသွားဖို့ရှိပါတယ်။

Apple ဟာ လာမယ့်မျိုးဆက်သစ် iPhone ရဲ့ အထူကို လျော့ချနိုင်ဖို့အတွက် လက်ရှိ ၃.၅ မီလီမီတာ နားကြပ်အပေါက်တွေကို ဖြုတ်ပစ်နိုင်ဖို့နည်းလမ်းကို ရှာဖွေနေတယ်ဆိုတဲ့ ကောလဟာလသတင်းတွေ ထွက်ပေါ်နေတာ အချိန်အတော်ကြာပြီဖြစ်ပါတယ်။

ဒါပေမယ့် ယခုထွက်ပေါ်လာတဲ့ သတင်းအရတော့ Apple ဟာ နည်းလမ်းရှာတွေ့သွားပြီလို့ယူဆရပါတယ်။ ကျွန်တော်တို့အနေနဲ့နောက် iPhone 7 မှာ အားသွင်းပေါက်အနေနဲ့ကော၊ နားကြပ်ပေါက်အနေနဲ့ပါ လုပ်ဆောင်နိုင်မယ့်၊ စွယ်စုံသုံး lightning port ကို တွေ့မြင်ရဖို့ရှိနေပါတယ်။

တရုတ်သတင်းဝက်ဘ်ဆိုဒ် Anzhuo ရဲ့ သတင်းတစ်ပုဒ်အရလည်း Apple ဟာ ၃.၅ မီလီမီတာ နားကြပ်အပေါက်ကိုဖြုတ်ပစ်ကာ  ကြိုးမဲ့နားကြပ်တွေကိုပဲ အာရုံစိုက်ထုတ်လုပ်သွားဖို့ရှိတယ်လို့ဆိုပြီး iPhone 7 မှာ ယခု ‘Earpod’ နားကြပ်တွေကို ကြိုးမဲ့သဏ္ဍာန် မြင်တွေ့ရဖို့ရှိတယ်လို့ဆိုပါတယ်။

Ref: DailyMail

 

 

 

%d bloggers like this: