မြန်မာငွေ ၆၅ သိန်းတန် ရွှေ iPhone X

ယခင်နှစ်က ရောင်းချပေးခဲ့တဲ့ iPhone X ဟာ ဒေါ်လာ ၁၀၀၀ တန်ကြေးရှိတဲ့အတွက် တန်ဖိုးကြီးတဲ့ ဖုန်း ဖြစ်ပါတယ်။ သူ့ကို အရောင်နှစ်မျိုး ထုတ်လုပ်ပေးထားပေမယ့် ရွှေရောင် မပါလာပါဘူး။ အခုတော့ ရုရှား ကုမ္ပဏီ Caviar က ရွှေဖြင့် ဖန်တီးထားတဲ့ iPhone X မော်ဒယ်နှစ်မျိုးကို ထုတ်လုပ်ရောင်းချပေးလိုက်ပါတယ်။

အဲဒီ မော်ဒယ်များကို ၂၄ ကာရက် ရွှေဖြင့် သွန်းလောင်းထားပါတယ်။ Classic Gold နဲ့ Classic Liquid Gold လို့ အမည်ပေးထားပြီး ၄၅၁၀ ဒေါ်လာ၊ ၄၈၀၅ ဒေါ်လာဖြင့် အသီးသီး ရောင်းချပေးမှာ ဖြစ်ပါတယ်။ အဲဒီမော်ဒယ်နှစ်မျိုးစလုံးမှာ Apple Logo ကို ရွှေဖြင့် သွန်းလောင်းထားပါတယ်။ Liquid Gold Model ဟာ ရွှေရည်များ ကြွရွစွာ သုတ်လိမ်းထားတဲ့ ဒီဇိုင်းကို ခံစားရမှာ ဖြစ်ပါတယ်။

Caviar ဟာ ယခင်ကလည်း ကျောက်သံပတ္တမြားများဖြင့် အလှဆင်ထားတဲ့ သိန်း ၅၀၀ ကျော်တန် iPhone X Model များကိုလည်း ထုတ်လုပ်ရောင်းချပေးထားပါတယ်။ iPhone X Imperial Crown လို့ အမည်ပေးထားပြီး ရွှေနဲ့ ကျောက်သံပတ္တမြား အလုံးရေ ၃၀၀ ကျော်ဖြင့် အလှဆင်ထားပါတယ်။ အရွယ်အစား မတူညီတဲ့ ကျောက်များစွာ ပါပါတယ်။ စိန်အလုံးပေါင်း ၃၄၄ လုံးဖြင့် အလှဆင်ထားပါတယ်။ အရွယ်ကြီး ပတ္တမြား ၁၄ လုံးပါတဲ့ မျဉ်းကြောင်းနဲ့ ရွှေဖြင့် ပုံဖော်ထားတဲ့ သိမ်းငှက်နှစ်ကောင်လည်း ပါပါတယ်။ 64GB Internal Storage ပါတဲ့ iPhone X Imperial Crown ကို ယူရို ၃၄ ၂၀၀ သတ်မှတ်ထားပါတယ်။ မြန်မာငွေ အားဖြင့် သိန်း ၅၀၀ ကျော် ကျသင့်မှာ ဖြစ်ပါတယ်။

iPhone X Imperial Crown ဟာ ရုရှား အင်ပါယာကို အုပ်စိုးခဲ့တဲ့ Catherine II အတွက် သရဖူကို ဖန်တီးပေးခဲ့တဲ့ Georg-Friedrich Eckart ကို ဂုဏ်ပြုတဲ့ အနေဖြင့် ဖန်တီးပေးထားခြင်း ဖြစ်ပါတယ်။ ရုရှားမှာတော့ ရူဘယ် ၂.၄ သန်း သတ်မှတ်ထားပါတယ်။

ref : gsmarena

unicode

မြန်မာငွေ ၆၅ သိန်းတန် ရွှေ iPhone X

%d bloggers like this: