၁၉၉ ဒေါ်လာတန်၊ စွမ်းဆောင်ရည်ကောင်းမွန်တဲ့ တန်ဖိုးနည်း Laptop တစ်လုံးကို Dell စတင်ချပြ

img0790

ဈေးပေါတဲ့ လက်ပ်တော့တစ်လုံးကို ရှာရတာလွယ်ပါတယ်။ ဒါပေမယ့် ဈေးလည်းသက်သာ၊ စွမ်းဆောင်ရည်လည်းကောင်းတဲ့ လက်ပ်တော့တစ်လုံးရဖို့ကတော့ တော်တော်ခဲယဉ်းတယ်ဆိုတာ သိကြမှာပါ။

အခုအခါမှာတော့၊ အမေရိကန်ကွန်ပြူတာနည်းပညာကုမ္ပဏီ Dell ဟာ ၂၀၁၆ ခုနှစ် Consumer Electronics Show မှာ အရောင်အသွေးလည်းစုံ၊ ဈေးလည်းသက်သာတဲ့ ၁၉၉ ဒေါ်လာတန်၊ တန်ဖိုးနည်းလက်ပ်တော့ တစ်မျိုးကို စတင်မိတ်ဆက်ပြသလိုက်ပါတယ်။

Dell Inspiron 11 3000 လို့အမည်ပေးထားတဲ့ လက်ပ်တော့ဟာ ဒီဇိုင်းပိုင်းအရကော၊ စွမ်းဆောင်ရည်ပါ မဆိုးဘူးလို့ပြောရမယ့်လက်ပ်တော့တစ်လုံး ဖြစ်ပါတယ်။

၁၉၉ ဒေါ်လာဆိုတဲ့ဈေးနှုန်းနဲ့လိုက်အောင် Intel ရဲ့ မျိုးဆက်ဟောင်း Celeron ပရိုဆက်ဆာကို အသုံးပြုထားပြီး၊ memory က 2GB ပါရှိပါတယ်။ 32 GB solid-state drive (SSD) ပါဝင်ပြီး Wi-Fi လည်း ပါဝင်ပါတယ်။

ဘက်ထရီသက်တမ်းကလည်း ၁၀ နာရီအထိ ခံနိုင်တာမို့တန်ဖိုးနည်းလက်ပ်တော့တွေထဲမှာ အကောင်းဆုံး လက်ပ်တော့တစ်လုံးလို့ဆိုရမှာပါ။ ကီးဘုတ်နဲ့trackpad တို့ကလည်း သုံးရတာ အဆင်ပြေချောမွေ့မှု ရှိပါတယ်။ ဒီ့အပြင် anti-glare screen လို့ခေါ်တဲ့ လက်ပ်တော့ဖန်သားပြင်ပေါ် နေရောင်ခြည်တို့စူးရှတောက်ပတဲ့အလင်းတွေ ကျတဲ့အခါ အလင်းစူးတာမျိုးတွေမဖြစ်အောင် ပြုလုပ်ထားတဲ့ ဖန်သားပြင်လည်း ပါရှိပါတယ်။

တကယ်လို့ဒီထက်ပိုပိုက်ဆံသုံးချင်တယ်ဆိုရင် memory 4GB ၊ 128 GB solid-state drive နဲ့ quad-core CPU တို့ပါဝင်တဲ့ မော်ဒယ်ကိုလည်း ဝယ်ယူအသုံးပြုနိုင်ပါတယ်။

Ref: cnet

 

%d bloggers like this: