4K Display နဲ့ Dual Rear Camera များပါတဲ့ Sony Xperia XZ2 Premium

Sony က ဖေဖော်ဝါရီလမှာ Xperia XZ2 ကို ကြေညာခဲ့ပါတယ်။ အခုတော့ XZ2 Premium ကို မိတ်ဆက်လိုက်ပါတယ်။ သူဟာ XZ2 ထက် မျက်နှာပြင်၊ ကင်မရာ၊ ဘက်ထရီနဲ့ အခြား အစိတ်အပိုင်းများဟာ ပိုမို ကောင်းမွန်လာပေမယ့် ဒီဇိုင်းက တူညီပါတယ်။ ဈေးနှုန်းကို မသိရသေးပေမယ့် နွေရာသီမှာ ဒေါ်လာ ၁၀၀၀ နီးပါးဖြင့် ရောင်းနိုင်ပါတယ်။

သူ့မှာ ၅.၈ လက်မ 4K Display တပ်ဆင်ထားပြီး HDR Video များကို ထောက်ပံ့ပါတယ်။ သူဟာ အနောက်ကင်မရာ နှစ်လုံးတပ်ဆင်ထားတဲ့ ဆိုနီရဲ့ ပထမဆုံး ဖုန်း ဖြစ်ပါတယ်။ 19MP Color Sensor နဲ့ 12MP Monochrome Sensor များဖြစ်ပါတယ်။ အလင်းရောင် အလွန်နည်းပါးတဲ့ အခြေအနေများမှာ ရိုက်ကူးတဲ့ ဓါတ်ပုံများရဲ့ အရည်အသွေးဟာ Lens ပြောင်းတပ်နိုင်တဲ့ ကင်မရာများကို မှီတယ်လို့ ဆိုနီက ပြောပါတယ်။ နောက်ခံမှုန်ဝါးတဲ့ Bokeh Mode လည်း ပါပါတယ်။ 4K HDR Video များကို ရိုက်ကူးနိုင်ပါတယ်။ 1080p Resolution ဖြင့် 960fps Slow-Mo Video များ ဖမ်းယူပေးနိုင်ပါတယ်။။ အရှေ့ဘက်မှာ 13MP Camera တစ်လုံး ပါပါတယ်။

XZ2 Premium မှာ RAM နဲ့ ဘက်ထရီများကိုလည်း XZ2 ထက် အဆင့်မြှင့်ထားပါတယ်။ RAM အပိုင်းမှာ 2GB ပိုများလာပြီး 6GB ဖြစ်လာပါတယ်။ ဘက်ထရီ အပိုင်းမှာ 3180mAh အစား 3540mAh ကို သုံးထားပါတယ်။ XZ2 မှာ အနောက် ကင်မရာ တစ်လုံးသာ ပါပါတယ်။ Snapdragon 845 Chipset , Android 8.0 Oreo တို့ ထည့်သွင်းထားပါတယ်။

Ref : theverge

unicode

4K Display နဲ့ Dual Rear Camera များပါတဲ့ Sony Xperia XZ2 Premium

%d bloggers like this: