စမတ်ဖုန်းတွေမှာ ထည့်သွင်းနိုင်တဲ့ 256GB ဆံ့ မမ်မိုရီချစ်ပြားအသစ်ကို Samsung မိတ်ဆက်ပြသ

ကျွန်တော်တို့ စမတ်ဖုန်းတွေဟာ သိပ်မကြာတော့တဲ့တစ်ချိန်မှာ storage 256 GB တပါတည်း ပါလာတော့မှာ ဖြစ်ပြီး၊ ဒေတာတွေကို စိတ်ကြိုက် ဖုန်းထဲမှာသိမ်းထားနိုင်တော့မှာဖြစ်ပါတယ်။

ကိုရီးယားအခြေစိုက်နည်းပညာကုမ္ပဏီ Samsung ဟာ 256GB ရှိတဲ့ flash memory ချစ်ပြားတွေကို စမတ်ဖုန်းတွေ၊ တက်ဘလက်တွေအတွက် ဈေးကွက်ဝင်ထုတ်လုပ်နေပြီဖြစ်ကြောင်း၊ ကြာသပတေးနေ့မှာ ကြေငြာသွားခဲ့ပါတယ်။

ဒီချစ်ပြားအသစ်တွေဟာ ကျွန်တော်တို့ဖုန်းတွေမှာ လက်ရှိထည့်သွင်းထားတဲ့ microSD ကတ် အရွယ်အစားလောက်တောင်မရှိပေမယ့်၊ Samsung ရဲ့ အဆင့်မြင့်နည်းပညာအသစ် V-Nand နည်းပညာကို အသုံးပြုထားတာကြောင့် ဒေတာ 256 GB အထိ ပိုများများ သိမ်းဆည်းနိုင်မှာဖြစ်ပါတယ်။

ဒီ မမ်မိုရီချစ်ပြားအသစ်ဟာ အမြန်နှုန်းမှာလည်း PC တွေမှာ တပ်ဆင်ထားတဲ့ SSD hard disk တွေထက် နှစ်ဆပိုမို မြန်ဆန်ပြီး၊ တစ်စက္ကန့်ကို 850 MB အထိ ဒေတာကူးပြောင်းနိုင်တယ်လို့ Samsung က ဂုဏ်ယူစွာ ပြောဆိုခဲ့ပါတယ်။

ဒါဟာ 5GB ပမာဏရှိတဲ့ Full-HD ၉၀ မိနစ်စာဗီဒီယိုကားကြီးတစ်ကားကို ၁၂ စက္ကန့်အတွင်း ကူးပြောင်းနိုင်တဲ့ အမြန်နှုန်းပါ။ USB 3.0 နည်းပညာပါဝင်လာတဲ့ စမတ်ဖုန်းတွေ ပေါ်ထွက်လာခြင်းနဲ့အတူ ယခုလို ဒေတာပမာဏအများအပြားဆန့်တဲ့ ချစ်ပြားတွေပေါ်ထွက်လာခြင်းက စမတ်ဖုန်းတွေရဲ့ အနာဂတ်ကို အကြီးအကျယ်ပြောင်းလဲမယ့် အလားအလာရှိနေပါတယ်။ ဒီ့အပြင် 360 ဗီဒီယိုတွေခေတ်စားလာတာကြောင့် လည်း ဖုန်းတွေမှာ 360 ဒီဂရီဗီဒီယိုတွေ အများအပြားသိမ်းထားနိုင်ဖို့ လုံလောက်တဲ့ဒေတာ storage ကို အသည်းအသန် လိုအပ်လျက်ရှိပါတယ်။

Samsung ကုမ္ပဏီဟာ ၂၀၁၅ ခုနှစ်၊ဖေဖော်ဝါရီလတုန်းကလည်း 128 GB UFS မမ်မိုရီချစ်တွေကို ရရှိနိုင်ပြီ ဖြစ်ကြောင်း ကြေငြာခဲ့ပြီး၊ တစ်နှစ်အတွင်းမှာ အခုလိုမြန်မြန်ဆန်ဆန်နဲ့ 256GB မမ်မိုရီချစ်တွေကို ထုတ်ပေးနိုင်ခဲ့တာဖြစ်ပါတယ်။

Ref: PC Magazine