Windows 10 မိုဘိုင်းစနစ်ကို Windows 8.1 သုံးဖုန်းတွေမှာ တင်နိုင်ပြီ

နှောင့်နှေးကြန့်ကြာမှုတွေတသီကြီးဖြစ်ခဲ့ပြီးနောက်မှာတော့၊ Windows 10 မိုဘိုင်းစနစ်ကို ယခုအခါ လူအများအပြား စတင်သုံးစွဲနိုင်ပြီဖြစ်ပါတယ်။

Windows 8.1 စနစ်သုံး Lumia နဲ့ တခြားစမတ်ဖုန်းတွေအတွက် Windows 10 မိုဘိုင်းစနစ် ထုတ်ပေးလိုက်ပြီ ဖြစ်ကြောင်း၊ Microsoft က လွန်ခဲ့တဲ့အပတ်၊ ကြာသပတေးနေ့မှာ ကြေငြာခဲ့တာဖြစ်ပါတယ်။

Windows 10 မိုဘိုင်းစနစ်ရမယ့် ဖုန်းတွေကတော့ Microsoft ထုတ် Lumia စီးရီးဖုန်းတွေဖြစ်တဲ့ Lumia 1520, Lumia 930, Lumia 640, Lumia 640 XL, Lumia 730, Lumia 735, Lumia 830, Lumia 532, Lumia 540, Lumia 635, Lumia 636, 638, 430, နဲ့ Lumia 435 စမတ်ဖုန်းစတဲ့ မော်ဒယ် ၁၈ မျိုး ဖြစ်ပါတယ်။ ကိုယ်ကိုင်တဲ့ဖုန်းက အထက်ဖော်ပြပါမော်ဒယ်တွေထဲမှာ မပါဘူးဆိုရင်တော့ Windows 10 update ရဖို့ကို နည်းနည်းစောင့်ပေးရမှာပါ။

Lumia မဟုတ်တဲ့ Windows စနစ်သုံး တခြားဖုန်းတွေထဲမှာတော့၊ ပထမအဆင့်အနေနဲ့ Blu Win ဖုန်းတွေနဲ့ MCJ ဖုန်းတွေပဲ ရရှိဦးမှာဖြစ်ပြီး၊ နောက်မကြာခင်မှာ တခြားတံဆိပ်ဖုန်းတွေကိုလည်း update ပေးသွားမှာ ဖြစ်တယ်လို့ သိရပါတယ်။

Windows 10 စနစ် မြှင့်ချင်တဲ့လူတွေအနေနဲ့၊ ပထမဦးဆုံး Windows Store ကနေ Windows 10 Upgrade Advisor အက်ပလီကေးရှင်းကို ဒေါင်းလုဒ်ဆွဲပေးရမှာဖြစ်ပြီး၊ Enable Windows 10 upgrade ကို ရွေးချယ် ပေးရမှာဖြစ်ပါတယ်။ ကိုယ့်ဖုန်းက Windows 10 တင်နိုင်လားဆိုတာ app က confirm လုပ်ပေးသွားမှာ ဖြစ်ကာ၊ တင်လို့ရတယ်ဆိုရင်တော့ ဖုန်း Settings ထဲကဝင်ပြီး update လုပ်ပေးရမှာဖြစ်ပါတယ်။

a35e65e34c91e23026d7f6011a51f1e3

Ref: Gadgets 360

 

%d bloggers like this: