သင့်ဖုန်းရဲ့ Camera Flash ကို အဆင့်မြှင့်ပေးမယ့် Accessory

သင့် စမတ်ဖုန်းမှာပါတဲ့ LED Flash များဟာ စွမ်းရည်နိမ့်ပါးကြတဲ့အတွက် အလင်းရောင်နည်းပါးတဲ့ နေရာများမှာ လှပတဲ့ ဓါတ်ပုံကောင်းများကို မဖန်တီးပေးနိုင်ပါဘူး။ အခုတော့ အဲဒီပြဿနာကို iBlazr 2 အမည်ရ စမတ်ဖုန်း Accessory က ဖြေရှင်းပေးနိုင်ပါပြီ။

သူ့ကို ဖုန်းအရွယ်အစားမျိုးစုံ၊ ဖုန်းဘရန်း မျိုးစုံမှာ တပ်ဆင် အသုံးပြုနိုင်ပါတယ်။ သူက Bluetooth ဆက်သွယ်မှုကနေတစ်ဆင့် iOS နဲ့ Android တို့ရဲ့ Camera Apps များနဲ့ တွဲဖက် အလုပ်လုပ်နိုင်ပါတယ်။ သင့်ရဲ့ စမတ်ဖုန်းမှာ သူ့ကို တပ်ဆင်ပြီး ဓါတ်ပုံ မရိုက်ခင်မှာ သူ့ကို နှစ်ချက်နှိပ်လိုက်တာနဲ့ အိုကေပါပြီ။ သူ့ကို တစ်နည်းအားဖြင့် Shutter Button လို အသုံးပြုနိုင်ခြင်း ဖြစ်ပါတယ်။

သူ့မှာ Touch Sensor ပါပြီး အလင်းရောင်ကို ချိန်ညှိနိုင်တဲ့အတွက် သဘာ၀ အလင်းရောင် အခြေအနေအမျိုးမျိုးအတွက် ပြည့်စုံတဲ့ ဓါတ်ပုံကောင်းများကို ရိုက်ကူးပေးနိုင်ပါတယ်။ ဓါတ်ပုံများသာမက ဗီဒီယိုများ ရိုက်ကူးတဲ့ အခါမှာလည်း သူ့ရဲ့ မီးအလင်းရောင်ကို အသုံးပြုနိုင်ပါတယ်။ စမတ်ဖုန်းများ သာမက တက်ဘလက်များနဲ့လည်း သူ့ကို တွဲဖက် အသုံးပြုနိုင်ပါတယ်။

သူနဲ့ တွဲဖက် အသုံးပြုဖို့ Smartphone App ကိုလည်း ဖန်တီးပေးထားပြီး iBlazrs များစွာကို Sync ပြုလုပ်ခြင်း၊ တစ်ခုချင်းစီရဲ့ Settings များကို ချိန်ညှိခြင်းများကို ပြုလုပ်နိုင်ပါတယ်။ အများဆုံးအနေဖြင့် iBlazrs ၁၀ ခုအထိ ချိတ်ဆက် အသုံးပြုနိုင်ပါတယ်။ iBlazr 2 ကို ၅၉.၉၉ ဒေါ်လာ သတ်မှတ်ထားပြီး အမေဇုန်ကနေ ရောင်းချပေးနေပါတယ်။

ref : mashable

%d bloggers like this: