CES ပွဲမှာ ပြသခဲ့တဲ့ ကြိုးမဲ့အားသွင်း နည်းပညာများ

Consumer Electronics Show မှာ ကြိုးမဲ့အားသွင်းနည်းပညာများစွာကို ပြသခဲ့ကြပါတယ်။ ပွဲမှာ အဝေးကနေ အားသွင်းပေးနိုင်တဲ့ Charging Pads များကိုလည်း မြင်တွေ့ခဲ့ကြရပါတယ်။ အဲဒီအထဲကမှ ထူးခြားတာက အနီအောက်ရောင်ခြည် အလင်းတန်းများကနေ ဖုန်းကို အားသွင်းပေးတဲ့ နည်းပညာ ဖြစ်ပါတယ်။ သူ့ကို တီထွင်ထားတာက Wi-Charge ဖြစ်ပါတယ်။

ကြိုးမဲ့ အားသွင်းနည်းပညာမှာ ဆရာကြီးများဖြစ်တဲ့ iOttie နဲ့ Powercast တို့ကလည်း သူတို့ရဲ့ နည်းပညာများကို ပြသခဲ့ကြပါတယ်။ iOttie ဟာ CES Innovation Awards ကို ငါးကြိမ်ရရှိထားပါတယ်။ ဒီနှစ်မှာလည်း သူဟာ ကမ္ဘာ့ ကြိုးမဲ့အားသွင်း နည်းပညာ နယ်ပယ်မှာ စောင့်ကြည့်ရမယ့် ဘရန်းဆိုတာကို သက်သေပြခဲ့ပါတယ်။ ယခုနှစ် CES ပွ ဲမှာ iOttie က Fast Charging Pad အပါအဝင် iON Wireless Series များကို ပြသခဲ့ပါတယ်။ သူတို့ရဲ့ စနစ်မှာ လျှင်မြန်စွာ ကြိုးမဲ့ အားသွင်းပေးတဲ့ Qi နည်းပညာကို အသုံးပြုထားပါတယ်။ သူ့ရဲ့ ကြိုးမဲ့အားသွင်းစက်များမှာ အခြား စမတ်ဖုန်းများကို အားသွင်းပေးဖို့ Port များလည်း ပါပါတယ်။ ပွဲမှာ အထူးပြုလုပ်ထားတဲ့ Phone Case များကနေ ဖုန်းကို အားသွင်းပေးမယ့် ကြိုးမဲ့ အားသွင်း နည်းပညာများစွာကိုလည်း မြင်တွေ့ခဲ့ကြရပါတယ်။

Shenzhen Tesla Wireless က 10W Fast-Charging Energy Pad ကို ပြသခဲ့ပါတယ်။ သူ့ရဲ့ အမည်ကတော့ SnapCharge ဖြစ်ပြီး အထူးပြုလုပ်ထားတဲ့ Phone Case ကနေလည်း ဖုန်းကို အားသွင်းပေးပါတယ်။ အခြား ကုမ္ပဏီများကလည်း ဝေးကွာတဲ့ နေရာကနေ ဖုန်းကို ကြိုးမဲ့ အားသွင်းပေးတဲ့ နည်းပညာများကို ပြသခဲ့ကြပါတယ်။

blank

Wi-Charge ရဲ့ အားသွင်းစက်များဟာ နေအိမ်မှာ အလှဆင်ဖို့တောင် အဆင်ပြေပြီး သူ့ရဲ့ အလင်းစနစ်က ဖုန်းနဲ့ Accessories များကို အားသွင်းပေးနိုင်ပါတယ်။ သူက Transmitter လိုရော Receiver လိုပါ အလုပ်လုပ်ပါတယ်။ သူက အလင်းတန်းများကို ဖမ်းယူပြီး အသုံးဝင်တဲ့ စွမ်းအင် အဖြစ် ပြောင်းလဲပေးနိုင်ပါတယ်။

Powercast က ပေ ၈၀ အကွာအဝေးကနေ Devices များစွာကို အားသွင်းပေးတဲ့ Transmitter အသစ်ကိုလည်း ပြသခဲ့ပါတယ်။ ဒီနည်းပညာက အဝေးကနေ Device များကို အားသွင်းပေးဖို့အတွက် ဝိုင်ဖိုင်နဲ့ တူတဲ့ နည်းလမ်းကို အသုံုးပြုထားပါတယ်။ အဲဒီအတွက် အားသွင်း Pad များတောင် မလိုအပ်ပါဘူး။ ကိရိယာများကို သူထောက်ပံ့တဲ့ အကွာအဝေးအတွင်းမှာ ထားရှိတာနဲ့ အဆင်ပြေပါပြီ။ ညဘက်မှာ အားသွင်းထားတာနဲ့ မနက်ကျရင် အားပြည့်နေပြီလို့ ကုမ္ပဏီက ပြောပါတယ်။

Game Controller, Smartwatch တို့လို စွမ်းအင် အများအပြားလိုအပ်တဲ့ ကိရိယာများကိုတော့ အားသွင်းစက်နဲ့ ၂ ပေ အတွင်းမှာ ထားရှိရင် အားပြည့်တာ မြန်ဆန်ပါတယ်။ ကီးဘုတ် ၊ မောက်စ်တို့လို စွမ်းအင်စားသုံးမှု နည်းပါးတဲ့ ကိရိယာများအတွက်တော့ ၆ ပေ အကွာကနေ အားသွင်းနိုင်ပါတယ်။ တီဗီ Remote များကိုတော့ ၁၀ ပေ အကွာအဝေးကနေ အားသွင်းနိုင်ပါတယ်။ Temperature Sensors များလို စွမ်းအင် စားသုံးမှု အလွန်နည်းပါးတဲ့ ကိရိယာများကိုတော့ ပေ ၈၀ အကွာကနေတောင် အားသွင်းနိုင်ပါတယ်။

Ref : dailymail

%d bloggers like this: