0 Shares 1212 Views

၂ သိန်းဝန်းကျင်နဲ့ ၀ယ်ယူနိုင်တဲ့ ကင်မရာအမိုက်စားစမတ်ဖုန်းများ

Feb 21, 2016
0 1212

လွန်ခဲ့တဲ့တစ်နှစ်လောက်တုန်းကတော့၊ ကင်မရာကောင်းကောင်းနဲ့ဖုန်းကို ၀ယ်ချင်ရင် အနည်းဆုံး သုံးလေးသိန်းပေးဝယ်ခဲ့ကြရပါတယ်။ ဒါပေမယ့် အခုအခါမှာ တန်ဖိုးနည်းစမတ်ဖုန်းတွေမှာလည်း အမိုက်စားကင်မရာတွေပါဝင်လာပြီး၊ အရည်အသွေးမြင့်ဓာတ်ပုံတွေကို လူတိုင်းလိုလိုရိုက်လာနိုင်ပြီ ဖြစ်ပါတယ်။

မိတ်ဆွေအနေနဲ့လည်း ကင်မရာကောင်းကောင်းနဲ့ တန်ဖိုးနည်းဖုန်းတစ်လုံးကို ရှာဖွေနေသူဆိုရင် ဒီဆောင်းပါးက အထောက်အကူဖြစ်ပါလိမ့်မယ်။ အောက်ဖော်ပြပါစမတ်ဖုန်းတွေဟာ ကင်မရာပိုင်းမှာလည်း ကောင်းမွန်သလို၊ စွမ်းဆောင်ရည်ပိုင်းမှာလည်း အပြစ်ပြောစရာမရှိတဲ့ဖုန်းတွေဖြစ်လို့၊ ၂ သိန်းအောက်ငွေနဲ့ ဘာဖုန်းဝယ်ရမလဲမသိဖြစ်နေတဲ့လူတွေအတွက် အဆင်ပြေစေမှာပါ။

၁။ Asus ZenFone Max

ZenFone Max ဖုန်းဟာ ၂၀၁၆ ခုနှစ်အတွင်း ထွက်ရှိခဲ့တဲ့ဖုန်းဖြစ်ပြီး၊ ကင်မရာပိုင်းကောင်းမွန်သလို၊ ဘက်ထရီ အကောင်းဆုံးတန်ဖိုးနည်းစမတ်ဖုန်းအဖြစ်လည်း သတ်မှတ်ခံထားရပါတယ်။ 13 megapixel ရှိတဲ့ ကျောကင်မရာမှာလည်း လေဆာဆုံချက်ရှာမှုစနစ်ပါဝင်ပါတယ်။ Indoor ပုံကောင်းကောင်းရိုက်နိုင်သလို၊ အလင်းနည်းတဲ့အခါမှာလည်း ကောင်းစွာရိုက်ကူးနိုင်ပါတယ်။ 5-megapixel ရှေ့ကင်မရာကလည်း 1080p video တွေအထိ ရိုက်ကူးနိုင်ပါတယ်။ ကင်မရာ mode တွေလည်းစုံလင်ပြီး၊ slow motion ၊ time lapse ၊ panorama စတဲ့ mode မျိုးစုံကို စိတ်ကြိုက်ရိုက်ကူးနိုင်ပါတယ်။

မျက်နှာပြင် ၅.၅ လက်မရှိပြီး၊ RAM 2 GB ၊ internal storage 16 GB ပါဝင်ပါတယ်။ မြန်မာနိုင်ငံအတွင်း မကြာမီဝယ်ယူရရှိနိုင်မှာဖြစ်ပြီး ဈေးနှုန်းကတော့ ၂၂၉၀၀၀ လို့ သိရပါတယ်။

Spesifikasi-Asus-Zenfone-Max-terkini

၂။ Coolpad Note 3

Coolpad Note 3 ဖုန်းကို လွန်ခဲ့တဲ့နှစ် အောက်တိုဘာလတုန်းကဖြန့်ချိခဲ့ပြီး၊ အိန္ဒိယမှာ ဈေးနှုန်း ၁၇၀၀၀၀ ၀န်းကျင်သာရှိပါတယ်။ 13 megapixel ကျောကင်မရာပါဝင်ပြီး၊ LED flash မီးပါဝင်ပါတယ်။ ရှေ့ကင်မရာကတော့ 5-megapixel ဖြစ်ပြီး၊ mode မျိုးစုံရိုက်ကူးနိုင်ပါတယ်။ နေ့အချိန် အလင်းကောင်းကောင်း ရတဲ့အခါမှာ ကျွန်တော်တို့စမ်းသပ်ရိုက်ကူးကြည့်တဲ့ပုံတွေအရ ဒီဈေးနှုန်းနဲ့စမတ်ဖုန်းထဲမှာ ကင်မရာ တော်တော်ကောင်းတဲ့ဖုန်းလို့ပြောရမှာပါ။ ဒါပေမယ့် ညအချိန်မှာတော့၊ အကောင်းကြီးမဟုတ်ပါဘူး။

မျက်နှာပြင် ၅.၅ လက်မရှိပြီး၊ RAM 3 GB ၊ internal storage 16 GB ရှိပါတယ်။ ဘက်ထရီသိုလှောင်နိုင်မှုကတော့ 3000 mAh ပါ။

109201512321PM_635_coolpad_note_3

၃။ Xiaomi Redmi Note 2

၂၀၁၅ အလယ်လောက်မှာထွက်ရှိခဲ့တဲ့ဖုန်းဖြစ်ပြီး၊ Xiaomi ရဲ့ ထုံးစံအတိုင်း ဈေးနည်းနည်းနဲ့ အမိုက်စားဟာ့ဒ်ဝဲ ပစ္စည်းတွေသုံးထားပါတယ်။

13 MP ကျောကင်မရာပါဝင်ပြီး LED flash မီးပါ ပါဝင်ပါတယ်။ အလိုအလျောက်ဆုံချက်ရှာမှုစနစ်ပါဝင်ပြီး၊ ဓာတ်ပုံ filter ၁၂ ခု ရွေးချယ်နိုင်ပါတယ်။ Manual mode မှာလည်း အဖြူအမည်းနဲ့ ISO တို့ကို စိတ်ကြိုက်ချိန်နိုင်ပါသေးတယ်။ ရိုက်ကူးတဲ့ဓာတ်ပုံတွေမှာ noise ဗျောက်ထခြင်းမရှိဘဲ ပုံကောင်းကောင်း ရတာကိုတွေ့ရပါတယ်။ 5 MP ရှေ့ကင်မရာပါဝင်ပြီး၊ အရည်အသွေးမြင့် selfie တွေကို ရိုက်ကူးနိုင်ပါတယ်။ 1080p HD ဗီဒီယိုတွေကိုလည်း ဒီဖုန်းနဲ့တင်ရိုက်ကူးနိုင်ပြီး၊ စလိုးမိုးရှင်းဗီဒီယိုတွေပါ ရိုက်နိုင်ပါတယ်။

ဈေးကတော့ မြန်မာငွေ တစ်သိန်းသုံးသောင်းဝန်းကျင်သာရှိပြီး၊ မျက်နှာပြင် ၅.၅ လက်မ၊ RAM 2 GB ၊ internal storage 16 GB ရှိပါတယ်။

gsmarena_003

Ref: GSM Arena , Gadgets 360

 

 

You may be interested

Xiaomi Mi A1 ရဲ့ Rose Gold Model ကို အိန္ဒိယမှာ ရောင်းချ
Android, HUBS, Mobiles & Tablets
166 shares31 views

Xiaomi Mi A1 ရဲ့ Rose Gold Model ကို အိန္ဒိယမှာ ရောင်းချ

Ko Thuya - Nov 20, 2017

ရှောင်မီက Mi A1 ရဲ့ Rose Gold Model ကို အိန္ဒိယမှာ ရောင်းချပေးလိုက်ပြီလို့ ကြေညာလိုက်ပါတယ်။ Mi.com ကနေ ရောင်းချပေးမှာ ဖြစ်ပါတယ်။ Mi A1 ကို အိန္ဒိယမှာစက်တင်ဘာလတွင် မိတ်ဆက်ခဲ့ပြီး အနက်နဲ့ ရွှေရောင်များ ရောင်းချပေးခဲ့ပါတယ်။…

၁ မိနစ်အတွင်း အားအပြည့်ဖြည့်နိုင်မယ့် အီလက်ထရစ်ကားကို တီထွင်မည်
Automobiles, NEWS
372 shares31 views

၁ မိနစ်အတွင်း အားအပြည့်ဖြည့်နိုင်မယ့် အီလက်ထရစ်ကားကို တီထွင်မည်

Ko Thuya - Nov 20, 2017

ယခင် Tesla ရဲ့ အတိုင်ပင်ခံနဲ့ နာမည်ကျော် ဒီဇိုင်နာ ဖြစ်သူ Henrik Fisker က Fisker အမည်ရ ဇိမ်ခံ အီလက်ထရစ်ကား ကုမ္ပဏီကို တည်ထောင်ထားပါတယ်။ အခုတော့ သူက ကမ္ဘာ့ ထိပ်တန်း အီလက်ထရစ်ကား ထုတ်လုပ်သူ Tesla…

ပိုကောင်းတဲ့ iris scanner, မျက်နှာအတည်ပြုစနစ်တွေနဲ့ထွက်ရှိလာမယ့် Samsung Galaxy S9
NEWS, Uncategorized
187 shares298 views

ပိုကောင်းတဲ့ iris scanner, မျက်နှာအတည်ပြုစနစ်တွေနဲ့ထွက်ရှိလာမယ့် Samsung Galaxy S9

Nwe Oo - Nov 20, 2017

Samsung ရဲ့နောက်ထွက်မယ့် flagship ဖုန်းတွေကတော့ ပိုပြီးအဆင့်မြှင့်တင်ထားတဲ့ အတည်ပြုစနစ်တွေနဲ့ ထွက်ရှိလာနိုင်ပါတယ်။ ETNews ကသတင်းအရဆိုရင်တော့ ပိုကောင်းလာတဲ့ ဆော့ဖ်ဝဲလ်တွေနဲ့အတူ Galaxy S9 ရဲ့ မျက်ဝန်းဖတ်စနစ်နဲ့ မျက်နှာအတည်ပြုနည်းပညာကို ပိုမိုမြန်ဆန်လာအောင်ဖန်တီးနေကြောင်း သိရပါတယ်။ ကိုရီးယားသတင်းတစ်ခုကတော့ Galaxy S စီးရီးရဲ့နောက်လာမယ့် စမတ်ဖုန်းဟာ…

Leave a Comment

Most from this category