iPhone အတွက် ကီးဘုတ်အသစ်ထုတ်လုပ်ပေးမယ့် Google

Google ဟာ လာမယ့် iOS ပစ္စည်းတွေက နဂိုပါဝင်မယ့် Search Feature အတွက် Third-party ကီးဘုတ်ကို ထုတ်လုပ်ပေးမယ်လို့ သတင်းတွေထွက်ပေါ်လာပါတယ်။

The Verge မှာဖော်ပြထားချက်အရ Google ရဲ့ ကီးဘုတ်ဟာ လာမယ့် iPhone ဗားရှင်းအသစ်တွေမှာ စတင်ပါဝင်လာနိုင်ဖွယ်ရှိနေတာဖြစ်ပြီး Web, Image Search, GIF ထောက်ပံ့မှုနဲ့ လက်လှုပ်ရှားမှုပေါ်မူတည်ပြီး Typing ရိုက်တာ စတဲ့လုပ်ဆောင်ချက်တွေကိုလည်း ထည့်သွင်းလာမှာဖြစ်ပါတယ်။

ဒီကီးဘုတ်ကို ပြီးခဲ့တဲ့ လပိုင်းတွေတုန်းက Google အနေနဲ့ သူတို့ အလုပ်သမားတွေနဲ့ စမ်းသပ်ခဲ့တာဖြစ်ပြီး ဘယ်အချိန်မှာ ထုတ်လုပ်မယ်ဆိုတော့ သေသေချာချာ ပြောကြားခြင်းမရှိပါဘူး။ ဒီလိုပြုလုပ်လိုက်ခြင်းဟာ Google ရဲ့ နောက်ထပ်ဝင်ငွေရှာတဲ့ အပေါက်တစ်ခုဖြစ်လာပြီး သူတို့ရဲ့ ခြေလှမ်းတွေကို Desktop ကွန်ပျူတာတွေထက်စာလို့ရှိရင် Mobile ပစ္စည်းတွေဖက်ကို ပိုမိုဦးတည်လာတာဖြစ်ပါတယ်။

ဒီလို Google ရဲ့ ခပ်စိတ်စိတ်လှမ်းနေတဲ့ ခြေလှမ်းတွေကြောင့် လုပ်ငန်းစုဟာ တဖြည်းဖြည်း ကြီးမားသထက်ကြီးမားလာတာလည်း ဖြစ်ပါတယ်။ အဲ့ဒီအပြင် နည်းပညာကုမ္ပဏီတွေဟာ ကီးဘုတ်ရဲ့ ခေတ်စားမှုကို အသိအမှတ်ပြုလာကြပြီး ပြီးခဲ့တဲ့ ဖေဖော်ဝါရီလတုန်းက Microsoft ဟာလည်း ကီးဘုတ်ကုမ္ပဏီတစ်ခုဖြစ်တဲ့ SwiftKey ကို ဒေါ်လာသန်း ၂၅၀ နဲ့ ဝယ်ယူခဲ့ပါသေးတယ်။

Ref: Independent

%d bloggers like this: