Instagram မှာ ကြော်ငြာထည့်သွင်းသူ ၂ သိန်းကျော် ရှိခဲ့ကြောင်း ကုမ္မဏီက တရားဝင် ကြေညာ

လွန်ခဲ့တဲ့ ၅လ ခန့်က Facebook ကုမ္မဏီဟာ သူတို့ပိုင်ဆိုင်တဲ့ ဓါတ်ပုံဝေမျှခြင်း အက်ပလီကေးရှင်း Instagram ကို ပိုက်ဆံရှာနိုင်တဲ့ စီးပွားရေး လုပ်ငန်းတစ်ခုအဖြစ် ပြောင်းလဲ အသက်သွင်းခဲ့ပါတယ်။ အဲဒီအချိန်က စတင်ပြီး Instagram ဟာ ကြော်ငြာလိုသူ လုပ်ငန်းရှင်ပေါင်း ၂ သိန်းကျော်ခန့်ကို ဆွဲဆောင်နိုင်ခဲ့တယ်လို့ ကုမ္မဏီက ကြေညာခဲ့ပါတယ်။

Instagram ဟာ ပြီးခဲ့တဲ့ နှစ် ဇွန်လမှာ စတင်ပြီး ကြော်ငြာလိုသူ ရာပေါင်းများစွာအတွက် နည်းပညာတစ်ခုကို စတင်ဖွင့်လှစ်ပေးခဲ့ပါတယ်။ စက်တင်ဘာလမှာတော့ အက်ပလီကေးရှင်းမှာ ကြော်ငြာတွေဝယ်ယူထည့်သွင်းခွင့်လိုလည်း ဖန်တီးပေးခဲ့ပါတယ်။ Instagram ဟာ သုံးစွဲသူ ပမာဏလည်း တစ်ဖြည်းဖြည်းချင်း များပြားလာခဲ့ပါတယ်။ မနှစ်ကပဲ သုံးစွဲသူ သန်း ၄၀၀ ကျော်ခဲ့ပြီလို့ ကြေညာခဲ့ပြန်ပါတယ်။ လက်ရှိမှာတော့ ကြော်ငြာထည့်သွင်းသူ ၂ သိန်းကျော်ရှိလာခဲ့ပြီး ထို အရေအတွက်ရဲ့ ၃ ပုံ ၁ ပုံ ဟာ အမေရိကန် ပြည်ထောင်စု က ဖြစ်တယ်လို့လည်း ထုတ်ပြန်ကြေညာခဲ့ပါတယ်။

ပြိုင်ဘက် လူမှုကွန်ရက်တွေ နဲ့ နှိုင်းယှဉ်မယ်ဆိုရင်ပဲ လွန်ခဲ့တဲ့ ၅ နှစ်ကျော်က ကြော်ငြာထည့်သွင်းခြင်း စတင်ခဲ့တဲ့ Twitter ဟာ သုံးစွဲသူ သန်း ၃၂၀ သာ ရှိသေးပြီး ကြော်ငြာထည့်သွင်းသူလည်း တစ်သိန်း သုံးသောင်းကျော်သာ ရှိခဲ့ပါတယ်။

Instagram ရဲ့ ကြော်ငြာပုံစံဟာလည်း Facebook ရဲ့ ကြော်ငြာ နည်းပညာကိုပဲ အခြေခံထား တာကြောင့် ကြော်ငြာရှင်တွေအနေနဲ့ တိကျသေချာတဲ့ သုံးစွဲသူတွေဆီ မိမိကြော်ငြာကို ရွေးချယ် ပြသစေနိုင်တာကြောင့် Instagram မှာ ကြော်ငြာခြင်းဟာလည်း ထိရောက်မှု ကောင်းစွာ ရှိခဲ့ပါတယ်။

Instagram ဟာ ကြော်ငြာနည်းပညာ စတင်ချိန်ကတော့ ကြော်ငြာခနှုန်းထားတွေကို သက်သက်သာသာ နဲ့ ခွင့်ပြုခဲ့ပေမယ့် လက်ရှိအချိန်မှာတော့ Instagram နဲ့ Facebook တို့ရဲ့ ကြော်ငြာနှုန်းထားတွေဟာ ညီမျှသလောက်နီးပါး ဖြစ်သွားပါတယ်။ eMarketer ဆိုတဲ့ စီးပွားရေး သုတေသန လုပ်ငန်းရဲ့ခန့်မှန်းမှုအရတော့ Instagram ဟာ ဒီနှစ်အတွက် ဒေါ်လာ ၁.၅ ဘီလီယံ ခန့် ဘဏ္ဍာငွေ ရရှိထားပြီး ဖြစ်တယ်လို့ သိရပါတယ်။

Ref: Gadgets 360

%d bloggers like this: