မိုဘိုင်းလ် Web Page တွေကို ဒေတာသုံးစွဲမှု ၁၀ ဆ သက်သာစွာနဲ့ အလျင်မြန်ဆုံး ဖော်ပြေပေးမယ့် AMP နည်းပညာ ကို Google မိတ်ဆက်

Google ဟာ အလွန်မြန်ဆန်တဲ့ သတင်းဖော်ပြမှုတွေကို စမတ်ဖုန်းတိုင်းနဲ့ တတ်ဘလတ်တိုင်းဆီသို့ ဗုဒ္ဓဟူးနေ့ကပဲ စတင်ပို့ဆောင်ပေးခဲ့ပြီး မိုဘိုင်းလ် သတင်း ကဏ္ဍ မှာ Facebook ကို စတင်စိန်ခေါ်လာခဲ့ပါတယ်။

အရှိန်အဟုန်မြင့် မိုဘိုင်းလ် စာမျက်နှာများ လို့အဓိပ္ပာယ်ရတဲ့ Accelerated Mobile Pages(AMP) ဆိုတဲ့ စီမံကိန်းကို ပြီးခဲ့တဲ့ နှစ်ကုန်ခါနီးမှာ စတင်ကြေညာခဲ့ပြီး အခုအချိန်မှာတော့ စတင်အသက်ဝင်လာပြီဖြစ်တယ်လို့ Google က ဆိုပါတယ်။

Facebook ရဲ့ Instant Articles လုပ်ဆောင်ချက်နဲ့ Apple ရဲ့ News အက်ပလီကေးရှင်းတို့ကို စိန်ခေါ်နိုင်ဖို့အတွက် Google ဟာ သူတို့ရဲ့ ကွန်ပျုတာလုပ်ဆောင်ချက်အင်အားတွေကို အသုံးပြုပြီး မိုဘိုင်းလ် အသုံးပြုသူတွေအတွက် သတင်းစာမျက်နှာများကို ကြန့်ကြာခြင်းမရှိ လျင်မြင်စွာ ဖော်ပြနိုင်အောင် ဖန်တီးခဲ့တာ ဖြစ်ပါတယ်။

Facebook ရဲ့ Instant Articles လုပ်ဆောင်ချက်နဲ့ Apple ရဲ့ News အက်ပလီကေးရှင်းတို့ဟာ Facebook အကောင့်(သို့) Apple ထုတ်ကုတ်တစ်ခုခု လိုအပ်ပေမယ့် Google ရဲ့ AMP နည်းပညာကတော့ ဝက်ဘ်ဆိုက်တည်ဆောင်ခြင်းဆိုင်ရာ HTML နည်းပညာကို ပဲ ပြန်လည်ဆန်းသစ် ဖန်တီးထားတဲ့ နည်းပညာ တစ်ရပ်သာ ဖြစ်နေတဲ့အတွက် ဝက်ဘ်ဆိုက် တည်ထောင်လိုသူ တိုင်း ကြည့်ရှုလိုသူတိုင်း သုံးစွဲခွင့် ရမှာ ဖြစ်ပါတယ်။

AMP ဟာ မိုဘိုင်းလ် ဝက်ဘ်စာမျက်နှာတွေကို ပျမ်းမျှကြာချိန်ထက် ၄ ဆပိုမိုမြန်ဆန်စွာ ဖော်ပြပေးပြီး ဒေတာသုံးစွဲမှုကိုလည်း ၁၀ ဆ သက်သာစေမယ်လို့ အခိုင်အမာဆိုထားပြန်ပါတယ်။
“ကျွန်ုပ်တို့ဟာမိုဘိုင်းလ် ဝက်ဘ်တွေကို ဖြစ်နိုင်ချေအရှိဆုံး ပြသနိုင်အောင် ဖန်တီးပြီး လူတိုင်းအတွက် အဆင်ပြေသွားစေချင်တာပါ။ ဒါဆိုသူတို့အားလုံးဟာ အရည်အသွေးမြင့်မားတဲ့စာနယ်ဇင်း ဖော်ပြမှုတွေကို အလွယ်တကူ လျင်မြန်စွာ ရရှိနိုင်မှာပါ” လို့ Google ရဲ့ အမှုဆောင်အရာရှိချုပ် Sundar Pichai က ဆိုပါတယ်။

ထိုဝန်ဆောင်မှုအတွက် Google ဟာ New York Times ၊ Washington Post ၊ BuzzFeed ၊ the Guardian ၊ Wall Street Journal ၊ Les Echos ၊ TF1 ၊ Ouest France နဲ့ Vingt Minutes in France တို့အပါအဝင် မီဒီယာပေါင်း ၁၀၀ ကျော်နဲ့ စာချုပ်ချုပ်ဆိုပြီး လက်တွဲဆောင်ရွက် နေတယ်လို့လည်း Pichai က ဆိုပါတယ်။

Ref: Gadgets360

One thought on “မိုဘိုင်းလ် Web Page တွေကို ဒေတာသုံးစွဲမှု ၁၀ ဆ သက်သာစွာနဲ့ အလျင်မြန်ဆုံး ဖော်ပြေပေးမယ့် AMP နည်းပညာ ကို Google မိတ်ဆက်

  1. ဘာလုိ႔ေဝမွ်ရမွာလဲ သတင္းအျပည့္စုံမေဖာ္ျပဘူး
    unfollow

%d bloggers like this: