0 Shares 49 Views

ဒီဇိုင်းပိုင်းအကြီးအကျယ်ပြောင်းလဲထားတဲ့ Xiaomi Mi 5

Feb 25, 2016
0 49

တရုတ်စမတ်ဖုန်းကုမ္ပဏီတွေထဲမှာ နာမည်အကြီးဆုံးကုမ္ပဏီတစ်ခုဖြစ်တဲ့ Xiaomi ဟာ ကမ္ဘာ့မိုဘိုင်းဖုန်း ဈေးကွက်ထဲကို Mi 5 ဖုန်းနဲ့ ထိုးဖောက်ဝင်ရောက်လာပါပြီ။

Xiaomi ဟာ ကုမ္ပဏီရဲ့ နာမည်ကျော် Mi စီးရီးရဲ့ နောက်ဆုံးမျိုးဆက် Mi 5 ဖုန်းကို မနေ့ညက ကမ္ဘာ့မိုဘိုင်းကွန်ဂရက်မှာ စတင်မိတ်ဆက်ပြသခဲ့ပြီး၊ ဒီဇိုင်းပိုင်းအကြီးအကျယ်ပြောင်းလဲထားတာကို တွေ့ရပါတယ်။

Mi 5 ဟာ အရင် Mi ဖုန်းတွေထက် ဈေးအတန်ငယ်များသွားပေမယ့်၊ အသုံးပြုထားတဲ့ဟာ့ဒ်ဝဲ၊ဆော့ဖ်ဝဲတွေကို ကြည့်မယ်ဆိုရင်တော့ ဒီဈေးဟာ တခြားဖုန်းတွေနဲ့ယှဉ်ရင် အဆမတန်,တန်တယ်ဆိုတာကို တွေ့ရမှာပါ။

Mi 5 ဖုန်းမှာ Qualcomm ရဲ့ နောက်ဆုံးပေါ် Snapdragon 820 ပရိုဆက်ဆာကိုအသုံးပြုထားပြီး၊ ဒီပရိုဆက်ဆာရဲ့ ထူးခြားချက်က Qualcomm ရဲ့ Quick Charge 3.0 နည်းပညာကို အသုံးပြုနိုင်တာကြောင့်၊ ၃၅ မိနစ်အတွင်း ဖုန်းဘက်ထရီ ၈၀ ရာခိုင်နှုန်းအထိ မြန်မြန်သွင်းနိုင်ပါတယ်။

Sony က ထုတ်လုပ်ထားတဲ့နောက်ဆုံးပေါ် 16-megapixel ကင်မရာဆန်ဆာကို Mi 5 ဖုန်းမှာ အသုံးပြုထား တာကြောင့်၊ ကင်မရာရဲ့အရည်အသွေးက ထိပ်တန်းအဆင့်ပါပဲ။

Xiaomi Mi 5 ဖုန်းကို ဗားရှင်းသုံးမျိုး ရွေးချယ်ဝယ်ယူနိုင်ပြီး၊ သာမန်ဗားရှင်း Xiaomi Mi 5 မှာ LPDD4 RAM 3GB ၊ ဖုန်းတွင်းဒေတာသိမ်းဆည်းနိုင်မှု 32 GB တို့ပါရှိပါတယ်။ ဒီဗားရှင်းကတော့ သုံးသိန်းရှစ်သောင်းလောက် ရှိမှာဖြစ်ပါတယ်။ အရင် Mi ဖုန်းတွေနဲ့ယှဉ်မယ်ဆိုရင်တော့ ဈေးအတန်ငယ်များတာတွေ့ရပါတယ်။ 64 GB ဗားရှင်းကတော့ လေးသိန်းသုံးသောင်းလောက် ရှိမှာဖြစ်ပါတယ်။

Xiaomi Mi 5 Pro ဖုန်းကတော့ တကယ့်အမိုက်စားဖုန်းဖြစ်ပြီး၊ ဖုန်းတွင်းဒေတာသိမ်းဆည်းနိုင်မှု (inbuilt storage) 128 GB အထိ ပါဝင်မှာဖြစ်ပါတယ်။ ဒီဖုန်းကတော့ မြန်မာငွေငါးသိန်းလောက် ကျပါလိမ့်မယ်။

Mi 5 ဖုန်းသုံးမျိုးလုံးမှာ microSD ကတ် ထပ်စိုက်နိုင်တာကြောင့်၊ ဒေတာတွေ ဒီထက်ပိုများများ သိမ်းချင်တဲ့လူတွေအတွက် အဆင်ပြေစေမှာပါ။

မျက်နှာပြင်က ၅.၁၅ လက်မ IPS LCD display ဖြစ်ပြီး၊ 1080p resolution ရှိပါတယ်။ Mi 5 ဖုန်းရဲ့ နောက်ထပ်ထူးခြားချက်ဟာ ဖုန်းမျက်နှာပြင်မှာ ဟုမ်းခလုတ်ပါဝင်လာတာဖြစ်ပြီး၊ ဒီဟုမ်းခလုတ်မှာတင် လက်ဗွေရာစနစ်ထည့်သွင်းထားတာကို တွေ့ရပါတယ်။

နာနိုဆင်းမ်ကတ်နှစ်ကတ်ထိုး သုံးစွဲနိုင်တဲ့ Mi 5 ဖုန်းဟာ ဘက်ထရီအား 3000mAh ရှိပြီး၊ NFC ၊ Wi-Fi ၊ Bluetooth တို့ ချိတ်ဆက်အသုံးပြုနိုင်ပါတယ်။

ဒီဇိုင်းပိုင်းမှာ Pro ဖုန်းရဲ့နောက်ကိုယ်ထည်ကို 3D ပိုလီခရစ်စတယ်သုံး ကြွေထည်ဖန်သားပြင် (3D ceramic glass နဲ့ ပြုလုပ်ထားပြီး)၊ ကျန်တဲ့ဖုန်းနှစ်လုံးကတော့ အထူးပြုလုပ်ထားတဲ့ ဖန်သားပြင်ကိုယ်ထည် ပါရှိမှာဖြစ်ပါတယ်။

xiaomi-mi-502-24_0954vlad-savov-2.0

Android 6.0 Marshmallow စနစ်အခြေခံ၊ MIUI 7 OS အသုံးပြုထားတဲ့ Xiaomi Mi 5 ဖုန်းကို တရုတ်နိုင်ငံမှာ မတ်လ ၁ ရက်နေ့က စတင်ကာ ရောင်းချသွားမှာဖြစ်ပြီး၊ ကျန်တဲ့နိုင်ငံတွေကို ဘယ်အချိန်ရောက်မလဲဆိုတာကို တော့မသိရပါဘူး။ အဖြူရောင်၊ အနက်ရောင်၊ ရွှေရောင်နဲ့ နှင်းဆီရောင်ဆိုပြီး အရောင်လေးမျိုး ရွေးချယ်ဝယ်ယူ နိုင်ပါတယ်။

gsmarena_001

Ref: Gadgets 360, GSM Arena

You may be interested

ကျောက်သံပတ္တမြားများဖြင့် အလှဆင်ထားတဲ့ သိန်း ၅၀၀ ကျော်တန် iPhone X
Apple, HUBS, Mobiles & Tablets
0 shares0 views

ကျောက်သံပတ္တမြားများဖြင့် အလှဆင်ထားတဲ့ သိန်း ၅၀၀ ကျော်တန် iPhone X

Ko Thuya - Nov 21, 2017

Caviar က စမတ်ဖုန်းများကို ကျောက်သံပတ္တမြားများဖြင့် အလှဆင် ရောင်းချတဲ့ ရုရှား ကုမ္ပဏီ ဖြစ်ပါတယ်။ မကြာမီကလည်း ကုမ္ပဏီက နေရောင်ခြည် စွမ်းအင်ဖြင့် အားသွင်းနိုင်တဲ့ iPhone X နဲ့ ရွှေဖြင့် အလှဆင်ထားတဲ့ Nokia 3310 တို့ကို ရောင်းချပေးခဲ့ပါတယ်။…

မြန်မာဈေးကွက်ကို ဝင်ရောက်လာတော့မယ့် ASUS Zenfone 4 Series စမတ်ဖုန်းသစ်များ
ASUS, Mobiles & Tablets
60 shares11 views

မြန်မာဈေးကွက်ကို ဝင်ရောက်လာတော့မယ့် ASUS Zenfone 4 Series စမတ်ဖုန်းသစ်များ

Nwe Oo - Nov 21, 2017

လာမယ့် ဒီဇင်ဘာလမှာ ASUS ရဲ့ စမတ်ဖုန်းစီးရီးသစ်ဖြစ်တဲ့ Zenfone 4 Series စမတ်ဖုန်း ၅မျိုး မြန်မာနိုင်ငံကို ရောက်ရှိလာတော့မှာပါ။ ဒီတစ်ခေါက်မှာတော့ mid-range ဖုန်းတွေတင်မကဘဲ ဈေးနည်းနည်းမြင့်တဲ့ အမြင့်ပိုင်း flagship ဖုန်းတွေပါ ပါဝင်လာမယ်လို့လည်း သိရပါတယ်။ ဒီ ASUS…

V7 Gold color ကို မြန်မာနိုင်ငံ တစ်ဝန်းလုံးတွင် ဝယ်ယူနိုင်ပြီဖြစ်ကြောင်း သိရ
Vivo
49 shares30 views

V7 Gold color ကို မြန်မာနိုင်ငံ တစ်ဝန်းလုံးတွင် ဝယ်ယူနိုင်ပြီဖြစ်ကြောင်း သိရ

Nwe Oo - Nov 21, 2017

ပြီးခဲ့တဲ့ ရက်ပိုင်းက ရန်ကုန်မြို့မှာသာ ဝယ်ယူရရှိနိုင်တယ်ဆိုတဲ့ V7 Gold color တွေကို နိုဝင်ဘာလ ၂၀ ရက်နေ့ကစပြီး မြန်မာနိုင်ငံတစ်ဝန်းလုံးက Vivo Showroom တွေနဲ့ Vivo ကောင်တာရှိတဲ့ အရောင်းဆိုင်တိုင်းမှာ ဝယ်ယူနိုင်ပြီလို့ သိရပါတယ်။ Vivo ဟာ သူတို့ရဲ့…

Leave a Comment

Most from this category