Toyota က မောင်းသူမဲ့ ကား ဆော့ဖ်ဝဲအတွက် ကုမ္ပဏီ အသစ်ကို တည်ထောင်

တိုယိုတာက Toyota Research Institute-Advanced Development, or TRI-AD လို့ အမည်ပေးထားတဲ့ ကုမ္ပဏီအသစ်တစ်ခုကို တည်ထောင်လိုက်ပါတယ်။ သူက မော်တော်ကား အစိတ်အပိုင်း ထုတ်လုပ်သူ Aisin Seiki , Denso တို့နဲ့ ပူးပေါင်း၍ တည်ထောင်ခြင်း ဖြစ်ပါတယ်။ ကုမ္ပဏီများဟာ လာမယ့် နှစ်များအတွင်းမှာ ကုမ္ပဏီ အသစ်မှာ ဒေါ်လာ ၂.၈ ဘီလီယမ်ကို ရင်းနှီးမြှပ်နှံမှာ ဖြစ်ပြီး မောင်းသူမဲ့ ကားများအတွက် ဆော့ဖ်ဝဲများကို တီထွင်ဖို့ ဝန်ထမ်း ၁၀၀၀ ဝန်းကျင်ကို ခန့်ထားမှာ ဖြစ်ပါတယ်။

တိုယိုတာရဲ့ TRI-AD ကို တိုကျိုမှာ ရုံးစိုက်ထားပါတယ်။ TRI-AD က ဖန်တီးထားတဲ့ ဆော့ဖ်ဝဲများကို Toyota Research Institution (TRI) ရဲ့ ဆော့ဖ်ဝဲများနဲ့ ပေါင်းစပ် ကြမှာ ဖြစ်ပါတယ်။ TRI ကို ၂၀၁၅ ခုနှစ်တွင် မြောက်အမေရိကမှာ တည်ထောင်ခဲ့ခြင်း ဖြစ်ပါတယ်။ TRI-AD ဟာ TRI နဲ့ အမွှာ ကုမ္ပဏီလို့လည်း ပြောနိုင်ပါတယ်။

တိုယိုတာက မောင်းသူမဲ့ ကားများ၊ စက်ရုပ်များအတွက် ဉာဏ်ရည်တု နည်းပညာများကို TRI ကနေ တီထွင်ခဲ့ပြီး TRI ကို ဦးဆောင်ဖို့ DARPA Robotics Challenge မှ ခေါင်းဆောင်ဟောင်းတစ်ဦးကို ငှားရမ်းထားပါတယ်။ TRI ဟာ မောင်းသူမဲ့ ကားနဲ့ ယာဉ်မောင်းသူများအား အထောက်အကူပြုတဲ့ နည်းပညာ စတဲ့ နယ်ပယ်နှစ်ခုကို အဓိကထား ဖန်တီးနေခဲ့ပါတယ်။

ကားထုတ်လုပ်သူများဟာ စွမ်းရည်ပြည့် မောင်းသူမဲ့ ကားများကို အောင်မြင်စွာ တီထွင်နိုင်ဖို့ အပြိုင် အဆိုင် ကြိုးစားနေကြပါတယ်။ ကုမ္ပဏီကြီးများဟာ မောင်းသူမဲ့ ကားနည်းပညာ လျှင်မြန်စွာ ခရီးရောက်ဖို့ အတွက် တည်ထောင်ခါစ ကုမ္ပဏီငယ်များကိုလည်း ဝယ်ယူနေကြပါတယ်။

Ref : theverge

unicode

Toyota က မောင်းသူမဲ့ ကား ဆော့ဖ်ဝဲအတွက် ကုမ္ပဏီ အသစ်ကို တည်ထောင်

%d bloggers like this: