Samaungကပိုမိုပါးလွှာပေ့ါပါးသောNotebook9 ကိုကြေညာ

Samsung Notebook 9

Samsung ကုမ္ပဏီက သူတို့ရဲ့ Notebook မျိုးဆက်သစ် Notebook9 မော်ဒယ်နှစ်မျိုးကို CES 2016 ပွဲမှာ ကြေညာသွားခဲ့ပါတယ်။ Notebook9 ဟာဆိုက်နှစ်မျိုးနဲ့လာတာဖြစ်ပြီး Window 10 နဲ့အလုပ်လုပ်မယ့် ၁၃.၃လက်မနဲ့ ၁၅.၆လက်မ အရွယ်အစား အသီးသီးရှိတဲ့ လက်ပ်တော့ မျိုးဆက်သစ်တွေပါ။ မော်ဒယ်နှစ်မျိုးလုံးကို လာမယ့် မတ်လမှာ စတင်ရောင်းချသွားမယ်လို့သိရပေမယ့် ဈေးနှုန်းကိုတော့ ထုတ်ပြန်ထားခြင်းမရှိပါဘူး။

Samsung ရဲ့မော်ဒယ်သစ်လက်ပ်တော့တွေ ဟာအရွယ်အစား အနေနဲ့ မထူးခြားပေမယ့် အလေးချိန် ကတော့တော်တော်လေးကို ပေါ့ပါးနေတာတွေ့ရပါတယ်။ ၁၃.၃လက်မစခရင် လက်ပ်တော့ဟာ အထူ ၁၃.၄မီလီမီတာနဲ့ အလေးချိန် ဝ.၈၄ကီလိုဂရမ်၊ ၁၅.၆လက်မ မော်ဒယ်ကတော့ အထူ ၁၄.၅မီလီမီတာနဲ့ ၁.၂၉ကီလိုအလေးချိန်ရှိမှာဖြစ်မှာတယ်။ မော်ဒယ်နှစ်မျိုးလုံးဟာ မက်ဂနီဆီယမ်သတ္တုစပ်နဲ့တည်ဆောက်ထားတာဖြစ်ပြီး ပလက်စတစ်ဒီဇိုင်းကို ပြန်လည်ပြင်ဆင်ထားတာဖြစ်ပါတယ်။

Notebook9 မော်ဒယ်နှစ်မျိုးလုံးဟာ 1080p display နဲ့ဖြစ်ပြီး Intel Skylake-U series processor နဲ့အလုပ်လုပ်မှာပါ။ အသုံးပြုသူတွေအနေနဲ့ RAM 4GB ကနေ 8GB အတွင်းရွေးချယ်လို့ရနိုင်မှာဖြစ်ပြီး Storage အနေနဲ့ 128GB ကနေ 256GB အထိရရှိနိုင်မှာပါ။

လက်ပ်တော့အမျိုးအစား နှစ်မျိုးစလုံးကို 1.5mm ကီးဘုတ်တပ်ဆင်ထားပြီး စာရိုက်ဖို့အဆင်ပြေစေနိုင်ပါတယ်၊ မော်ဒယ်နှစ်မျိုး လုံးမှာ USB 3.0 နှစ်ပေါက်ပါဝင်မှာဖြစ်ပါတယ်။ ၁၅.၆လက်မ မှာတော့ USB 3.1 Type C အမျိုးအစား ကိုထပ်မံဖြည့်သွင်းထားတာပြီး DisplayPort နဲ့ချိတ်ဆက်နိုင်မှာဖြစ်ပါတယ်။

Notebook 9 ဟာပါးလွှာပေ့ါပါး တဲ့လက်ပ်တော့တွေကို နှစ်သက်သူတွေအဆင်ပြေနိုင်ပါတယ်၊ ဒါပေမယ့် ဘက်ထရီပိုင်းမှာတော့အနည်းငယ် စွမ်းရည်ကျသွားပြီး ၁၃.၃လက်မမော်ဒယ်အတွက် ၃၀၀ပ် ဘက်ထရီ၊ ၁၅.၆လက်မ မော်ဒယ်အတွက် ၃၉၀ပ်ဘက်ထရီကိုအသီးသီးအသုံးပြုထားပြီး အရင် ၅၆၀ပ် ပတ်ဝန်းကျင်ရှိခဲ့တဲ့ Samsung လက်ပ်တော့မော်ဒယ်တွေနဲ့ နှိုင်းယှဉ်ကြည့်နိုင်ပါတယ်။

Ref: Gadgets360

%d bloggers like this: