YouTube မှာ ဗီဒီယိုတင်သူစိတ်ကြိုက် ရွေ့လျားနေတဲ့ပုံရိပ်တွေကို မှုန်ဝါးအောင် ပြုလုပ်နိုင်ပြီ

မိမိ upload လုပ်လိုက်တဲ့ဗီဒီယိုဖိုင်ထဲမှာပါတဲ့ ရွေ့လျားနေတဲ့ ဘယ်ပုံရိပ်ကိုမဆို မှုန်ဝါးအောင် ပြုလုပ်နိုင်တဲ့ tool အသစ်တစ်မျိုးကို YouTube ချန်နယ်ပိုင်ရှင်တွေအတွက် ထုတ်ပေးလိုက်ပါတယ်။

YouTube ဟာ ၂၀၁၂ ခုနှစ်တုန်းက မျက်နှာတွေဝါးအောင်ပြုလုပ်ပေးတဲ့ tool တစ်မျိုးကို ၂၀၁၂ ခုနှစ်မှာ စတင်ထုတ်ပေးခဲ့ပြီး၊ ယခု tool အသစ်ကတော့ ရွေ့လျားနေတဲ့ပုံရိပ်တွေကိုတောင် မှုန်ဝါးအောင် ပြုလုပ်နိုင်တာ ဖြစ်ပါတယ်။

ဒီ tool ကို လက်ရှိမှာ desktop ကွန်ပြူုတာဗားရှင်းမှာပဲ ရရှိသေးပြီး၊ အသုံးပြုသူအနေနဲ့၊ ဗီဒီယိုတင်ပြီးသွားတဲ့အခါ Enhancements နေရာကနေ Custom Blurring tool ကို သွားပြီး၊ ပုံရိပ်တွေကို စိတ်ကြိုက်ပြင်ဆင်နိုင်ပြီဖြစ်ပါတယ်။

အရေးကြီးတဲ့သတင်းအချက်အလက်တွေ (ဥပမာ- ကားလိုင်စင်ပလိတ်၊ မှတ်ပုံတင်နံပါတ်) စတာတွေ၊ အဝတ်အစားဟာလာဟင်းလင်းဖြစ်နေတာတွေကို ဒီ tool နဲ့ မှုန်ဝါးအောင် ပြုလုပ်နိုင်ပြီဖြစ်တာကြောင့်၊ YouTubers တွေအနေနဲ့ အရင်ကထက် လုံခြုံမှုတွေပိုရှိလာမှာ ဖြစ်ပါတယ်။

Cutom Blurring tool အသစ်ဟာ ကိုယ် မှုန်ဝါးအောင်လုပ်ချင်တဲ့ပုံရိပ်ပေါ်မှာ လေးထောင့်ကွက်လေးတစ်ခု ဆွဲပေးလိုက်ရုံနဲ့၊ ဗီဒီယိုထဲမှာ ထိုပုံရိပ်ရွေ့လျားနေရင်တောင် Blurring tool က အလိုအလျောက် blur လုပ်ပေးသွားမှာဖြစ်ပါတယ်။

 

Ref: YouTubecreator

%d bloggers like this: