အူရီဒူးအရောင်းဆိုင်များကို ရန်ကုန်အပြည်ပြည်ဆိုင်ရာလေဆိပ် ဂိတ်များ အားလုံးတွင် ဖွင့်လှစ်ထားရှိ

အူရီဒူးမြန်မာမှ ၎င်း၏ကိုယ်ပိုင်အမှတ်တံဆိပ်အရောင်းဆိုင်များကို ရန်ကုန်အပြည်ပြည်ဆိုင်ရာ လေဆိပ် အဆောက်အဦ၏ ဂိတ်များအားလုံးတွင် ဖွင့်လှစ်ထားလိုက်ပြီ ဖြစ်တယ် လို့ သိရပါတယ်။

အဲဒီ အူရီဒူးအမှတ်တံဆိပ်အရောင်းဆိုင် များကို Terminal 1၊ Terminal 2 နှင့် ပြည်တွင်းလေဆိပ်အဆောက်အဦများအားလုံး၏ ဂိတ်များတွင် ပြည်တွင်းနှင့် ပြည်ပခရီးသွားများအားလုံးအတွက် ဖွင့်လှစ်ထားရှိပေးထားတဲ့အတွက် လေကြောင်းဖြင့် ခရီးသွားသူများအားလုံးသည် ရန်ကုန်အပြည်ပြည်ဆိုင်ရာလေဆိပ်သို့ ဆိုက်ရောက်စဉ်တွင်လည်းကောင်း၊ ရန်ကန်ကုန်အပြည်ပြည်ဆိုင်ရာလေဆိပ်မှ ထွက်ခွာရာတွင်လည်းကောင်း အူရီဒူးကိုယ်ပိုင်အမှတ်တံဆိပ် အရောင်းဆိုင်များတွင် လိုအပ်သည့်ဝန်ဆောင်မှုများအားလုံးကို အလွယ်တကူရရှိနိုင်မှာ ဖြစ်တယ် လို့ သိရပါတယ်။

ရန်ကုန်အပြည်ပြည်ဆိုင်ရာလေဆိပ်ရှိ အူရီဒူးကိုယ်ပိုင်အမှတ်တံဆိပ်အရောင်းဆိုင်များအားလုံးကို နေ့စဉ် နံနက် ရးဝဝ နာရီမှ ည ၈းဝဝ နာရီအထိ ဖွင့်လှစ်ပေးထားပြီး အူရီဒူးမြန်မာမှ ဆိုင်များသို့လာရောက်ပြီး ဝန်ဆောင်မှုရယူသည့် သုံးစွဲသူများအတွက် ဆင်းကတ်များရောင်းချပေးခြင်း၊ ဆင်းကတ်မှတ်ပုံတင် ခြင်း၊ ကတ်ပျက်စီးခြင်းနှင့်ကတ်ပျောက်ခြင်းအတွက် ပြန်လည်အစားထိုး လဲလှယ်ပေးခြင်း၊ ဖုန်းငွေဖြည့်ကတ်များရောင်းချခြင်း၊ ဖုန်းငွေဖြည့်ကတ်ပျက်စီးသွားပါက ပြန်လည်လဲလှယ်ပေးခြင်း၊ မိုဘိုင်းဖုန်း ဟန်းဆက်များနှင့် အပိုပစ္စည်းများ ရောင်းချခြင်း၊ Fun Tone ဝန်ဆောင်မှုနှင့် အက်ပလီကေးရှင်းများ ( My Ooredoo App, စိုက်ပျိုး App, App Zone အစရှိသဖြင့် ) ထည့်သွင်းပေးခြင်း အစရှိသည့် ဝန်ဆောင်မှုများပေးအပ်လျက်ရှိတယ် လို့ သိရပါတယ်။

လေဆိပ်အဆောက်အဦတိုင်းတွင် အူရီဒူးအရောင်းဆိုင်များ ဖွင့်လှစ်ပေးထားသည့်အတွက် အူရီဒူးသုံးစွဲသူများအနေဖြင့် အခြား အဆောက်အဦရှိဂိတ်များသို့ တကူးတက သွားရောက်ဝယ်ယူစရာမလိုတော့ဘဲ ဝန်ဆောင်မှုများကို အလွယ်တကူရရှိနိုင်မှာ ဖြစ်တယ် လို့ သိရပါတယ်။

Ref : Ooredoo

 

%d bloggers like this: