iPhone ကို Unlock လုပ်ပေးရန် FBI တောင်းဆိုမှုကို Apple မှမလုပ်ပေးနိုင်ကြောင်း တရားဝင်ငြင်းဆို

FBI နဲ့ Apple ကြားက အရှုပ်ထုပ်တွေကတော့ ပြီးဆုံးသေးခြင်းမရှိသလို တဖြည်းဖြည်းနဲ့လည်း ပိုမို တင်းမာလာခဲ့ပါတယ်။ ဒီဆီလီကွန်တောင်ကြားကုမ္ပဏီကြီးအနေနဲ့ ပြီးခဲတဲ့ကြာသပတေးနေ့က အမေရိကန်ပြည်ထောင်စု ဆန်ဘာနာဒီနိုမှာဖြစ်ပွားခဲ့တဲ့ တရားခံတွေရဲ့ iPhone ကို Unlock ပြုလုပ်စေတဲ့ ကိစ္စနဲ့ပတ်သက်ပြီး တရားရုံးကို စာမျက်နှာ ၆၅ မျက်နှာရှည်လျားတဲ့ အစီရင်ခံစာ တစ်စောင်တင်သွင်းခဲ့ပါတယ်။

ပြီးခဲ့တဲ့ အပတ်က တရားရုံးဟာ Apple ကို လူသတ်သမားတွေရဲ့ဖုန်းကို စုံထောက်တွေ iPhone Unlock လုပ်လို့ရအောင် ချိုးဖျက်ဝင်ရောက်ဖို့အတွက် iOS Version အသစ်ရေးဆွဲပေးဖို့ အမိန့်ပေးခဲ့ပါတယ်။ Apple ကသူတို့ရဲ့ ဆော့ဖ်ဝဲကို အစိုးရအနေနဲ့ အလွဲသုံးစားအသုံးပြုမှာကို စိုးရိမ်နေတာလည်း ဖြစ်ပြီး နောက်ပိုင်း လက်လွဲလက်ပြောင်းများရာကနေ တစ်ကမ္ဘာလုံးမှာရှိနေတဲ့ iPhone သုံးစွဲသူအားလုံးရဲ့ လုံခြုံရေးကို ကျိုးပေါက်မှာကို စိုးရိမ်တာဖြစ်ပါတယ်။

ဆီလီကွန်တောင်ကြားရဲ့ ပုံရိပ်ကြီးမားတဲ့ ကုမ္ပဏီကြီးတွေဟာ Apple ရဲ့ CEO Tim Cook ရဲ့ ဆုံးဖြတ်ချက်ကို ထောက်ခံခဲ့ကြပြီး Tim Cook က iOS ကိုချိုးဖောက်ဖို့ ပြုလုပ်တာဟာ ဆော့ဖ်ဝဲညီမျှချက်တွေရဲ့ ကင်ဆာ လို့ ပြောကြားခဲ့တာဖြစ်ပါတယ်။ ဒီဆုံးဖြတ်ချက်ကို Twitter, Facebook, Microsoft တို့လိုကုမ္ပဏီကြီးတွေက ထောက်ခံခဲ့ကြတာလည်းဖြစ်ပါတယ်။

Ref: TechnoBuffalo

%d bloggers like this: