Sony Computer Entertainment ကုမ္ပဏီ နာမည်ပြောင်း

Sony ကော်ပိုရေးရှင်းကြီးရဲ့ ကုမ္ပဏီခွဲ၊ PlayStation ဂိမ်းစက်တွေကို အဓိကဖန်တီးသူကုမ္ပဏီဖြစ်တဲ့ Sony Computer Entertainment ဟာ ဧပြီ (၁) ရက်နေ့ မှာ ‘Sony Interactive Entertainment (SIE)’ ကုမ္ပဏီလီမိတက် အဖြစ် တရားဝင်နာမည်ပြောင်းလိုက်ပြီဖြစ်ပါတယ်။

အခုလို ကုမ္ပဏီနာမည်ပြောင်းမယ်ဆိုတာ၊ ဇန်န၀ါရီလ (၁) ရက်နေ့ကတည်းက ကြေငြာခဲ့တာဖြစ်ပြီး၊ ဧပြီလ (၁) ရက်နေ့ မှာ တရားဝင်နာမည်ပြောင်းလိုက်တာပါ။

ဗီဒီယိုဂိမ်းလောကမှာ အထင်ကရကုမ္ပဏီတစ်ခုဖြစ်တဲ့ Sony Computer Entertainment ကို Sony Network Entertainment နဲ့ ပူးပေါင်းကာ Sony Interactive Entertainment ကုမ္ပဏီဆိုပြီး ဖွဲ့စည်းလိုက်တာဖြစ်တယ်လို့ Sony ရဲ့ အမှုဆောင်အရာရှိချုပ်တစ်ဦးက ပြောကြားပါတယ်။

ကျနော်တို့ ကလေးဘ၀ကတည်းက PlayStation စက်တွေမှာ မြင်တွေ့ခဲ့ရတဲ့ စိန်ပုံစံ Sony Computer Entertainment လိုဂိုကတော့ မပြောင်းလဲပဲ ဆက်ရှိနေမှာဖြစ်ပါတယ်။

အခုလိုနာမည်ပြောင်းလိုက်ရတဲ့အကြောင်းရင်းကတော့ Sony အနေနဲ့ PlayStation ဂိမ်းတွေအပြင်၊ မိုဘိုင်းဂိမ်းတွေဘက်ကိုပါ ခြေဦးလှည့်ဖို့အတွက် ဖြစ်တယ်လို့ ယူဆရပြီး၊ အဓိကအားဖြင့် အာရှဈေးကွက်ကို အာရုံစိုက်ဦးတည်သွားမှာဖြစ်တယ်လို့လည်း သိရှိရပါတယ်။

Ref: Cnet