မြန်မာနိုင်ငံတွင်ပဏာမကျန်းမာရေးစောင့်ရှောက်မှုကွန်ရက်၁၇ခုတည်ထောင်ရန် အူရီဒူးမှ အမေရိကန်ဒေါ်လာ ၃.၂ သန်းပံပိုးပေးခဲ့

၂ဝ၁၈ ခုနှစ်၊ မတ်လ ၈ ရက်တွင် ကျရောက်ခဲ့သည့် အပြည်ပြည်ဆိုင်ရာ အမျိုးသမီးများနေ့ အထိမ်းအမှတ်အဖြစ် မြန်မာအမျိုးသမီးများအား ပံ့ပိုးကူညီပေးမှုကို ပြသသည့်အနေဖြင့် အူရီဒူးမြန်မာနှင့်ကုလသမဂ္ဂစီမံကိန်းလုပ်ငန်းများဆိုင်ရာရုံး UNOPS မှ ပဲခူးတိုင်းဒေသကြီးတွင် ဆောက်လုပ်ပြီးစီးခဲ့သည့် ကျန်းမာရေးကွန်ရက် ၂ ခုကို ကျန်းမာရေးနှင့်အားကစားဝန်ကြီးဌာနသို့ လွှဲပြောင်းပေးလိုက်သည်။ UNOPS အူရီဒူးမှ UNOPS နှင့် ပူးပေါင်းဆောင်ရွက်ခြင်းကြောင့် UNOPS သည် ကုလသမဂ္ဂစံချိန်စံညွှန်းများအတိုင်း ကျန်းမာရေးကွန်ရက်များဆောက်လုပ် အကောင်အထည်ဖော်ဆောင်ရွက်ခြင်းကို စီမံခန့်ခွဲပေးပါသည်။

ထို့ကြောင့်အူရီဒူးအနေဖြင့် ကျန်းမာကြံ့ခိုင်သောလူမှုအဖွဲ့အစည်းကို ပြုစုပျိုးထောင်ရန်နှင့် နိုင်ငံ၏ ဖွံ့ဖြိုးတိုးတက်မှုကို အထောက်အပံ့ပေးရန်အတွက် မြန်မာအမျိုးသမီးများနှင့် ကလေးငယ်များကို ပိုမိုကောင်းမွန်သော ကျန်းမာရေးစောင့်ရှောက်မှုများ ပေးအပ်ရာတွင် မြန်မာအစိုးရကို ပံ့ပိုးပေးနိုင်ရန်အတွက် မြန်မာနိုင်ငံရှိ ပြည်နယ်နှင့်တိုင်းဒေသကြီးစုစုပေါင်း ၈ ခုတွင် ပဏာမကျန်းမာရေးကွန်ရက်  ၁၇ ခုကို တည်ဆောက်ရန် အမေရိကန်ဒေါ်လာ ၃.၁ သန်းကို ပံ့ပိုးပေးလိုက်ခြင်းဖြစ်ပါသည်။

ယင်းပဏာမကျန်းမာရေးကွန်ရက်နှစ်ခုသည် ပဲခူးတိုင်းဒေသကြီးရှိ ရွှေတောင်မြို့နယ်၊ ကမ်းတင်ကျေးရွာနှင့် ကြက်ဖြူတောင်ကျေးရွာတို့တွင် တည်ရှိပါသည်။ အူရီဒူးအနေဖြင့် မြန်မာနိုင်ငံတွင် ကျန်းမာရေးစောင့်ရှောက်မှု ပိုမိုဖွံ့ဖြိုးတိုးတက်ရန်အတွက် ပံံ့ပိုးပေးနိုင်မည့် တာဝန်သိ လူမှုအကျိုးပြုလုပ်ငန်း ဆောင်ရွက်ချက်များကို လုပ်ဆောင်ရန် လေးစားလိုက်နာစောင့်သိရမည့် ကတိထားရှိပါသည်။ ကျေးလက်နှင့် မြို့ပြဒေသများရှိ လူထုအနေဖြင့် ယခုအခါ မိမိတို့၏လူမှုအဖွဲ့အစည်းတွင် စံချိန်မီ အဆင့်မြင့် ပဏာမကျန်းမာရေးကွန်ရက်များ ရရှိတော့မည်ဖြစ်သဖြင့် မိခင်၊ မွေးကင်းစအရွယ်ကလေးငယ်များ နှင့် ကလေးများ၏ ကျန်းမာရေးကို အဓိကထားသည့် ဆေးကုသမှုများနှင့်ဝန်ဆောင်မှုများ ရရှိနိုင်တော့မည် ဖြစ်သည်။ ယင်း ပဏာမကျန်းမာရေးစောင့်ရှောက်မှုကွန်ရက်များသည် တီဘီရောဂါနှင့်ငှက်ဖျားရောဂါ အစရှိသကဲ့သို့ ကူးစက်ရောဂါများကို ကုသရန်လည်း ကူညီပေးနိုင်လိမ့်မည် ဖြစ်သည်။

အူရီဒူးမြန်မာ၏ CEO ဖြစ်သူ Mr. Vikram Sinha က “ မြန်မာနိုင်ငံ ကျေးလက်နဲ့ မြို့ပြနှင့်ဝေးကွာတဲ့ဒေသတွေမှာ မိခင်နဲ့ ကလေး သေဆုံးမှုအဆင့်က လက်မခံနိုင်လောက်အောင် မြင့်တာကို တွေ့ရပြီး  အထူးသဖြင့် သေဆုံးမှုအများစုဟာ ကာကွယ်နိုင်တဲ့ကိစ္စတွေကနေ ဖြစ်ကြောင်းလည်း သိရှိရပါတယ်။ ကျွန်တော်တို့ အူရီဒူးမှ မြန်မာပြည်သူလူထု၊ အထူးသဖြင့် မိခင်နှင့်ကလေးတို့၏ ကျန်းမာရေးစောင့်ရှောက်မှုကို ပိုမိုတိုးတက်ကောင်းမွန်စေရန် ပံ့ပိုးပေးလိုတဲ့အတွက် မိမိတို့ရဲ့ ကတိထားရှိချက်အတိုင်း အမေရိကန်ဒေါ်လာ ၃.၁ သန်း (လက်ရှိတန်ဖိုးမြန်မာငွေ ကျပ် ၄,၁၂၆,၁ဝဝ,ဝဝဝ) ကို လှူဒါန်းပံ့ပိုးပေးခဲ့ပါတယ်။ လိုအပ်ချက်တွေရှိတဲ့ အဆိုပါဒေသတွေမှာ နေထိုင်ကြတဲ့ ပြည်သူလူထုအနေနဲ့ ယခုဆိုရင် အရည်အသွေးမြင့် ကျန်းမာရေးစောင့်ရှောက်မှုကို ရရှိတော့မှာဖြစ်တဲ့အတွက် မိခင်နှင့်ကလေးငယ်များ၏ သေကြေမှုနှုန်းကို လျော့ကျသွားဖို့အတွက် ကူညီပေးနိုင်မှာဖြစ်ပါတယ်။ ကျွန်တော်တို့အနေနဲ့ ဖွံ့ဖြိုးတိုးတက်လျက်ရှိတဲ့ မြန်မာနိုင်ငံမှာ ကျန်းမာသန်စွမ်းတဲ့မိသားစုတွေနှင့် လူမှုအဖွဲ့စည်းကို တည်ထောင်နိုင်ရန် ကြိုးစားဆောင်ရွက်လျက်ရှိတာကြောင့် ကျန်းမာတဲ့မိခင်နဲ့ ကလေးတွေက ပိုမိုကျန်းမာပျော်ရွှင်တဲ့ဘဝတွေကို ဦးဆောင်သွားနိုင်မှာဖြစ်ပါတယ်”ဟု ပြောကြားလိုက်သည်။

ကျန်ရှိနေသေးသည့် ပဏာမကျန်းမာရေးကွန်ရက် ၁၅ ခုကို ၂ဝ၁၈ ခုနှစ် သြဂုတ်လတွင် အပြီးသတ်ဆောက်လုပ်နိုင်မည်ဟု မျှော်မှန်းထားပါသည်။

%d bloggers like this: