သင့်ရဲ့ iPad ကို Laptop လို ဘယ်လို အသုံးပြုမလဲ ?

iPad ကို လက်တော့လို အသုံးပြုနိုင်မလားဆိုတဲ့ ငြင်းခုန်ဆွေးနွေးပွဲဟာ ၂၀၁၀ ခုနှစ် ကတည်းက ပေါ်ထွက်လာခဲ့တာ ဖြစ်ပါတယ်။ လက်တော့လိုပါ အသုံးပြုနိုင်ရင် အလုပ်ကိစ္စများ ပြုလုပ်ရာမှာ ပိုမိုတွင်ကျယ်မှာ ဖြစ်ပါတယ်။ အခုတော့ လက်တော့လိုရော ၊ တက်ဘလက်လိုပါ အသုံးပြုနိုင်တဲ့ iPad Pro ထွက်ပေါ်လာပါပြီ။ ဒါပေမယ့် iPad အဟောင်းပိုင်ရှင်များအတွက်လည်း လက်တော့လို အသုံးပြုနိုင်တဲ့ နည်းလမ်းများ ရှိနေပါတယ်။

ကီးဘုတ်နဲ့ ချိတ်ဆက်ပါ။

iPad အဟောင်းများကို လက်တော့လို အသုံးပြုနိုင်ဖို့အတွက် iPad Keyboard များစွာ ရှိပါတယ်။ သီးခြား ကီးဘုတ်များ သာမက Dock ပါတဲ့ ကီးဘုတ်များလည်း ရွေးချယ်နိုင်ပါတယ်။ Dock များကို iPad အတွက် Stand လို အသုံးပြုနိုင်ပါတယ်။ နောက်တစ်မျိုးကတော့ တက်ဘလက်ကို ငုံထားတဲ့ ကီးဘုတ်ဖြစ်ပြီး ဒါကတော့ လက်တော့နဲ့ အတူဆုံးဖြစ်ပါတယ်။

ကီးဘုတ်များဟာ iPad နဲ့ Bluetooth ဖြင့် ချိတ်ဆက်ထားကြတာ ဖြစ်ပြီး ဘက်ထရီ ပါရှိကြပါတယ်။ အရေးကြီးတာက iPad Mini နဲ့ iPad Air အပါအဝင် iPad အဟောင်းများဟာ အရွယ်အစား ကွဲပြားတဲ့အတွက် သင့့်ရဲ့ iPad အရွယ်အစားနဲ့ သင့်တော်တဲ့ ကီးဘုတ်ကို ရွေးချယ်သင့်ပါတယ်။

ကီးဘုတ်များထဲက ကောင်းတာကို ရွေးချယ်ပေးရရင် ၉.၇ လက်မ iPad Pro အတွက် Logitech Create for iPad Pro နဲ့ iPad Air 2 အတွက် Belkin Qode Case တို့ ဖြစ်ပါတယ်။ Apple ကလည်း သူ့ကိုယ်ပိုင် ကီးဘုတ်များကို ဖန်တီးပေးထားပေမယ့် ဈေးကြီးပါတယ်။

Apps

အလုပ်ကိစ္စများအတွက် iPad ကို လက်တော့လို အသုံးပြုချင်ရင် အလုပ်ကိစ္စအတွက် လိုအပ်တဲ့ Apps များ ရှိဖို့လိုပါတယ်။ Apple App Store မှာ အလုပ်ကိစ္စများအတွက် Google Docs နဲ့ Microsoft Office Apps များ ရှိပြီး အားလုံးကို အခမဲ့ အသုံးပြုနိုင်ပါတယ်။ Word , Excel Documents များကို ဖန်တီးနိုင်မှာ ဖြစ်ပြီး Productivity Apps များစွာလည်း ရှိပါတယ်။ Photoshop နဲ့ Adobe Softwares များလည်း iOS အတွက် ရှိပေမယ့် Windows, macOS Version များလောက် စွမ်းရည်မြင့်မားခြင်း မရှိပါဘူး။ iOS ရဲ့ SketchBook နဲ့ Photoshop Sketch တို့ကတော့ စွမ်းရည်မြင့်မားကြပါတယ်။ အထူးသဖြင့် iPad Pro ရဲ့ ဒစ်ဂျစ်တယ် ဘောပင်နဲ့ တွဲဖက် အသုံးပြုရင် ပိုမိုအစွမ်းထက်ပါတယ်။

Game Controller များတပ်ဆင်ပါ။

Apple က iOS 7 မှာကတည်းက Game Controller များနဲ့ တွဲဖက် အသုံးပြုနိုင်တဲ့ စွမ်းဆောင်ချက်ကို ထည့်သွင်းပေးခဲ့ပါတယ်။ အဲဒီအတွက် ပီစီနဲ့ ဂိမ်းစက်များမှာလို စွမ်းရည်မြင့် Controller ဖြင့် ကစားနိုင်မှာပါ။ iOS အတွက် စွမ်းရည်မြင့် ဂိမ်းပေါင်းများစွာလည်း ရှိနေပါတယ်။ iPad များအတွက် Game Controller များဟာ ပြည့်စုံကောင်းမွန်မှု မရှိသေးပေမယ့် iPad Games များကို ပီစီနဲ့ ဂိမ်းစက်များမှာလို ကစားနိုင်မှာပါ။ Controller များဟာ ဒေါ်လာ ၅၀ နဲ့ ၁၀၀ အကြား ရှိပြီး iPhone နဲ့ iPad ၂ မျိုးစလုံးမှာ အလုပ်လုပ်ပါတယ်။

လက်တော့နီးပါး အစွမ်းထက်လာတဲ့ iPad

လွန်ခဲ့တဲ့ နှစ်များအတွင်းမှာတော့ iPad များဟာ လက်တော့များလို အစွမ်းမထက်ကြသေးပါဘူး။ ဒီနေ့ခေတ်မှာတော့ Keyboard , Game Controller တို့လို iPad အတွက် Accessories ကောင်းများစွာ ထွက်ပေါ်နေပါပြီ။ iOS အတွက် Apps နဲ့ ဂိမ်းများဟာလည်း စွမ်းရည် အလွန်မြင့်မားလာကြပါပြီ။ အဲဒီအတွက် iPad များဟာ လက်တော့နီးပါး အစွမ်းထက်လာပြီလို့ သုံးသပ်မိပါတယ်။

ref : cnet

unicode

သင့်ရဲ့ iPad ကို Laptop လို ဘယ်လို အသုံးပြုမလဲ ?

ကီးဘုတ်နဲ့ ချိတ်ဆက်ပါ။

Apps

Game Controller များတပ်ဆင်ပါ။

%d bloggers like this: