Apple က CES ပွဲမှာ AR Glasses အတွက် အစိတ်အပိုင်းထုတ်လုပ်သူများနဲ့ စကားပြောခဲ့

Apple က Augmented Reality နည်းပညာပါတဲ့ မျက်မှန်ကို ဖန်တီးဖို့ အရှိန်အဟုန်မြှင့်တင်နေပါတယ်။ Bloomberg က Apple မှ ကိုယ်စားလှယ်များဟာ CES ပွဲကို လာခဲ့ပြီး AR Glasses အတွက် အစိတ်အပိုင်းထုတ်လုပ်သူများနဲ့ စကားပြောခဲ့တယ်လို့ ပြောပါတယ်။ Apple အပြင် Facebook , Google တို့ကလည်း ပွဲမှာ အစိတ်အပိုင်းထုတ်လုပ်သူများနဲ့ စကားပြောခဲ့တယ်လို့လည်း သတင်းဌာနက ပြောပါတယ်။ Bloomberg က အခြား အသေးစိတ် သတင်းအချက်အလက်များကို မပြောပေမယ့် AR မျက်မှန်ကို Apple ဖန်တီးနေတယ်ဆိုတာ သေချာပါတယ်။

ပေါက်ကြားထွက်ပေါ်နေတဲ့ သတင်းများအရ အဲဒီ မျက်မှန်ကို Apple Glasses လို့ အမည်ပေးမှာ ဖြစ်ပြီး Apple ဟာ AR ကို စတင်ရင်းနှီးမြှပ်နှံတဲ့ အချိန်ကတည်းက အဲဒီမျက်မှန်ရဲ့ သတင်းဟာ ထွက်ပေါ်နေခဲ့တာ ဖြစ်ပါတယ်။ Apple CEO Tim Cook ကလည်း ရေရှည်မှာ AR ကိုသာ အဓိက ဖန်တီးမယ်လို့ ပြောခဲ့ဖူးပါတယ်။ Apple က စားသုံးသူများအတွက် AR ဟာ ရောင်းကောင်းတဲ့ ထုတ်ကုန်ဖြစ်လာမယ်လို့ ထင်နေပါတယ်။ Bloomberg က ယခင်ကလည်း Apple ဟာ AR Headset ကိုလည်း ဖန်တီးနေတယ်လို့ ပြောခဲ့ဖူးပါတယ်။

၂၀၂၀ ခုနှစ်လောက်မှာ အဲဒီ မျက်မှန်ကို ရောင်းချမယ်လို့ သတင်းထွက်နေပါတယ်။ သူ့မှာ Display , Processor , rOS အမည်ရ Operating System တို့ ထည့်သွင်းထားမှာ ဖြစ်ပါတယ်။ ထိတွေ့မျက်နှာပြင် ဖြစ်နိုင်ပြီး Siri ဒစ်ဂျစ်တယ် ကိုယ်ရေးလက်ထောက်လည်း ပါလာနိုင်ပါတယ်။

Ref : pocket-lint

%d bloggers like this: