GoPro က Hero 6 Black Action Camera ကို မိတ်ဆက်

GoPro က အဆင့်မြင့် Action Camera အသစ်တစ်လုံးကို မိတ်ဆက်လိုက်ပါတယ်။ Hero 6 Black လို့ အမည်ပေးထားပြီး စတာလင်ပေါင် ၄၉၉ သတ်မှတ်ထားပါတယ်။ ကုမ္ပဏီက သူထုတ်လုပ်ဖူးသမျှ ကင်မရာများထဲမှာ စွမ်းဆောင်ရည် အမြင့်မားဆုံးလို့ ပြောပါတယ်။

ကင်မရာက တစ်စက္ကန့်လျှင် ၆၀ ဖရိမ်နှုန်းဖြင့် 4K Video များကို ရိုက်ကူးပေးနိုင်ပါတယ်။ တစ်စက္ကန့်လျှင် ၂၄၀ ဖရိမ်နှုန်းဖြင့် Full HD အနှေးဗီဒီယိုများကို ဖမ်းယူပေးနိုင်ပါတယ်။ ကုမ္ပဏီက သူ ရောင်းချခဲ့သမျှ Hero Camera များထဲမှာ အဆင့်အမြင့်ဆုံး ဗီဒီယို တည်ငြိမ်တဲ့ စွမ်းရည်ကို ထည့်ပေးထားတယ်လို့ ပြောပါတယ်။

ဒီလို စွမ်းဆောင်နိုင်ခြင်းမှာ GP1 Processor အသစ်ကြောင့် ဖြစ်ပါတယ်။ GP1 Processor အသစ်က ပိုမိုမြင့်မားတဲ့ ဖရိမ်နှုန်းများ၊ ပိုမိုကောင်းမွန်တဲ့ ရုပ်ပုံ အရည်အသွေးများကို ဖန်တီးပေးနိုင်ပါတယ်။ ဒါ့အပြင် အလင်းရောင်နည်းပါးတဲ့ အခြေအနေများမှာလည်း အရည်အသွေးမြင့်တဲ့ ဓါတ်ပုံ၊ ဗီဒီယိုများကို ရိုက်ကူးပေးနိုင်ပါတယ်။

ကင်မရာက ဒေတာများ ကူးပြောင်းရာမှာ အလွန်လျှင်မြန်လာပါတယ်။ Touch Zoom စွမ်းဆောင်ချက် အသစ်လည်း ထည့်သွင်းပေးထားပါတယ်။ ရေအနက် ၁၀ မီတာအထိ ယူဆောင်အသုံးပြုနိုင်ပါတယ်။ RAW, HDR Modes များကိုလည်း သူက ထောက်ပံ့ပါတယ်။ အသံအမိန့်များဖြင့် ထိန်းချုပ်နိုင်ပြီး ဘာသာစကား ၁၀ မျိုးကို အသုံးပြုနိုင်ပါတယ်။ သူ့မှာ GPS, Accelerometer , Gyroscope များလည်း ပါပါတယ်။

WiFi, Bluetooth ဆက်သွယ်မှုများကို ထောက်ပံ့ပါတယ်။ လက်ရှိ ရောင်းချထားတဲ့ Karma, GoPro Mounts များနဲ့ သူ့ကို တွဲဖက် အသုံးပြုနိုင်ပါတယ်။

ref : pocket-lint

%d bloggers like this: