DDoS တိုက်ခိုက်မှုတွေကို ကာကွယ်ပေးနိုင်မယ့် “Project Shield” နည်းပညာ ကို Google မိတ်ဆက်

Google ကုမ္မဏီဟာ အလျင်မြန်ဆုံး သတင်းဖော်ပြမှု AMP နည်းပညာ ကို စတင်မိတ်ဆက် ထုတ်လုပ်ခြင်းနဲ့ အတူ “Project Shield” လို့ခေါ်တဲ့ ဟက်ကာတွေရဲ့ တိုက်ခိုက်မှု ကို ကာကွယ်ပေးမယ့် နည်းပညာ တစ်ခုကိုလည်း မိတ်ဆက်ခဲ့ပြန်ပါတယ်။

ထိုနည်းပညာကတော့ ပုံနှိပ်ဖော်ပြသူ ဝက်ဘ်ဆိုက် လုပ်ငန်းရှင်တွေအတွက် ပြင်းထန်တဲ့ ဆိုက်ဘာ တိုက်ခိုက်မှု တစ်မျိုးဖြစ်နေတဲ့ Distributed Denial of Service (DDoS) တိုက်ခိုက်မှု တွေကနေ ကာကွယ်ပေးနိုင်မယ့် နည်းပညာပဲဖြစ်ပါတယ်။ DDoS တိုက်ခိုက်မှုကတော့ ဝက်ဘ်ဆိုက်တွေကို အဆက်မပြတ် တောင်းဆိုမှုတွေနဲ့ လွှမ်းမိုးသွားစေတဲ့ ဆိုက်ဘာ တိုက်ခိုက်မှုတစ်မျိုးပဲ ဖြစ်ပါတယ်။

“ဆိုးရွားတဲ့ လူဝင်နှုန်းတွေ သင့်ဆာဗာကို မရောက်ခင်မှာ Google ကို ကြားဖြတ်ဝင်ရောက်ခွင့်ပေးပါ။ ဆိုက်ဘာတိုက်ခိုက်သူတွေ ကိုဆန့်ကျင်ပြီး ဒိုင်း တစ်ခု ကာဆီး ပေးသွားမှာပါ” လို့ Google က ထိုနည်းပညာ အကြောင်းကို ဖော်ပြထားပါတယ်။

“ကမ္ဘာပေါ်က အမှီအခိုကင်းတဲ့ သတင်းအဖွဲ့အစည်းတိုင်းအတွက် Project Shield ကို မိတ်ဆက်ခွင့်ရတာ ဝမ်းသာမိပါတယ်။ အနာဂါတ်မှာတော့ သတင်းအဖွဲ့အစည်း သေးသေးလေးတွေက အစ ဒစ်ဂျစ်တယ် တိုက်ခိုက်မှုတွေ ရဲ့ ရန်ကို ကြောက်နေစရာမလိုပဲ သတင်းဖော်ပြခွင့် ရလာတော့မှာပါ” လို့ Google ရဲ့ အမှုဆောင်အရာရှိချုပ် Pichai က ဆိုပါတယ်။

One thought on “DDoS တိုက်ခိုက်မှုတွေကို ကာကွယ်ပေးနိုင်မယ့် “Project Shield” နည်းပညာ ကို Google မိတ်ဆက်

%d bloggers like this: