Nintendo ကပထမဆုံးထုတ်လုပ်သည့် မိုဘိုင်းလ်ဂိမ်း Miitomo ကို တစ်ကမ္ဘာလုံးတွင်ရရှိ

Miitomo လို့ခေါ်တဲ့ Nintendo ရဲ့ ပထမဆုံးမိုဘိုင်းလ်ဂိမ်းကို တစ်မ္ဘာလုံးမှာ ဆော့ကစားနိုင်အောင်ထုတ်ပြန်ပေးလိုက်ပြီလို့ သိရပါတယ်။ ပြီးခဲ့တဲ့ မတ်လလယ်လောက်က ဂျပန်မှာစတင်ဖြန့်ချိခဲ့တဲ့ ဒီ App ကို iOS မှာရော Android မှာပါရရှိနိုင်နေပြီ ဖြစ်ပါတယ်။

App ကိုပထမဆုံးစတင်ဖွင့်လိုက်ရင် ကစားတဲ့သူတွေဟာ သူတို့ပိုင်ဆိုင်မယ့် Mii ကိုယ်ပွားကို Selfie ရိုက်ပြီး အရင်ဆုံး ရယူရမှာပါ။ ပြီးရင်တော့ သင့်အနေနဲ့ ဆော့လို့ရပြီဖြစ်ပါတယ်။ Miitomo ဟာ သာမန်သမားရိုးကျဂိမ်းတွေနဲ့ တော့တူမှာမဟုတ်ပါဘူး။ ပိုပြီး Social ဆန်လာတယ်လို့ပြောလို့ရပါတယ်။ ကစားသူတွေဟာ သူတို့ရဲ့အချိန်တွေကို ခက်ခဲတဲ့မေးခွန်းတွေဖြေဆိုတာတွေကို ပြုလုပ်ရမှာဖြစ်ပြီး ပစ္စည်းအသစ်တွေရယူရင် ဒင်္ဂါးတွေကို စုဆောင်းရမှာဖြစ်ပါတယ်။

ဒင်္ဂါးတွေဟာ မေးခွန်းတွေဖြေပြီးတိုင်းမှာ သင့်အကောင့်ထဲကို ဝင်ရောက်လာမှာဖြစ်ပါတယ်။ ပြီးရင် ကစားသူတွေအနေနဲ့ သူငယ်ချင်းတွေရဲ့ တုန့်ပြန်မှုတွေကို ကြည့်ရှုရင်း ပိုက်ဆံတွေပိုမိုရရှိစေမှာပါ။ သင့်အနေနဲ့ Facebook နဲ့ Twitter လူမှုကွန်ယက်နဲ့ ချိတ်ဆက်ထားရင် သင့်သူငယ်ချင်းတွေရဲ့အိမ်တွေကို သွားရောက်လည်ပတ်နိုင်မှာဖြစ်ပြီး သူတို့ကိုလည်းလာရောက်လည်ပတ်စေနိုင်မှာပါ။

ဒီလိုမျိုး Social ကျကျကစားတာဟာ စိတ်နည်းနည်းရှုပ်စေနိုင်တယ်လို့ထင်ရပေမယ့် တကယ်ကိုဖျော်ဖြေမှုပေးစွမ်းနိုင်ပါတယ်။ ချစ်စရာကောင်းတဲ့ ကာတွန်းရုပ်လေးတွေနဲ့ Nintendo ရဲ့ မြူးမြူးကြွကြွတေးသွားတွေ ပါဝင်တာကလည်း စိတ်ကြည်နူးစရာပါပဲ။ ဒါပေမယ့် Nintendo ဟာ သူတို့ရဲ့ထုံးစံ ဖျော်ဖြေမှုအားကောင်းကောင်းနဲ့ Action ဆန်တဲ့ ဂိမ်းမျိုးထုတ်ထားတာတော့မဟုတ်ပါဘူး။ သင့်အနေနဲ့ Social ဆန်ပြီး ဖျော်ဖြေနိုင်တဲ့ ဂိမ်းမျိုးကိုဆော့ချင်တယ်ဆိုရင်တော့ ဒီဂိမ်းကသင့်တော်ပါတယ်။

Ref: Independent

%d bloggers like this: