သင်၏ iPhone များ Samsung ၏ Gear နာရီများနှင့်တွဲသုံးနိုင်တော့မည်

iPhone and Gear

တကယ်လို့သင်ဟာ iPhone သုံးစွဲသူတစ်ယောက်ဆိုရင် နောက်ဆုံးမှာ သင့်အနေနဲ့ iPhone နဲ့ တွဲအလုပ်လုပ်နိုင်မယ့် နောက်ထပ်နာရီတစ်မျိုးကို ရွေးချယ်နိုင်တော့မှာပါ။

Samsung က သူတို့ရဲ့ Gear S2 စမတ်လက်ပတ်နာရီဟာ Apple ရဲ့ iOS စနစ်သုံး iPhone နဲ့ iPad တွေနဲ့ တွဲပြီးအလုပ်လုပ်နိုင်တော့မှာဖြစ်တယ်လို့ အင်္ဂါနေ့တုန်းကပြောကြားခဲ့ပါတယ်။ ဒီလိုအံ့အားသင့်ဖွယ်ကောင်းတဲ့ သတင်းကို Samsung ဟာ Las Vegas မှာကျင်းပတဲ့ CES 2016 ပွဲမှာ ပြောကြားခဲ့တာဖြစ်ပါတယ်။

ဒါပေမယ့် ယခုလောလောဆယ်သုံးလို့ရဦးမှာမဟုတ်ပဲ ဒီနှစ်နှောင်းပိုင်းလောက်မှာမှ ဒီလုပ်ဆောင်ချက်ကိုရနိုင်တယ်လို့လဲသိရပါတယ်။ အရင်က Samsung ဟာ စမတ်နာရီတွေကို သူတို့ Samsung ဖုန်းတွေမှာပဲသုံးလို့ ရအောင်တင်းတင်းကျပ်ကျပ် ပြုလုပ်ထားခဲ့တာပါ။

ဒါဟာ Apple Watch နောက်ပိုင်းမထွက်တော့တဲ့ Apple accessory တွေကို မျှော်နေတဲ့ iPhone ချစ်သူတွေအတွက် ရွေးချယ်စရာတစ်ခုဖြစ်လာနိုင်တာဖြစ်ပါတယ်။ ဘာလို့လဲဆိုတော့ ရိုးရာဆန်ဆန်နာရီ ဒီဇိုင်းလေးနဲ့ ချစ်ဖို့ကောင်းတဲ့ Gear S2 တွေကိုလူတိုင်းကြိုက်နှစ်သက်စေနိုင်လို့ပဲဖြစ်ပါတယ်။

Samsung နာရီနဲ့ Apple Devices တွေချိတ်ဆက်နိုင်ဖို့အတွက် ဘယ်လို ပံ့ပိုးမှုတွေလိုအပ်တယ်ဆိုတာကိုတော့ Samsung အနေနဲ့ ထုတ်ဖော်ပြောကြားခဲ့ခြင်းမရှိပါဘူး။

Ref: Cnet

%d bloggers like this: