စမတ်ဖုန်းနဲ့ထိန်းချုပ်နိုင်မယ့် ထမင်းပေါင်းအိုးကို Xiaomi မိတ်ဆက်ပြသ

Xiaomi ကတော့ စမတ်ဖုန်းဈေးကွက်အပြင်၊ စမတ်အိမ်တွင်းပစ္စည်းဈေးကွက်ကိုပါ ‘Mi Ecosystem’ ဆိုတဲ့ ကုန်ပစ္စည်းအမှတ်တံဆိပ်ခွဲနဲ့ စတင်ဝင်ရောက်လာပါပြီ။

‘Mi Ecoystem’ ရဲ့ ပထမဦးဆုံး စမတ်အိမ်တွင်းသုံးပစ္စည်းကတော့ စမတ်ထမင်းပေါင်းအိုးဖြစ်ပြီး၊ ဆန်စားသုံးမှု များတဲ့ အာရှနိုင်ငံကမိသားစုတွေ အကြိုက်တွေ့မယ့် ပစ္စည်းတစ်ခုပဲဖြစ်ပါတယ်။

‘Mi လျှပ်စစ်ထမင်းပေါင်းအိုး’ ဟာ Mi စမတ်ထမင်းပေါင်းအိုးမှာ Wi-Fi ချိတ်ဆက်နိုင်မှုလည်းပါဝင်ပြီး၊ Mi Home ဆိုတဲ့ စမတ်ဖုန်း app ကနေတဆင့်၊ ထည့်ထားတဲ့ ဆန်ကို စကင်ဖတ်ကာ၊ ဆန်အမျိုးအစား၊ ကုမ္ပဏီတံဆိပ်နဲ့ ထွက်ရှိရာဒေသတို့ကို ပြောပြနိုင်ပါတယ်။

Mi ပေါင်းအိုးဟာ ဒီအချက်အလက်တွေအပေါ်မူတည်ပြီး ထည့်ထားတဲ့ဆန်အမျိုးအစားအလိုက် အပူပေးစနစ်ကို အလိုအလျောက်ထိန်းချုပ် ချက်ပြုတ်ပေးသွားမှာလည်း ဖြစ်ပါတယ်။

Mi ထမင်းပေါင်းအိုးဟာ ထမင်းချက်တာအပြင်၊ ကိတ်မုန့်ဖုတ်တာ၊ဟင်းချက်တာတို့ပါ ပြုလုပ်နိုင်ပြီး၊ Mi ပေါင်းအိုးနဲ့ ချက်နိုင်တဲ့ ဟင်းအမည်တွေကို Mi Home app ထဲမှာ ကြည့်ရှုနိုင်တယ်လို့ ဆိုပါတယ်။

ဒီပေါင်းအိုးကို တရုတ်နိုင်ငံတွင်းမှာ ဒေါ်လာ ၁၅၀ ဈေးနှုန်းနဲ့ ဧပြီလ ၆ ရက်နေ့က စတင်ရောင်းချသွားမှာ ဖြစ်ပြီး၊ နိုင်ငံတကာဈေးကွက်ကို ဘယ်တော့ဝင်ရောက်မလဲဆိုတာကိုတော့ မသိရသေးပါဘူး။

Ref: Tech Crunch, Gadgets360

 

 

 

 

%d bloggers like this: