Vivo အနေဖြင့် ထုတ်ကုန်သစ် V7+ ကို ယခုလအတွင်း မိတ်ဆက်ပေးမည်ဖြစ်ကြောင်း သိရ

ပြီးခဲ့သည့်ရက်ပိုင်းအတွင်းက Vivo အနေဖြင့် ထုတ်ကုန်သစ် V7+ ကို မိတ်ဆက်ရောင်း ချတော့မည် ဖြစ်ကြောင်း သတင်းများထွက်ပေါ်ခဲ့ပြီး အဆိုပါ V7+ ကို ပြည်တွင်းဈေးကွက်၍ ယခုလအတွင်း မိတ်ဆက်ပေးမည်ဟုလည်း သိရပါသည်။

ထို့ကြောင့် Vivo အနေဖြင့် 20MP Softlight Camera ပါဝင်သည့် V5 ကို ပြည်တွင်းဈေးကွက်အတွင်း ဖြန့်ချိရောင်းချပြီး ၈ လကျော် ကွာခြားသည့်အချိန်အတွင်း နောက်ထပ် ထုတ်ကုန်သစ်ကို ထပ်မံဖြန့်ချိရောင်းချခြင်း ဖြစ်သည်ဟု ဆိုရပါမည်။

Vivo အနေဖြင့် ၎င်းတို့၏ ထုတ်ကုန်သစ်ကို ယခုလအတွင်းမှာပင် ခမ်းနားသိုက်မြိုက်စွာဖြင့် မိတ်ဆက်ပေးနိုင်ရန်အတွက် product launching ကို စီစဉ်နေပြီဖြစ်ကြောင်းလည်း သိရပါသည်။

ယခု တစ်ကြိမ် မိတ်ဆက်ရောင်းချမည့် ထုတ်ကုန်သစ် V7+ မှာ ယခင် V5 series ထက် ပိုမိုကောင်းမွန်သည့် စွမ်းဆောင်ရည်များ၊ Feature များပါဝင်လာမည်ဖြစ်ပြီး သုံးစွဲသူအားလုံး နှစ်ခြိုက်ကြမည်ဟု ယုံကြည်ထားကြောင်းလည်း Vivo မှ ပြောရေးဆိုခွင့်ရှိသူတစ်ဦးက ဖွင့်ဟပြောဆိုခဲ့ပါသည်။

ယခုတစ်ကြိမ် မိတ်ဆက်ရောင်းချမည့် V7+မှာ High end product ဖြစ်ကြောင်း Vivo က အတည်ပြုခဲ့ပါသည်။ ထို့အပြင် Vivo အနေဖြင့် အဆိုပါ ထုတ်ကုန်ကို နောက်ထပ်တစ်ဆင့် မြင့်မားလာမည့် စမတ်ဖုန်းအသုံးပြုမှု အတွေ့အကြုံများပေးအပ်ရန်အတွက် ရည်ရွယ်ထုတ်လုပ်ထားခြင်းဖြစ်ကြောင်း ပြောဆိုခဲ့ပါသည်။

FullViewTM Display ဖြစ်သည့် V7+ သည် ကျဉ်းမြောင်းသည့် ဘောင်များကို အသုံးပြုထားပြီး ဖုန်းကိုယ်ထည် အထက်နှင့်အောက်တွင်လည်း နေရာလွတ် အနည်းငယ်သာ ချန်လှပ်ထားသည်ကို တွေ့ရပါသည်။ ထို့ကြောင့် မျက်နှာပြင် အကျယ်အဝန်းသည် ယခင်ကထက် ပိုမိုကျယ်ပြန့်လာမည်ဖြစ်ပါသည်။

#Vivo

%d bloggers like this: