အားကစားပြိုင်ပွဲများမှာ Drone များဖြင့် အင်တာနက် ထုတ်လွှင့်ပေးတော့မလား

အမေရိကန် အခြေစိုက် Drone ထုတ်လုပ်သူ CyPhy Works က 4G LTE ထုတ်လွှင့်ပေးတဲ့ Drone များကို မိတ်ဆက်လိုက်ပါတယ်။ သူ့ရဲ့ Drone များကို PARC လို့ အတိုကောက် အမည်ပေးထားပြီး သူ့ရဲ့ Drone များဟာ တစ်စတုရန်းမိုင် ပတ်လည်ကို အင်တာနက် ထုတ်လွှင့်ပေးနိုင်ကြပါတယ်။ မီတာ ၄၀၀ အမြင့်ကနေ ပျံသန်း၍ အင်တာနက် ထုတ်လွှင့်ပေးနိုင်တဲ့အတွက် လူပေါင်းများစွာ လာရောက်ကြည့်ရှုကြတဲ့ အားကစားပြိုင်ပွဲကြီးများ၊ စတိတ်ရှိုးပွဲကြီးများနဲ့ အခြားပွဲကြီးများအတွက် အထူးသင့်တော်ပါတယ်။ CyPhy Works က သူတို့ရဲ့ Drone များဟာ နာရီပေါင်းများစွာ ပျံသန်းနိုင်ကြတယ်လို့လည်း ပြောပါတယ်။

လက်ရှိမှာတော့ အားကစားပြိုင်ပွဲကြီးများ အနီးအနားမှ ဆက်သွယ်ရေး တာဝါတိုင်များရဲ့ အင်တာနက် ထုတ်လွှင့်မှုဟာ သုံးစွဲသူ ပမာဏနဲ့ ယှဉ်ရင် များစွာ အားနည်းနေတဲ့ အတွက် အင်တာနက်လိုင်း နှေးကွေးမှု ပြဿနာများ ရှိနေတယ်လို့ သိရပါတယ်။ အနာဂတ်မှာတော့ CyPhy ရဲ့ Drone များကို အသုံးပြု၍ အားကစားပြိုင်ပွဲကြီးများမှာ အင်တာနက် ထုတ်လွှင့်ပေးကောင်း ပေးလာနိုင်ပါတယ်။

သဘာဝဘေးအန္တရာယ်ကြောင့် ဆက်သွယ်ရေး တာဝါတိုင်များ ပျက်ဆီးသွားတဲ့ နေရာဒေသများမှာလည်း ဒီ Drone များဖြင့် အင်တာနက် ထုတ်လွှင့်ပေးနိုင်တဲ့ အားသာချက် ရှိနေပါတယ်။ ဒီနည်းပညာဟာ သမားရိုးကျ အင်တာနက် ထုတ်လွှင့်ပေးတဲ့ နည်းပညာများထက် စွမ်းဆောင်ရည်နဲ့ ဈေးနှုန်းအပိုင်းမှာလည်း အားသာချက်ရှိတယ်လို့ သိရပါတယ်။

ref : digital trends