ဂန္တဝင် Contra ဂိမ်းအရသာပြန်ခံစားရမယ့် ‘Contra Mobile’ ဂိမ်း ယခုနှစ်အတွင်း ထွက်ရှိမည်

ဂျပန်ဗီဒီယိုဂိမ်းထုတ်လုပ်သူကုမ္ပဏီ Konami နဲ့ တရုတ်အင်တာနက်ကုမ္ပဏီ Tencent တို့ ပူးပေါင်းပြီး၊ Contra ဂိမ်းအသစ်ဖြစ်တဲ့ ‘Contra Mobile’ ဂိမ်းကို ယခုနှစ်အတွင်း Android နဲ့ iOS ဖုန်းတွေအတွက် ထုတ်ပေးသွားမှာ ဖြစ်ပါတယ်။

အရင်တစ်ပတ်က ကျင်းပသွားတဲ့ Tencent UP event မှာ ‘Contra Mobile’ ဂိမ်းရဲ့ ပထမဦးဆုံး အမြည်းဗီဒီယိုကို ပြသသွားခဲ့ပြီး၊ console ပေါ်ကရမ်ဘိုဂိမ်းတွေအတိုင်း အရသာမပျက် ကြမ်းကြမ်းရမ်းရမ်းဆော့ကစားနိုင်မှာ ဖြစ်ကြောင်း တွေ့မြင်နိုင်ပါတယ်။

Contra ဂိမ်း အမာခံပရိတ်သတ်တွေအနေနဲ့ မိတ်ဆွေဟောင်းကြီးတွေဖြစ်တဲ့ ရမ်ဘို Lance Bean နဲ့ Bill Rizer တို့ကို ဒီဂိမ်းမှာ ပြန်လည် ထိန်းချုပ်ကစားရမှာဖြစ်ပြီး၊ gameplay ကလည်း အများအားဖြင့် မူရင်းဂိမ်းပုံစံအတိုင်းပါပဲ။

ထူးခြားချက်အနေနဲ့ ဒီဂိမ်းမှာ player-versus-player mode (အချင်းချင်းပြန်ချနိုင်မယ့် mode) ပါဝင်လာပါတယ်။

Contra ဂိမ်းဟာ မိုဘိုင်းဖုန်းတွေဆီ Contra Evolution အမည်နဲ့ ၂၀၁၃ ခုနှစ်လောက်တုန်းမှာ ရောက်လာခဲ့ဖူး ပေမယ့်၊ ဒီဂိမ်းဟာ တရုတ်ပရိတ်သတ်တွေအတွက် သီးသန့်ဖြစ်လို့ ဒီဘက်မှာ သိပ်မပေါက်လိုက်ပါဘူး။

ယခုနှစ်အတွင်း အသစ်ထွက်ရှိမယ့် ‘Contra Mobile’ ဂိမ်းမှာ တကယ့်ငွေနဲ့ ဝယ်ယူနိုင်မယ့်အရာတွေလည်း ပါဝင်တယ်လို့ သိရပြီး၊ ဘယ်လိုမျိုးဖြစ်မလဲဆိုတာကိုတော့ Konami နဲ့ Tencent တို့က တရားဝင်ထုတ်ဖော် မပြောခဲ့ပါဘူး။ ဒီဂိမ်းကို အနောက်နိုင်ငံဘက်ကို ထုတ်ပေးသွားမလားဆိုတာကိုလည်း အခုအချိန်ထိ အတည်ပြုပြောကြားရခြင်း မရှိသေးပါဘူး။

Ref: Polygon

 

 

 

 

%d bloggers like this: