Apple WWDC 2018 မှာ မိတ်ဆက်နိုင်တဲ့ အရာများ

Apple ရဲ့ Worldwide Developer Conference ကို ဇွန်လ ၄ ရက်နေ့ကနေ ၈ ရက်နေ့အထိ ကျင်းပမှာ ဖြစ်ပါတယ်။ Apple က အဲဒီပွဲမှာ ဘာတွေ မိတ်ဆက်နိုင်လဲဆိုတာ အောက်မှာ လေ့လာကြည့်ရအောင်။

iOS 12

ယခင်နှစ်က Apple ဟာ စွမ်းဆောင်ချက် အသစ်များပါတဲ့ iOS 11 ကို မိတ်ဆက်ခဲ့ပါတယ်။ ဒီနှစ်မှာတော့ iOS 12 ကို မိတ်ဆက်မှာ ဖြစ်ပါတယ်။ သူ့မှာ iPhone X အတွက် Animoji အသစ်များ ပါလာနိုင်ပါတယ်။ ဒါ့အပြင် FaceTime မှာလည်း Animoji များကို အသုံးပြုနိုင်လာပြီး iPhone X Users များဟာ Animoji ဇာတ်ကောင်များဖြင့် သူငယ်ချင်းများနဲ့ ချက်နိုင်မှာ ဖြစ်ပါတယ်။ Stock Apps များရဲ့ ဒီဇိုင်းကိုလည်း ပြင်ဆင်ထားမယ်လို့ သတင်းထွက်နေပါတယ်။ Siri ကို iOS 12 မှာ ပိုမို နက်ရှိုင်းစွာ အလုပ်လုပ်စေမှာပါ။ Do Not Disturb နဲ့ Parental Controls များက ပိုမို ကောင်းမွန်လာမှာပါ။ AR စွမ်းရည်အသစ်များပါလာနိုင်ပါတယ်။ iPhone, iPad, Mac အားလုံးမှာ အလုပ်လုပ်တဲ့ Universal Apps များကို မိတ်ဆက်နိုင်ပါတယ်။

MacOS 10.14

Apple က ယခင်နှစ်မှာ MacOS High Sierra ကို မိတ်ဆက်ခဲ့ပါတယ်။ ဒီနှစ်မှာတော့ MacOS Version အသစ်ကို မြင်ရနိုင်ပါတယ်။ MacOS မှာ iOS Apps များကို အသုံးပြုလာနိုင်ပါတယ်။ MacOS အသစ်ရဲ့ အခြား သတင်းအချက်အလက်များဟာ သိပ်ပြီး ပေါက်ကြားထွက်ပေါ်ခြင်း မရှိသေးပါဘူး။

WatchOS 5

Apple က ယခင်နှစ်မှာ Watch Faces အသစ်များကို Apple Watch အတွက် ဖန်တီးပေးခဲ့ပါတယ်။ ဒါ့အပြင် Diary Notifications နဲ့ News Stories များလည်း ပါလာပါတယ်။ Music App ကလည်း ပိုမို တိုတက်လာပါတယ်။ မကြာခင်က အသုံးပြုထားတဲ့ Apps များကို ပြသပေးတဲ့ Dock အသစ်ပါလာပါတယ်။ ယခုနှစ်မှာ watchOS အသစ်ကို မိတ်ဆက်နိုင်ပါတယ်။ သူ့ရဲ့ သတင်းအချက်အလက်များကို မသိရသေးပေမယ့် ယခုနှစ်နှောင်းပိုင်းမှာ ဖြန့်ချီပေးမှာ သေချာပါတယ်။ watchOS 4 ဖြန့်ချီခဲ့တဲ့ စက်တင်ဘာလလောက်မှာ ဗားရှင်း အသစ်ကို ဖြန့်ချီနိုင်ပါတယ်။

Apple က ယခင်နှစ်ပွဲမှာ Amazon Video App ဟာ Apple TV ကို ရောက်လာမယ်လို့ ပြောခဲ့တဲ့အတွက် Apple TV ဟာ ပိုမို စွဲဆောင်စရာ ကောင်းလာပါတယ်။ ဒီနှစ်မှာ ကုမ္ပဏီက tvOS 12 ကို မိတ်ဆက်မှာ ဖြစ်ပြီး Original TV Programming ကို အဓိက အာရုံစိုက်ထားမှာပါ။ ကုမ္ပဏီက ကိုယ်ပိုင် တီဗီရှိုးများအတွက် ဒေါ်လာ ၁ ဘီလီယမ်ကျော် အသုံးပြုမယ်လို့ ကြေညာထားပါတယ်။

iMacs အသစ်နဲ့ တန်ဖိုးနည်း MacBook

Apple က ယခင်နှစ်မှာ iMac Pro ကို မိတ်ဆက်ခဲ့ပါတယ်။ သူ့ကို ယခင်နှစ် ဒီဇင်ဘာလမှသာ ရောင်းချပေးခဲ့တဲ့ အတွက် ဒီနှစ်မှာ iMac Pro အသစ်ကို မြင်ရမှာ မဟုတ်ပါဘူး။ Apple ဟာ ၁၃.၃ လက်မ တန်ဖိုးနည်း MacBook အသစ်ကို မိတ်ဆက်မယ်လို့ သတင်းထွက်နေပါတယ်။

iPad အသစ်များ

ကုမ္ပဏီက ဒီနှစ်မှာ တက်ဘလက် မော်ဒယ်နှစ်ခုကို မိတ်ဆက်မယ်လို့ သတင်းထွက်နေပြီး မိတ်ဆက်ပြီး ရက်သတ္တပတ် အနည်းငယ်အတွင်းမှာ ရောင်းချမှာ ဖြစ်ပါတယ်။ တက်ဘလက် မော်ဒယ်တစ်ခုမှာ Animoji ကို အသုံးပြုနိုင်မယ့် ကင်မရာစနစ်ပါလာနိုင်ပါတယ်။

ဈေးသက်သာတဲ့ HomePod

Apple က ယခင်နှစ်မှာ စမတ် စပီကာကို မိတ်ဆက်ခဲ့ပါတယ်။ မကြာခင်ကမှ သူ့ကို ရောင်းချပေးခဲ့ပါတယ်။ ဒီနှစ်မှာတော့ ဈေးသက်သာတဲ့ မော်ဒယ်ကို မိတ်ဆက်နိုင်ပါတယ်။

Ref : pocket-lint

unicode

Apple WWDC 2018 မှာ မိတ်ဆက်နိုင်တဲ့ အရာများ

iOS 12

MacOS 10.14

WatchOS 5

TvOS 12

iMacs အသစ်နဲ့ တန်ဖိုးနည်း MacBook

iPad အသစ်များ

ဈေးသက်သာတဲ့ HomePod

%d bloggers like this: