ပေါက်ကြားလာတဲ့ Galaxy S9 ရဲ့ဘူးခွံပေါ်ကနေ သိလိုက်ရတဲ့ feature တွေက???

Samsung ကနေ Galaxy S9 စီးရီးတွေကို နောက်လမှာမိတ်ဆက်တော့မှာဖြစ်လို့ ပေါက်ကြားလာမှုတွေလည်း စလာပါပြီ။ ခုဆိုရင် Galaxy S9 ရဲ့ဘူးခွံပေါ်ကနေ ဖုန်းမှာပါတဲ့ feature တချို့ကိုသိလိုက်ရပါပြီ။ f/1.5 နဲ့ “Super-speed” camera, “Super Slow-mo” အပြင် AKG-tuned စတီရီယိုစပီကာတွေသုံးထားမှာဖြစ်ပါတယ်။

ဒီပုံအတိုင်းဆိုရင် Galaxy S9 က 5.8” 1440p AMOLED display တွေကို သုံးထားမှာဖြစ်ပြီး  Galaxy S8 တွေတုန်းကလို ထောင့်ဝိုင်းဝိုင်းဖြစ်ပါမယ်။ တူတဲ့အချက်တွေတော့ တော်တော်များများပါပါတယ်။ ကျောဘက်ကင်မရာက OIS ကို ထောက်ပံ့ပေးနိုင်တဲ့ 12 MP Dual Pixel camera ဖြစ်ပြီး ရှေ့ဘက် 8MP camera, ရေဒဏ်ဖုန်ဒဏ်ခံနိုင်နှုန်း IP68, iris scanner, RAM 4GB, Storage 64GB, ကြိုးမဲ့အားသွင်းစနစ်နဲ့ AKG-tuned နားကြပ်တွေပါဝင်မှာဖြစ်ပါတယ်။

Feature အသစ်တွေအနေနဲ့ ကင်မရာက “Super speed” ဖြစ်သွားပါပြီ။ ဒီနေရာမှာ aperture ကို ၂မျိုးပြထားပါတယ်။ f/1.5 နဲ့ f/2.4 ဖြစ်ပြီး f/2.4 aperture တွေကတော့ ပိုပြီးပြတ်သားတောက်ပတဲ့ ပုံတွေကိုပေးစွမ်းနိုင်မှာပါ။ W2018 ရဲ့ ကင်မရာမှာလည်း OIS ထောက်ပံ့ပေးထားပြီး 12MP Dual Pixel ဖြစ်လို့ သတင်းကြားထားတဲ့အတိုင်း Galaxy S9 မှာသုံးလာတယ်ထင်ပါတယ်။(အောက်ကတော့ Galaxy S8 တုန်းကဘူးပုံစံပါ ခပ်ဆင်ဆင်ဖြစ်နေသလိုပါပဲ)

blank

“Super Slow-mo” ကတော့ Sony ရဲ့ 960fps slow-motion ရိုက်နိုင်စွမ်းနဲ့တူတူလောက်ဖြစ်မှာပါ။ နောက်တစ်ခု AKG-tuned speaker တွေကိုသုံးထားမှာဖြစ်ပြီး Pixel 2XL လို စတိုင်လ်မျိုးနေရာထားထားမလားတော့ မသိပါဘူး။

ပုံမှာ ဘူးကို လက်အိတ်နဲ့ကိုင်ထားတာကိုကြည့်လိုက်ရင် စက်ရုံပိုင်းကနေ ပေါက်ကြားလာတဲ့ပုံဖြစ်နိုင်ပါတယ်။ ဒီပုံထဲကအတိုင်း အမှန်တကယ်ဖြစ်မဖြစ်ကတော့ အချိန်ကပဲစကားပြောသွားပါလိမ့်မယ်။

%d bloggers like this: